occitan

Comuna de Limon

PROVINCIA DE CN

_____________

ORDENANÇA

N. 8 DAL 13/03/2020

OBJÈCT:

MISURAS ENTEGRATIVAS PER LO CONTENIMENT E LA GESTION DE L'EMERGENÇA EPIDEMIOLÒGICA DA CÒVID-19 ENTAL TERRITÒRI DE LA COMUNA DE LIMON.

LO SÉNDIC

Vist lo D.P.C.M. dal 04-03-2020;Vist lo D.P.C.M. dal 08-03-2020;Vist lo D.P.C.M. dal 09-03-2020 portant las mesuras per lo conteniment e lo contrast dal se difónder dal virus CÒVID-19 sus l’entier territòri nacional;

Considerat que la Comuna de Limon es un territòri abo auta vocacion turistica;

Retengut oportun, en aplicacion dal principi de precaucion, reduire la creacion de condicions favorables a la difusion dal virus per l’entermediari de l’adopcion de qualquas mesuras restréntivas;

Vista la nòta de la Questura de Coni prot.n.2062 pervenua en data d’encuei a objèct:

Emergença epidemiològica da CÒVID-19 “;

D’entendua abo la Prefectura e abo la Questura de Coni en via exclusivament precaucionala e cautelativa al fin de contenir e gestir l’emergença epidemiològica da CÒVID-19;

VISTS:

l’article 50 dal D.lgs 18-08-2000 n.267 e s.m.i.;

las normativas de lei que atribuïsson al Séndic las competenças en qualitat de Autoritat Sanitària Locala en matèria de igièna e Sanitat;

lhi provediments restréntius já engatjats dal Ministèri de la Salutte;

ORDENA

Dins la pròpria competença territoriala e abo efect dal 13-03-2020

  • ai proprietaris e gestors de activitat riceptivas, aubergieras ed extra aubergieras, de comunicar immediatament ai pròpi usatgiers que aien fait entrada en Limon a far data da lo 07-03-2020 l’obligacion de senhalar la pròpria presença sus lo territòri contactant lo Comandament de Policia Locala o l’Estacion di Carabiniers o lo Sector de Policia de Frontiera de Limon;

  • a lhi Administrator de condomínis de comunicar immediatament ai Condòmins que aien fait entrada en Limon a far data da lo 07-03-2020 l’obligacion de senhalar la pròpria presença sus lo territòri contactant lo Comandament de Policia Locala o l’Estacion di Carabiniers o lo Sector de Policia de Frontiera de Limon;

  • a tuit lhi sobjècts PAS residents o residents mas domiciliats da n’autre cant que aien fait entrada en Limon a far data da lo 07-03-2020 l’obligacion de senhalar la pròpria presença sus lo territòri contactant lo Comandament de Policia Locala o l’Estacion di Carabiniers o lo Sector de Policia de Frontiera de Limon;

A tuit aquilhi que intren mai dins las casisticas aicí sobre (PAS residents o residents dins la Comuna de Limon, mas domiciliats da n’autre cant e presents sus lo territòri comunal a far data dal 07-03-2020) de se butar en autoisolament per 15 (quinze) jorns o en alternativa de laissar dins 24h lo territòri comunal;

DISPAUSA

La notifica dal present apt

A tuit lhi proprietaris e gestors de activitat riceptivas, aubergieras e extra-aubergieras de la comuna de Limon;

A lhi Administrators de lhi condomínis de la comuna de Limon.

Lo present provediment es publicat sus lo sèti istitucional de la comuna de Limon e l’es transmetut en còpia a:

S.E. lo Prefect de Coni; sig. Questor de Coni

Comandament Estacion Carabiniers de Limon;

Sector Policia de Frontiera de Limon

Comandament Policia Locala.

La Policia Locala e las autras fòrças de Policia son encharjaas de verificar l’observança e l’execucion dal present apt.

AVIERT

Còntra lo present provediment pòl èsser propausat recors jurisdicional al Tribunal Administratiu Regional de Torin dins seissanta jorns e dins 120 gg. al Cap de l’Estat, a far data da la notifica dal present provediment o de la plena conoissença de lo mesme;

Limon lo jorn 13-03-2020

LO SÉNDIC Dott. Massimo Riberi