occitan

COMUNA DE ROCAVION

Provincia de Coni

ORDENANÇA N. 42

DAL 26/10/2020

REALIZACION DE LA FACULTAT DE DEROGA A LA PROÏBICION DE LO BRUSAMENT DE LHI RESIDUS DE LAS COLTIVACIONS

LO SÉNDIC

PREMÉS que abo l'intraa en vigor de la nòva lei regionala sus lhi encendis bosquius n.15 dal 04 octobre 2018 e l'aprovacion dal Plan sus la qualitat de l'aire ental Bacin Padan, las reglas per l'aviscament di fuecs e lo brusament de lhi residus vegetals son etaas modificaas.

Las endicacions son diferentas en funcion dal luec (ental bòsc/fòra dal bòsc), dal tipe de activitat (brusament di materials vegetals/aviscament di fuecs) e dal períod (dal 1°de novembre al 31 de març/dal 1° d’abril al 31 de octobre).

Lo brusament de material vegetal derivant da las normalas activitat agricolas e selvicolturalas es proïbit sus tot lo territòri regional ental períod comprés entre lo 1° de novembre e lo 31 de març.

  • Es admetut lo brusament, d’en prim regropant en pichòts barons e en quantitat jornalieras pas superioras a tres mètres steri per ectare, de lhi materials vegetals lhi quals a l’articol 182, còmma 6 bis del D.Lgs. 152/2006, fait ental luec de produccion, a 50 mètres luenh (100 en cas de perilhósitat) da lhi bòscs, da las pasturas o da lhi terrens cubèrt da arboleri;

  • Es concedut aviscar fuecs en àreas equipaas, per motius de trabalh e per motius liats a la tradicion culturala (ex. fuecs de artifici), se es ren estat declarat l’estat de perilhósitat per lhi encendis bosquius);

  • Lo luec onda se procèd a l’aviscament dal fuec, enti cas admetuts, es preventivament isolat, pas a contact abo lhi fusts de lhi àrbols e circoscrit per prevenir lo propagar dal fuec;

  • Lhi fuecs pòlon pas èsser laissats sensa garda fin a total exauriment de la combustion abo personal sufisent e dotat de mejans idòneu a lo contròtle e a l’estenhement de las flamas;

  • L’activat pòl èsser faita masque da l’alba a lo cojar dal solelh e totun chal que la lhi sie pas lo vent.

CONSIDERAT que la Region Piemont a aprovat la nòva lei n. 3 dal 26 febrier 2020 que ficha la possibilitat per lhi ents locals de preveire na deroga a la proïbicion de brusament coma aicí dessot expausat:

  • La proïbicion de brusament de material vegetal, ental períod comprés dins lo 1°de novembre e lo 31 de març de l'an seguent, polerè èsser derogat, limitatament a la combustion de lhi residus de las coltivacions, per un maxim de trenta jorns decò pas continu per las Comunas de montanha e per un maxim de 15 jorns decò pas continu per las àreas de planura.

  • Las derogas van deciduas da lhi Séndic abo pròpria ordenança, fèrm restant lhi límits butats da lo decret legislatiu 152/2006, que a l'art. 182 prevec que las Comunas e las autras administracions competentas en matèria ambientala aien en chasque moment la possibilitat de suspénder, remandar o proïbir lo brusament de las sterpalhas en tuit lhi cas onda la lhi sien condicions meteorologicas, climaticas o ambientalas pas favorablas, abo particolara referença a lo respect di nivels anuals de las povres subtilas.

VIST l'art. 256 bis, còmma 6 bis del D.Lgs. n. 152 dal 2006, fichat dal Decret Lei 24 junh 2014, n. 91, lo qual recita: "Las disposicions dal present articol e de l'articol 256 se aplicon pas al material agrícol e forestal derivant da talh, poaüras o polidaments sus dal pòst dins lo cas de combustion sus dal pòst de las mesmas. De tal material es consentia la combustion en pichòts barons e en quantitat jornalieras pas superioras a tres mètres steri per ectare dedins las àreas, períods e oraris localizats abo expressa ordenança dal Séndic competent per territòri. Enti períods de maxim risqui per lhi encendis bosquius, declarats da las Regions, la combustion di residus vegetal agrícols e forestals es sempre proïbia”.

VALUTAT NECESSARI garantir sus lo territòri comunal un sistèma de desmaltiment de lhi residus agrícols consequents a la culhia de las chastanhas que consent de evitar risquis per l'ambient, causats da lo començament e la propagacion de lhi encendis provocats da lhi residus vegetals depositats en luec o pura lo lor dilavament a causa de events alluvionals, causa de estop de conductas e canals.

RETENGUT ÚTIL E NECESSARI procèder abo la deroga de la proïbicion de brusament di material vegetal (diferent previst ental períod comprès dins lo 1° de novembre e lo 31 de març de l'an d’après), limitatament a la combustion de lhi residus colturals consequents a la culhia de las chastanhas, per un maxim de 30 jorns continuatius.

VIST lo Reglament Forestal de la Region Piemont aprovat abo DGR 8/R dal 20109/2011;

VISTS l’art. 54 còmma 4, del D.Lgs. 18 aoust 2000 n. 267 e smi.;

VISTA la Lei 142/90 s.m.i.;

VIST l’Estatut comunal;

ORDENA

de derogar a la proïbicion de brusament de material vegetal (proïbicion prevista ental períod comprès dins lo 1° de novembre e lo 31 de març de l'an d’après), dal jorn 1° de novembre al 30 de novembre 2020 permetend la combustion, sus dal luec de producion, masque de residus colturals consequents a la culhia de las chastanhas. Donca, da lo jorn 1° de novembre al 30 de novembre 2020 es consentia la combustion en pichòts barons e en quantitat jornalieras pas superioras a tres mètres steri per ectare dedins las àreas, a tutela de la salute e de l'ambient, enti biais aicí dessot etablits:

Es consentia la soleta combustion de masque residus colturals consequents a la chastanicoltura:

  • La combustion deu èsser faita sus lo luec de producion;

  • Durant totas las fasas de l'activitat e fin a l'avengut estenhement dal fuec deu èsser asseguraa costanta vigilança da part dal productor o dal conductor dal fons o de persona de sa confiança e l’es proïbit quitar la zòna fin a lo complet estenhement de lhi foiers e brasas;

  • La combustion deu èsser faita en barons de dimencion limitats e totun pas superiors a 3 (tres) mètres steri al jorn per ectare, en avent cura de isolar la zòna de combustion per l’intermediari de una faisa a la viron libra da residus vegetals e de limitar l'autessa e lo frònt de lo brusament, deu pas èsser faita a contact abo lhi fusts de lhi àrbols;

  • La combustion deu avenir almenc 50 mètres da lhi casei de tèrç e deu pas portar desturbi consequent a la dispersion dal fum o a la retombaa de la calise;

  • L'òbra de combustion deu se desvòlzer dins las jornaas sensa vent, preferiblament umidas, da l'alba a lo cojar dal solelh;

  • La zòna onda se fai lo brusament deu èsser delimitaa e isolaa abo mejans eficaç a evitar lo se espantear dal fuec, en particolar deu se realizar na faisa sensa de residus vegetals pas enferioras a 5 (cinc) mètres;

  • Ente las àreas da cant a ferrovias e grandas vias de comunicacion, pòlon pas se aviscar fuecs al dedins de na faisa de 100 mètres;

  • Se ental cors de la combustion sobrevene lo vent o autras condicions de perilhósitat que pòschen facilitar la propagacion de las flamas o situacions de perilh, lo fuec devarè èsser immediatament tupit;

  • Es absolutament proïbia la combustion de materials o substanças diferentas da lhi escarts vegetals;

  • Enti períods de maxim risqui per lhi encendis bosquius, declarats da las Regions, e rendut conoissuts da la Comuna abo expressa publicacion a l'album pretòri enformatic, la combustion di residus vegetals agrícols e forestals es sempre proïbia.

Es fait obligacion a qui se sie speite, de observar la presenta ordenança.

La mancaa observança de las disposicions previstas da chasque ponch de la presenta ordenança, gavaas las responsabilitat de òrdre penal e civil derivants da las eventualas consequenças causaas dal mancat respect dal present act, se pas sancionaas da la vigenta normativa o da especificas nòrmas reglamentarias, es subjècta a la sancion administrativa dal pagament de na soma da € 25,00 a € 500,00, ai sens de l'art. 7/bis, còmma 1, dal D.Lgs 1 8/08/2000 n. 267 e smi.

A nòrma de l'art. 3, còmma 4 de la Lei n. 241/1990 se avert que, advèrs la presenta ordenança, qui se sie n’abe enterès polerè presentar recors ai sens de la Lei n. 1034/1971 al TAR Piemont, per encompeteça, excès de poer o per violacion de lei, dins 60 jorns da sa publicacion, o pura recors extraordinari al Cap de l’Estat ai sens dal D.P.R. 1 199/1971, dins 120 jorns da sa publicacion.

L’Estacion de lhi Carabiniers e l’Estacion dal Còrp Forestal de l’Estat de Borg San Dalmaç, lhi agents de Policia Municipala competents sus lo territòri comunal e l'Ofici Tecnic Comunal son encharjats, chascun per çò que de competença, de vigilar sus la execucion de la presenta ordenaça.

La presenta ven mandaa:

  • a l'album pretòri de la Comuna, per sa publicacion;

  • a la Policia Municipala de la Comuna de Rocavion, per la vigilança de competença;

  • a l’Estacion de lhi Carabiniers e l’Estacion Carabiniers Forestals de Borg San Dalmaç, per la vigilança de competença;

  • a l’Ofici Tecnic Comunal.

Da la Casa Comunala

LO SÉNDIC

Firmat Digitalament

F.to : AVENA GERMANA