occitan

COMUNA DE ROCAVION

PROVINCIA DE CONI

ORDENANÇA N. 28

DAL 27.09.2010

PROÏBICION DE LA CULHIA DE LHI PRODUCH DAL DESSOT DAL BÒSC EN LAS PROPRIETATS PRIVAAS

LO SÉNDIC

VIST l'avesinarse de la sason automnala onda aumenta la presença de personas estranhas a la proprietat al dedins di terrens privats al fin de culhir lhi fruits dal dessot dal bòsc;

APERCEBIA la necessitat de adoptar lhi oportuns provediments adaptats a contèner tal fenòmen al fin de assegurar e tutelar la regolara activitat de culhia de lhi proprietaris di terrens evitant la sortia de problematicas d’òrdre public;

VISTA la L.R. 17.12.2004 no 24 - disciplina de la culhia e lo comèrci de bolets fòra tèrra;

VISTA la L. 06.01.1931 no 99 — disciplina de la coltivacion, culhia, comèrci de plantas oficinalas;

VISTA la L.R. 02.1 1.1982 no 32 — nòrmas per la conservacion dal patrimòni natural e òrdre ambiental;

VISTS lhi artt. 820 e 821 dal Còdi Civil;

VIST lo T.U. 18.08.2000 no 267;

RECHAMAT l'article n. 38 de lo Estatut Comunal;

ORDENA

En qualitat de Autoritat de Publica Seguressa

Lo respect de las proïbicions de culhia di fruits del dessot dal bòsc al dedins di terrens agricols de proprietat privaa (ex: bolets, erbas aromaticas, chastanhas, nose ecc...) contenguts dedins las nòrmas listaas en premessa perqué en basa ai sens dal Còdi Civil ilhs son de proprietat exsclusiva di proprietaris di fons o de lhi avents drechs e a lor deven èsser renduts.

Afortis que per la culhia di bolets fòra tèrra, abo l’exclusion di proprietaris di fons, chal èsser en possession de l'apòsit titol autorizatiu.

Envita tuits lhi proprietaris di fons privats a butar ar lòng de las bòinas de lhi mesmes idòneu cartèls marcants la proprietat privaa al fin de publicizar a qui se avesina l’estat juridic d’aquela proprietat.

Lhi trasgresors serèn sancionats ai sens de las nòrmas en premessa e per aquò que es ren contemplat da las mesmas serèn aplicaas las sancions previstas per pas aver observat las ordenanças e lhi reglaments comunals, salva la possibilitat de lhi proprietaris di fons de se arvaler sus lhi trasgresors en lueia civilistica o penala.

Es faita obligacion ai funcionaris e a lhi agents prepòsts, far observar la presenta ordenança.

MANDA

a donar notícia dal present provediment a la ciutadanança abo la publicacion a l'Albò Pretòri, lo placament ente lhi espacis comunals e la publicacion sus dal sèti internet comunal.

Còntra la presenta Ordenança es possibol semòure recors al TAR PIEMONTE dins 60 jorns da la data de la presenta o, en alternativa, al President de la Republica Italiana dins 120 jorns da la data de la presenta.

C.A.P. 12018 - VIA S. CROCE, 2 - TEL. CENTRALIN 0171.76.71.08 - TEL. OFICI TECN 0 0171.26.49.63 - FAX 0171.75.78.57 e-mail: roccavione@reteunitaria.piemonte.it