occitan

COMUNA DAL VERNANT

PROVINCIA DE CONI

_____________

ORDENANÇA SINDACALA

N. 41 DAL 31/10/2020

OBJÈCT:

REALIZACION DE LA FACULTAT DE DEROGA A L’INTERDICCION DE

BRUSAMENT DI RESIDUS CULTURALS AI SENS DE LA LEI REGIONALA N. 3/2020

LO SÉNDIC

ATENDUT l’interdiccion de brusament de matèrial vegetal, ental períod comprés entre lo 1 de Novembre e lo 31 de Març de l’an seguent dal qual a l’art. 10, còmma 2, de la lei regionala 4 Octobre 2018, n. 15, portant nòrmas de realizacion de la lei 21 Novembre 2000, n. 353 “Lei quadre en matèria de lhi encendis bosquius”;

VISTA la Lei regionala n. 15/2018 “Nòrmas de realizacion de la lei 21 novembre 2000, n. 353

(Lei quadre en matèria de lhi encendis bosquius), en particolar l’art. 4 còmmas 3,4,5;

RELEVAT que en realizacion de la lei regionala 26 febrier 2020, n. 3, portant “Modifica a l’art. 16 de la lei regionala 22 Genier 2019, n. 1 (Reordenament de las nòrmas en matèria de agricultura e de desvolopament rural)”, es estaa menaa la facultat per las Comunas de derogar, limitatament a lo brusament de lhi residus culturals, per un màxim de trenta jorns, decò pas continuatius, per las comunas de montanha e per un màxim de quinze jorns, decò pas continuatius, per las àreas de planura, menaa abo la lei regionala 26 Febrier 2020, n. 3

RITENGUT de aculhir las adreças en argument e al fin de contemperar la necessitat de brusar lhi residus culturals abo l’exigença de tutelar totun la qualitat de l’aire e ben per aquò de dispausar la deroga a l’interdiccion de brusament di residus culturals fin al 30 novembre 2020;

DONAT APT que venerèn sancionats lhi comportaments diferent da çò que previst ental present provediment;

VISTA la lei n. 353 del 21/11/2000 e la lei regionala n. 15 dal 04/10/2018;

VIST l’art. 50 dal D.lgs. 18 d’aost 2000 n. 267 e s.m.i.;

Per las motivacions sobre exprèssas

ORDENA

Per las motivacions totas expausaas en premèssa e en realizacion de la lei regionala 26 febrier 2020

n. 3 es consentit lo brusament di residus culturals sus dal terriòri comunal fin a lo 30 novembre 2020 DESPAUSA

LA PUBLICACION a l’Albò Pretòri de la Comuna

LA TRANSMISSION per oportuna conoissença

  • al Comandament Estacion Carabiniers

  • al Comandament Estacion Carabiniers Forestals

RENT CONOISSUT

que còntra la presenta Ordenança es admetut, ental tèrme de 60 jorns da la notificacion, recors al T.A.R. Piemont o pura, en via alternativa, recors extraordinari al President de la Republica dins 120 jorns da la notificacion.

Vernant lo jorn, 31 de octobre 2020

LO SÉNDIC

Firmat digitalament

F.to: DALMASSO Gian Piero

Firmat digitalament ai sens dal D.lgs 82/2005 s.m.i.