STATUT - UNIOUN MOUNTANA DLI COUMUN ALP GRAIË

franco-provenzale

STATUT

UNIOUN MOUNTANA DLI COUMUN

ALP GRAIË

(a to sedë a Viù)

TITOUL I

CAPO I

PRINSIPI È NOURMË FOUNDAMENTAL

Ërt. 1 - Coustitousioun é scop ëd l’Unioun

Li Coumun (n.5) ëd Rubiana, Grouscaval, Lemië, Useui é Viù, a li sens ëd l’ërt. 32 doou D. Lgs. 18 oust 2000, n. 267 é s.m.i. é ëd lh’ërt. 4, 12, 13 ëd la Legë Rejounal n.11 doou 18.09.2012 é ëd lh’ërt. 2,3,7,7,10 é 11 ëd la Legë Rejounal n.3 doou 14 mars 2014, ënt ‘oou rispet ëd la leu aoutonomì, ou coustituesount n’Unioun Mountana ëd Coumun –d’eisì ën avënt indicaia për counchizioun Unioun Mountana o Unioun – scount ël nourmë doou present Statut, për la gestioun asouchàia ëd ‘na plouralità ëd funsioun é relatìou servisi ëd coumpetensi ëd li Coumun medemi.
L’Unioun Mountana è i ëst n’ent loucal doutà ëd persounalità juridical publica é poutestà statutaria é regoulamentar, qu’è travaiët ënt ‘oou teritori courispoundent a se ëd li Coumun cou la coustituesount, scount li prinsipi fisà da la Coustitusioun, daou dirit coumunitari é da lë nourmë statal é rejounal.
L’Unioun mountana è costitueit n’area teritourial outimal për l’ezerchisi asouchìa ëd lë funsioun é dli servisi quë li Coumun ou li dounount
L’Unioun è vint costituìa për rënfoursì li servisi dounà a la poupoulasioun, për realizà lou zvilup durevoul é la rëvitalizasioun ëd lou soun teritori scound li prinsipi ëd la soustenibilità. Ou s’ëmpenhet a realizà oubietìou ëd couezioun souchal adegouaia a li bëzounh é è i ëst ëmprountaia a la parità ëd li ses. L’Unioun è stimoulët bounë pratiquë për la vëlourizasioun ëd la diversità, dla creatività, dl’inouvasioun ënt lë spasi ëlpin. È ezerchitët funsioun è servisi coumunal për limità lë speiza ëd lh’ent tritourial é milhourà lou zvoulgimënt ëd lë funsioun aministrativë é dli servisi public, scound li prinsipi d’eficacha, efichensi è ecounomichità.
Elemënt coustitutìou ëd l’Unioun ou sount la poupoulasioun é lou teritori ëd li Coumun cou n’eun font part.

Ërt. 2 - Sedë

L’Unioun è i eu sedë legal ënt ‘oou Coumun ëd Viù – Piasi Vittorio Veneto 2
Ërz’adounënsi ëd lh’ourgan coulejal ou s’ tinhount nourmalmënt ënt la sedë ëd l’Unioun.
Li soun ourgan é ufisi ou peuvount riunise é istà ëd co ën sedë diferentë, basta meuc quë ou s’ trëvount ënt ‘oou teritori ëd li Coumun ëd l’Unioun, për seun, për rendri più efichent l’atività ëd l’Unioun é l’erougasioun ëd li servisi, couëlsiasi sedë munichipal ëd li Coumun cou font capo a l’Unioun Alp Graië è peut estri druvaia coume sedë ouperativa

Ërt. 3 - Ënsenha

L’Unioun è i eu ‘na soua ënsenha é ën soun stendard
L’ënsenha è i ëst aprouvaia daou Counseulh ëd l’Unioun a to apozita deliberasioun, adoutaia a to la majourënsi ëd li dui ters ëd li counsilhé asenhìa.
Su onhi at ëd l’Unioun é soou sigil è i ëst ërpourtaia la denouminasioun “Unioun Mountanana Alp Graië”, a to l’ësenha aprouvaia.
L’utilizi o l’ërproudusioun ëd lh’ëndicà simboul, fora da lhë scop istitusiounal, ou dëvount estri aoutourizà a to spechific prouvedimënt ëd la Jounta ëd l’Unioun.

Ërt. 4 - Finalità

L’Unioun è raprëzentët la coumunità ëd si cou istount soou soun teritori é è countribueit a fanë lh’ ënteres
L’Unioun è ricounusët ënt ‘oou Coumun lou livel foundamëntal për la piënificasioun teritourial, è asicurët la përtechipasioun a li prouches dechiziounal ëd lë coumunità loucal cou la coustituèsount é è në stimoulët lou zvilup, adatant la soua asioun a li prinsipi é a lë regoulë ëd la demoucrasìa, soulidarietà, trëspërensi, eficacha, soustenibilità é ecounoumichità.
L’Unioun è s’ëmpenhët a la coulabourasioun é a la couperasioun a to tui’ li soujet public é privà é è stimoulët la përtechipasioun ativa ëd li sitadin, ëd lë forsë souchal, ecounomiquë é sindacal ënt l’atività aministrativa.
L’Unioun atravers l’ezerchisi ën foueurma asouchaia ëd lë funsioun é ëd li servisi quë li Coumun partechipant ou delegount a to spechific at a l’Unioun medema, è s’ proupounët ëd mëlhourà la couëlità ëd li servisi fournì, ëd favourì lou superamënt ëd li dizecouilibri ecounomic, souchal é teritourial qu’è i eu ënt la soua area é d’outimizà ël rizorsë ecounomic-finënsiarië, umanë é strumëntal.
È i ëst funsioun ëd l’Unioun stimoulà la prougresiva integrasioun ëd l’asioun aministrativa tra li Coumun cou n’ën font part, da realizà ëd co grasië a lou trasferimënt ëd funsioun ëd servisi public, për gestì a to efichensi é eficacha tou’ l’ëntìër teritori.
L’Unioun è stimoulët la tutela, lë zvilup soustenibil é la vëlourizasioun doou teritori é dl’ecounoumia mountana, a to përticoulàr atensioun a l’ëmbient natural, a la vëlourizasioun ëd lë rizoursë umanë é a la difeiza é a ‘ou recupero doou pëtrimoni lingouistic, storic, ërtistic é coultural ëd li Coumun partechipant.
L’Unioun è stimoulët ëd co lou tourizm soustenibil, la rete escursiounistica, lou pëtrimoni ëlpinistic é la rivitalizasioun doou përtrimoni edilisi.
L’Unioun è ezerchitët funsioun proprië é delegaië è è aministrët lh’ëntervent spechal për la mountanhi previst dal nourmë eouroupee, statal, rejounal.
L’Unioun è s’ërcunhuit ënt ‘oou prinsipi ëd la coperasioun é integrasioun avé ërz’aoutri sistem teritourial loucal é rejounal, ën përticoulà a to li teritori ëd l’Unioun Eouropea é è s’ëmpemhët a outenì ‘sti oubietìou istitusiounal atravers l’atuasioun (prougetasioun, realizasioun, istrutoria é rendicount) ëd spechal prouget ëntegrà (transfrountalié, transnasiounal, ëd couperasioun dechentraia é coperasioun a lë zvilup) couerent a to l’aideia ëd zvilup socho-ecounomic coundivis daou teritori é piìa d’acordi a to lou councoueurs d’aoutri ënt public é privà ënteresà a la proumousioun ecounomic-souchal ëd le dzonë mountanë.
L’Unioun ëd Coumun è s’ëmpenhët a estri part ativa ënt la prougetasioun ëd neu strumënt couerent a to ël diretivë coumunitarië, bin cousapevoul ëd li vantajou ecounomic é souchal pourtà da ‘sti strumënt aou teritori mountan.
L’Unioun è realizët li prouvedimënt për mëlhourà la couëlità doou countest mountan, për difendri é vëlourizà ërz’aree agricoulë, lou pëtrimoni fourestal, ël difeizë doou teren é dl’ambient.
Oubietìou primari ëd l’Unioun ou sount ëd co:

La proumousioun ëd lë zvilup socho-ecounomic, atravers l’ecouilibrà aset doou teritori, ënt ‘oou rispet é ënt la difeiza ëd l’ambient é dla salutë ëd li sitadin;
L’armounizasioun ëd lë funsioun atribuìe a to l’ezigense general ëd li sitadin, asicurant n’utilizi just ëd lë rizorsë;
L’ouservasioun doou prinsipi ëd pari opourtunità tra li ses, ënt lë funsioun ezerchitaië, sia ënt l’ourganizasioun ëd l’Ent, sia ënt l’atività soou teritori, sia ënt li raport a to ërz’aoutri ent l’ourganizasioun;
Lë zvilup é la vëlourizasioun ëd la pas, dla toulerënsi é dla soulidarietà;
L’adezioun alë regoulë é a li prinsipi ëd la Carta Eouropea ëd lë aoutounoumië loucal.

Ërt. 5 - Prougramasioun é coperasioun

L’Unioun è adegouët la soua asioun për realizà lh’oubietìou ëd soua coumetensi, a li metoud, a la prougramasioun é a la coulabourasioun avé ërz’aoutri ent, fazënt përticoulà atensiouna aou racordi tra li propri ënstrumënt é si ëd lh’aoutri ënt public cou travaiount soou teritori.
Li raport avé li Coumun, la Sità Metropoulitana é la Rejoun ou s’unifourmount a li prinsipi ëd coperasioun, ënt ‘oou rechiproco rispet ëd lë relativë sferë d’asioun.
Ën përticoulà li raport avé li Coumun cou font part ëd l’Unioun ou sount ëmprountà a li prinsipi ëd trësparensi a to la masima publichizasioun ëd tui’ lh’at foundamental é d’ëmparsial gestioun ëd lë poulitiquë dë zvilup doou teritori, coulegaië al funsioun atribuìë.
Për la proupouzisioun, l’ourganizasioun é la gestioun ëd prouget coumun a d’aoutre Unioun ëd Coumun o d’aoutri ent, ou peuvount estri councourdaië inisiative é foueurmë ëd couordinamënt.
L’Unioun è i eu ëncaminà prouget cou interesoun Coumin vizin, bele se ou font nhint part ëd l’Unioun medema.

Ërt. 6 - Funsioun

L’Unioun ezerchitët aou post é për count ëd li Coumun partechipant ël funsioun foundamental ëd li Coumun, a li sens ëd l’ërt 117, comma 2 litra p) ëd la Coustitusioun, previuvë da l’ërt 14, comma 27 doou D.L. 78/10, counvertì ën lege 122/10 é s.m.i., da ativase a to lesta gradoualità.
L’Unioun è ezerchitët ëd co, ën couëlità d’Agensia ëd zvilup, ël spechifiquë deleguë ëd proumousioun ëd la mountanhi, atribuìë ën atouasioun ëd lë dispouzisioun ëd coui a l’ërt. 44, comma 2 ëd la Coustitusioun é ëd l’ërt. 3 ëd la L.R. 3/14.
L’Unioun è aministrët, ëd co, ënt l’interes ëd tuiti o part ëd li Coumun partechipant, coumisioun për la toutela doou paizajou é ambiental, ërz’atività ën materia ëd toutela ëd lë minourënsi lingouistiquë, li compiti për la coustodia é lou ricover ëd tchin ëd nhun é bade, ërz’inisiativë cultural, touristiquë, spourtìë, scoulastiquë é ëd fourmasioun, da ativase gradoualmënt, coumpatibilmënt a to ël rizoursë finënsiarië dispounibil.
Ël moudalità ëd councret ezerchisi ëd lë funsioun ëd coui a li comma 1, 2, 3 doou prezent ërticoul ou sount stëbilìë a l’ërt. 7 doou present Statut.
L’Unioun è ezerchitët ëd co, a to decourensi da la data d’intraia ën vigour ëd l’oubligatouriëtà ëd la nourma, la funsioun ëd Chentral Unica ëd Coumitensi, a to sedë ënt la sedë ëd l’Unioun, për l’acouizisioun ëd travai, servisi é fournidurë ëd coui a l’ërt. 33, comma 3 bis, doou D.L. gs 163/06 é s.m.i.
L’unioun è peut avè d’aoutrë funsioun, se pruma è t’istaia faita ‘na delibera moudificativa doou prezent Statut aprouvaia da li Counseulh ëd tui’li Coumun partechipant për la prouchedura é la majourënsi prëviuva për lhë Statut Coumunal.
A echesioun ëd lë funsioun previuvë daou comma 1, toutë ël restantë funsioun o servisi ou peuvount estri ezerchità da l’Unioun për tuiti o meuc për quërcun ëd li Coumun partechipant scound seun cou stabileit l’ërt. 42, comma 4.
L’Unioun è peut ëd co stipulà a to aoutri Ent loucal apozitë counvensioun për pourtà a coumpimënt ën maneri couordìnaia funsioun é servisi determinant.

Ërt. 7 - Prouchedimënt për lou trasferimënt ëd funsioun.

Lou trasferimënt ëd lë funsioun ëndicaië a l’ërt. 6 ou i ëst dispost a to deliberasioun cousiliar adoutaia da tui’ li Coumun ënteresà é deliberasioun doou Counseulh ëd l’Unioun.
‘Sta deliberasioun, a to pousibil rënviou a solusioun trënzitorië, è deout quiaramënt ëndicà:

Ël coumpetensi da trësferì;
La decourënsi doou trasferimënt;
Ël coundisioun ourganizativë é finënsiarië për evità que, ënt la souchesioun ëd la titoularità ëd li raport, ou s’ determinount foueurmë ëd prejudisi a la countinouità ëd l’ezerchisi ëd lë funsioun é dli servisi.

Lou trasferimënt ëd funsioun é serivisi a l’Unioun, da part ëd li Coumun, ou deout prevedri li relatìou trasferimënt ëd rizoueursë umanë, finënsiarië é srumëntal.
A segouit doou trasferimënt ëd lë coumpetensi, l’Unioun è vint titoular ëd toutë ël funsioun aministrativë nechesarië a la soua gestioun é a sittë diretamënt ou coumpetount ël taië coulegaië, ël tarifë é li countribùt su li servisi gestì da la medema.
A to lou trasferimënt ëd lë funsioun, li Coumun ou trasferesount ëd co a l’Unioun la coulegaia potestà ëd regoulamentà.
Lou trasferimënt ëd funsioun é servisi a l’Unioun è determinët, foravia diferent voulountà espresa ënt lh’at ëd trasferimënt, l’ineficacha ëd lë nourmativë coumunal ën material. ‘Sti efet ou s’ proudoucount daou moumënt que lh’at ëd l’Unioun deputà a lë dispouzisioun noumativë coumunal ou vinhount ezecutië.
Couëlsiasi countrouversia tra l’Unioun é un o più ëd li Coumun partechipant è vint rizolta a to ël moudalità previstë a l’ërt. 10 comma 9.

CAPO II

VICHENDË ËD L’UNIOUN

Ërt. 8 - Duraia é dezgrupamënt ëd l’Unioun

L’Unioun è i ëst coustituìa a ten ëndeterminà.
L’Unioun è ezistet finha a que è i ëst coumposta da aoumeno dui Coumun.
Lou dezgrupamënt ou i eu efet ses meis dopou l’adousioun ëd la deliberasioun ëd preiza d’at da part ëd lou Counseulh ëd l’Unioun ëd lë deliberasioun ëd dezgrupamënt adoutaië da part ëd li counseulh coumunal.
Ënt ëstou period, lou Counseulh ëd l’Unioun é li Counseulh ëd li Coumun partechipant ou pìount at ëd la evidenta voulountà ëd dezgrupamënt. Countestoulamënt, lou President pro tempore ou i eu ël funsioun ëd coumisari licouidatoù a to li poteri previst da la lege për sërà tui’ li raport ativ é pasiou ëd l’Ent.
Ënt li cas ëd dezgrupamënt, lou persounal ëd l’Unioun ou vint ënserì ënt ël doutasioun ourganiquë ëd li Coumun partechipant, mediant acord tra lh’Ent ënteresà. Ën mënquënsi d’acord, lou President licouidatoù ou prouvedët, ënt ‘oou rispet ëd la nourmativa vigentë ën materia ëd public ëmpiec é ëd moubilità ëd public dipendent. Ënt ‘oou cas que è s’ pouiset nhint atribuì un o più dipendent a lë doutasioun ourganiquë ëd li Coumun partechipant, li lavouratoù ou vinhount post ën moubilità, scound seun cou i ëst stëbilì a da la nourmativa é da li countrat couletìou ëd travai ën sel moumënt vigent. Li dipendent ëd l’Unioun, ën ourigin trësferì da li Coumun partechipant, ou toueurnount a fà part ëd la doutasioun ourganica ëd ‘sti Coumun.

Ërt. 9 - Adezioun a l’Unioun

Suchesivamënt a la coustitusioun, lou Counseulh ëd l’Unioun ou peut achetà, a majourënsi asoulua ëd li counsilhé asenhìa, l’adezioun d’aoutri Coumun cou font riquiesta a to ‘na deliberasioun doou Counseulh coumunal proupounënt, ou adotët la prochedura é la mëjourënsi nechesaria për ël moudifiquë statoutarië, ënt li 30 ëd junh ëd l’an prechedent a l’adezioun.
L’amisioun ou i eu efet daou 1° gené ëd l’an souchesìou, a coundisioun que, entro li 31 ëd gëzembër li counseulh ëd tui’ li Coumun ëd l’Unioun, ëd co lou coumun cou i eu fait l’istënsi, ou i ont aprouvà l’adezioun é l’eventoual moudifiquë a lou Statut ëd l’Unioun cou sount nechesarië ën counsegouensi a la neuva adezioun.
Lh’aoutri Coumun ou i ont la facoultà, për li eventoual counferimënt asenhìa ën doutasioun a l’Unioun, d’ezìge da l’Ent cou i eu fait l’istënsi ël couotë ëd përtechipasioun, da definise a to l’at d’amisioun previst daou comma 1.

Ërt. 10 - Reches da l’Unioun

Onhi Coumun partechipant a l’Unioun ou peut rechedri unilateralmënt a to deliberasioun counsilhar, adoutaia a to ël prouchedurë é ël majourënsë nechesarië për ël moudifiquë stëtutarië.
La deliberasioun ëd reches da l’Unioun è vint meundaia entro 10 dì da la soua adousioun aou President ëd l’Unioun, a li sindic ëd li Coumun aderent é a la Rejoun Piemount.
Lou reches ou deuout estri deliberà antro li 30 ëd junh é ou i ëst eficache daou 1° gene ëd l’an souchesìou a sel ëdoua ou t’istàia dounaia coumunicasioun. Daou medezim terminë è i eu la decadensi ënt lh’ourgan ëd l’Unioun ëd li raprezentant doou Coumun cou i eu fait lou reches,
Lou reches ou deuout nhint danegì l’Unioun. Për seun, tui’ lh’oblig plouriannal ën coueurs é lë speizë relativë aou personal ou i ont da estri sustenuë a to la përtechipasioun dou Coumun rechedent, finha a l’estinsioun ëd ‘sti oblig,
Ou i ëst counsentì aou Coumun rechedent d’afrancà li medemi, ënt tout o ën part, a meno ëd diferent accord a to lou Counseulh ëd l’Unioun.
Lou reches ou coumportët aoutoumaticamënt la rinunsi a tui’ li dirit relatìou a ërz’atività pëtrimounial ezistent aou moumënt ëd l’at ëd reches, o ëd co ënt l’avinì ou sount da realizase.
È i ëst ëd co counsideràia caouza ëd reches la mëncaia noumina ëd li soun raprezentant ënt l’Unioun entro lou terminë previst a l’ërt. 15, comma 6. L’eventoual noumina faita dopou ‘stou terminë, ma pruma ëd l’eficacha doou reches previst daou precedent comma 3, è rendet nhint aplicabila la prezent dispouzisioun.
Lou Coumun cou rechedet ou i eu d’aoutrou cant dirit a druvà, ëd co dopou lou reches, ëd li servisi apaltà prechedentemënt é cou i eu countribuì a finënsì ën couota a part, finha a la squëdënsi ëd ‘se countrat, bele se è i eu d’acord diferent.
Lou Coumun rechedent ou toueurnët ënt la pieina titoulërità ëd lë funsioun é ëd li servisi counferì a l’Unioun, perdent però lou dirit a përtechipà aou ripart ëd trësferimënt public asenhìa a l’Unioun, a përtì da la mëterial operatività doou reches.
Ël countrouversië cou peuvount saì, ën relasioun aou present ërticoul, ou vinhount dechiduë da ‘na coumisioun arbitral coumposta daou President ëd l’Unioun (o daou Vichepresident, ënt ‘oou cas que lou President ou fuset lou sindic doou Coumun rechedent), lou Sindic doou Coumun ënteresà é da n’espert ëd dirit aministratìou, nouminà daou President doou tribunal coumpetent.

TITOUL II

CAPO I

OURGAN ËD GOUVERN

Ërt. 11 – Ourgan ëd gouvern

Ou sount ourgan ëd gouvern ëd l’Unioun lou Counseulh, lou President, la Jounta.

Ërt. 12 – Duraia

Lh’Urgan ëd gouvern ëd l’Union ou istount ën carica sinc an.
La scadensi doou mandà doou President o lu numër ëd li Counsilhé coumunal souperiour a la metà è coumportët la decadensi ëd tui’ lh’ourgan ëd gouvern ëd l’Unioun cou restount ën carica për l’ouridinaria aministrasioun, finha a lou soun rinoou.

Ërt. 13 – Statous ëd lh’aministratoù ëd l’Unioun

A li coumpounënt doou ounseulh é dla Jounta, ma ëd co a lou President ëd l’Unioun ou s’aplicount ël normë previstë për li cas d’ëncandidabilità, inelegibilità é ëncoumpatibilità rispetivamënt ëd li Counsilhé coumunal, ëd lh’Asesoù é ëd li Sindic.

Ërt. 14 – Norma ëd renvio

Për tou’ seun cou i ëst nhint espresamënt previst daou present Statut é da li regoulamënt d’atouasioun ënt lh’ourgan ëd l’Unioun é a li soun coumpounënt, ou s’aplicount ël nourmë ëd funsiounamënt, distribusioun ëd lë coumpetënsi, stat jouridic é ecounomic ëd li Coumun.

CAPO II

LOU COUNSEULH

ËRT. 15 – Coumpouzisioun, elesioun é duraia doou Counseulh

Lou Counseulh ëd l’Unioun ou i ëst coumpost coumplesivamënt da ses membri più lou President é ou garanteit la prezensi d’ën raprezentant për onhidun coumun asouchìa é la raprezentansi ëd lë minourënsi counsilhar ëd li Coumun adherent.
Onhidun counseulh coumunal ou eleget, tra li soun coumpounënt, a to voutasioun manifesta, endoua ou partechipët ëd co loou Sindic, lou raprezentant doou Coumun ënt ‘oou Counseulh ëd l’Unioun.
A lë minourënsi cousiliar ëd li coumun partechipant ou spetount coumplesivamënt dui raprezentant.
Li raprezentant ëd lë minourënsi ou sount elet da la Counferensi straoudinaria ëd tui’ li counsilhé ëd minourënsi ën carica, a to voto segret limità a un quëndidà; për li counsilhé ëd minourënsi è s’intendet escluzivamënt si cou font part ëd le liste cou sount ënt ël counsultasioun eletoural coumunal nhint coulegaië aou Sindic ën carica.
La Counferensi straourdinaria è vint counvoucaia é presiedua daou Sindic doou Coumun a to la mëjourënsi d’abitant, cou i eu nhint lou dirit ëd voto é ou eleget ën pruma counvoucasioun a mëjourënsi asoulua, a to la prezensi ëd metà più un ëd li coumpounënt lou raprezentant ëd la minourënsi. Ënt ‘oou cas que ën pruma counvoucasioun è i eu nhint prezent la majourënsi asoulua ëd li counsilhé ëd minourënsi, lou Sindic doou Coumun a to lou majour numër d’abitant ën li des dì souchesiou a la mëncaia elesioun, ou counvouquët ën secounda counvoucasioun li counsilhé ëd lë minourënsë quë a majourënsi sempliche ou elegount li soun raprezentant.
L’elesioun ëd neu raprezentant da part ëd sigoul counseulh coumunal è deout avinì ën 30 dì da la data ëd can cou sount istaië ërz’elesioun aministrativë cou coumportount lou rinoou doou counseulh coumunal, avenue për quëlsiasi rëzoun. La counvoucasioun ëd l’avenua elesioun è deout estri mëndaia a l’Unioun ën des dì da la soua eficacha.
Pasà lou termine ëndicà aou comma prechedent, se ën Coumun ou i eu nhint prouvedù a l’elesioun ëd lou soun raprezentant é finha a l’elesioun medema, lou Sindic ou i ëst coumpounënt a tui’ lh’efet doou Counseulh ëd l’Unioun, ën raprezentansi ëd se’ Coumun.
Lou Counseulh coumunal ou peut soustituì, ën onhi ten, lou soun raprezentant, prouvedent a l’elesioun doou sostitout. St’elesioun è determinët la decadensi doou precedent raprezentant.
Ënt ‘oou cas ëd dezgroupamënt d’ën counseulh coumunal, lou Coumun ou i ëst raprezentà daou Coumisari.
Lou raprezentant ëd minourënsi doou Coumun souget a dezgrupamënt o rinoou ou vint sostituì da n’aoutrou raprezentant, individouà segouent l’ourdin ëd li voti outenù ënt l’elesioun regoulamentaia a li comma 4 é 5 doou prezent ërticoul.
Aou fin ëd guërëntì la countinouità aministrativa ourdinaria é d’at ourgent é improucrastinabil, ënt li cas ëd rinoou d’un o più counseulh coumunal, lou numënr ëd coumpounënt doou Counseulh ëd l’Unioun nechesari për rendri valida la sedua, ou vint ridot ën mizura pari a li counsilhé legitimamënt ën carica a li sens ëd lë prezent nourmë statutarië.
Ënt ‘oou cas ëd rinoou ëd la mëjourënsi ëd li counseulh coumunal, lou Counseulh ëd l’Unioun ou decadët.
Ën sedë ëd pruma coustitusioun doou Counseulh ëd l’Unioun, li Counsilhé ou devount estri elet é nhint oltre li 48 dì da l’entraia ën vigour doou prezent Statut.

Ërt. 16 – Li Counsilhé

Li counsilhé ou travaiount ënt l’escluzìou interes ëd l’Unioun é ou ezerchitount ël proprië funsioun sensa vincoul ëd mëndà.
Li counsilhé ou ezerchitount ël funsioun é ou gueudount ëd lë prerougativë ëd la legë për li counsilhé coumunal. Ën përticoulà ou i ont lou dirit d’outenì da lh’Ufisi ëd l’Unioun, ëd co da li counchesiounari ëd servisi, toutë ël neuvë é ërz’infourmasioun nechesarië a l’espletamënt doou mandat. Li Counsilhé, ën più, ou i ont dirit d’inisiativa su onhi couestioun cou intret ënt la coumpetensi doou Counseulh, ma ëd cod’interougasioun, interpelënsi é mousioun.
Li counsilhé ou sount tinù a përtechipà al seduë doou Counseulh; ou coustituesount razoun d’asensi justificaia: mëladìë, rëzoun inderougabil ëd travai é couëlsiasi aoutra moutivasioun qu’è dimostrët l’inecouivoucabil voulountà doou Counsilhé ëd pourtà a termine lou mandat.
Ël dimisioun da la carica ëd Counsilhé ou sount regoulaië da l’ërticoul 38, comma 8, doou Testo Unic.

Ërt. 17 – Presidensi doou Counseulh

Lou President ëd l’unioun ou raprezentët, ou counvouquët é presiedët lou Counseulh é ou n’eun formulët l’ourdin doou journ.
Ën cas ëd soua asensi o impedimënt, ou vint sostituì daou Vichepresident ëd l’Unioun, é ën cas d’asensi ëd co ëd quieul, doau Counsilhé più vieui për età.
Lou President ou ezerchitët ël funsioun cou li sount dounaië daou prezent Statut é ën përticoulà ou asolvët la funsioun ëd predispouzisioun, proupoulsioun, couordinamënt, gouida ëd li travai doou Counseulh asicurant a li grouppi counsilhar é a li singoul counsilhé adegouaia é preventiva infourmasioun su lh’ourdin doou journ da tratà ënt la seduta.

Ërt. 18 – Coumpetensë doou Counseulh

Lou Counseulh ëd l’Unioun cou i ëst l’espresioun ëd li Coumun partechipant për la gestioun ëd le funsioun é dli servisi asouchìa, determinët l’indirisi poulitic ëd l’Unioun medema é ezerchitët lou countrol poulitic-aministratìou, adoutant lh’at foundamental previst da la legë për li counseulh coumunal.
Aou Counseulh ëd l’Unioun ou spetount ërz’atribusioun indicaië da l’ërt. 42 doou Testo Unic.
Ënt l’ambito ëd l’atività d’indirisi, lou counseulh ou aprouvët ël diretivë generalë, ëd co a counclouzioun ëd sesioun counvoucaië për perticoulà materië, ën relasioun a la soua atività istitousiounal. Lou Counseulh ou peut ëmpenhìa lou President a riferì su l’atouasioun ëd spechific at d’indirisi.
L’atività ëd countrol, ëd co indireta, zl’aministrasioun é la gestioun ëd l’Unioun è s’ realizët princhipalmënt atravers l’ezercisi, da part ëd li singoul counsilhé, ën counfourmità aou prezent Statut.
Ënt la pruma seduta, presiedua daou Counsilhié più vieui për età, lou Counseulh ou prouchedët a l’elesioun dou President ëd l’Unioun, da serni tra li coumpounënt ëd li Sindic ëd li Coumun partechipant. Souchesivamënt, è s’ prouchedët a l’elesioun doou Vichepresident é ëd li membri ëd la Jounta, cou sount da serni tra li coumpounënt sindic, vichesindic é asesoù ëd li Coumun partechipant.
Ënt la seduta souchesiva, da tinise en carantesinc dì, lou President, sintua la Jounta, ou prezentët ël linèe prougramatiquë relativë arz’asioun é a li prouget da realizà ënt ‘oou coueurs doou mëndà.
Lou Counseulh, ënt ël manerë disiplinaië da lou Statut, ou partechipet ëd co a la definisioun, a l’adegouamënt é a la verifica periodica ëd l’atouasioun ëd lë linee prougramatiquë da part doou President ëd l’Unioun é ëd li singoul Asesoù.
Ël deliberasioun ën ourdin a lh’argoumënt ëndicà aou prezent ërticoul ou peuvount nhint estri adoutaië ën via d’ourgensi da aoutri ourgan ëd gouvern ëd l’Unioun, foravia que si cou sount atinent a lë vëriasioun ëd bilansi adoutaië da la Jounta, da soutpounri a ratifica doou Counseulh ënt li sesanta dì souchesiou, a peina ëd decadensi.
A li fini doou prezent ërticoul è s’intendët për pruma seduta seulla qu’è vint counvoucaia souchesivamënt a la coustitusioun ëd l’Unioun, ma ëd co toutë seullë counvouacaië për la nechesaria elesioun doou President.

Ërt. 19 – Sedutë Counsilhar

Lou President ou convoquët lou Counseulh tui’ li vì cou lou ritint opourtun, ën toutë ël manerë dui vì l’an për l’aprouvasioun dou bilënsi é doou rendicount.
La counvoucasioun doou Counseulh è peut estri chamaia da un ëd li sindic ëd li Coumun cou partechipount a l’Unioun, o da ën couint ëd li Counsilhé ën carica, ënt ëstou cas lou President ou i ëst tinù a riounì lou Counseulh, ënt ën termine nhint souperiour a li vint dì, butënt a l’ouridin doou journ ël couestioun chamaië, basta que couredaië da proupostë ëd deliberasioun.
Lou President ou i ëst tinù a riunì lou Counseulh ën 48 ourë për la tratasioun ëd couestioun urgent.
La counvoucasioun ëd la pruma seduta doou Counseulh è vint disposta daou President cou saiët, ënt trënta journ da la coumunicasioun ëd la nomina ëd li raprezentant, da part ëd li Coumun partechipant. ‘Ste coumunicasioun ou deuvount estri trazmetuë a l’Unioun ën des journ da la soua eficacha.
La counvoucasioun doou prum Counseulh souchesìou a la coustitusioun ëd l’Unioun è vint disposta daou Sindic doou Coumun a to ël più grosë dimensioun demougrafiquë.
Ël sedute ou sount validë can qu’è i ëst prezent aoumeno la majourënsi ëd li counsilhé asenhìa.
Lou Counseulh ou travaiët a to deliberasioun coulejal.
Lou Counseulh ou ddeliberët a majourënsi ëd li vot, meno que ënt li cas espresamënt previst da legë o da lou Statut é ël deliberasioun ou sount soutouscritë daou President é daou Segretari.
Ël sedute doou Counseulh ou sount publiquë é ël voutasioun ou sount efetouaië a to scrutinio palezë. La tratasioun ëd lh’argoumënt cou coumportount vëlutasioun é apresamënt su përsounë ou sount nhint publiquë é la voutasioun è s’ tint a to srcutinio segret.

CAPO III

LOU PRESIDENT

ËRT. 20 – Elesioun é duraia ën carica

Lou President ëd l’Unioun ou vint elet tra li soun membri é ou deout ërcruvì la carica ëd Sindic ënt un ëd li Coumun aderent a l’Unioun.
La soua elesioun è vint a scrutinio paleze é a majourënsi asoulua ëd li Counsilhé asenhìa.

Lou Prsident ou durët ën carica për lou period courispoundënt a lou soun mëndà ëd Sindic é, a la fin doou Mëndà, ou countinouët a ezerchità ël funsioun ourdinarië, fiha a l’elesioun doou neuou President.

La funsioun ëd President ëd l’Unioun è i ëst nhint delegabil.

Ërt. 21 – Chesasioun ëd la carica

Lou vot countrari doou Counseulh a ‘na prouposta doou President o dla Jounta ou n’eun coumportët nhint ël dimisioun.
Lou President é la Jounta ou quitount da la carica ën cas d’aprouvasioun ëd ‘na mousioun ëd sfiducha, voutaia për apel nouminal da majourënsi asoulua ëd li coumpounënt doou Counseulh.
La mousioun ëd sfiducha è deout estri moutivaia é soutouscrita da aoumeno li dui couint ëd li Counsilhé asenhìa, sensa countà a sel fin lou President ëd l’Unioun. È vint butaia ën discusioun nhint pruma ëd des dì é nhint pasà trënta dì da la soua prezentasioun. Se la mousioun è vint aprouaia, è s’ prouchedët a lou dezgroupamënt doou Counseulh é a la noumina d’ën Coumisari, a li sens ëd l’ërt. 14 doou Test Unic.
L’aprouvasioun ëd la mousioun ëd sfiducha è coumportët la decadensi doou President ën carica.
Lou President ou quitët da la carica ëd co për mort, dimisioun, decadensi, perdita ëd la couëlità ëd Sindic, achertamënt ëd la caouza prevista a l’ërt. 58 doou Test Unic.
Ël dimisioun doou President ou vinhount imediatamënt eficachi a l’at ëd lë leu prezentasioun a l’Ufisi Proutoucol ëd l’Unioun.
Ën cas ëd chesasioun doou President, prouvizouriamënt ou s’asumënt ël funsioun lou Vichepresident.

Ërt. 22 – Coumpetensi

Lou President ou interpretët é ou esprimët lh’indirisi ëd poulitica aministrativa ëd l’Unioun su la bas ëd linee prougramatiquë ëd mëndà, arprouvaië daou Counseulh, ën carantesinc dì da lou soun insediamënt.
Lou President ou souvrintendët aou funsiounamënt ëd lh’Ufisi, a l’ezecusioun ëd lh’at é a l’espletamënt ëd funsioun é compiti atribuìa a l’Unioun é ou garanteit ël couerensi tra lh’indirisi general é setourial, strategìë councretë d’atouasioun é li soun rizultà.
Lou President, coume ourgan respounsabil ëd l’aministrasioun ëd l’Unioun, ezerchitët ëd co li pouter é ërz’aoutrë funsioun atribuië da la lege é daou prezent Statut.
Lou President ën perticoular:

Ou dounët atouasioun a lë line prougramatiquë ëd mëndà grasië a d’at ëd carater general, indicant prioruità, strumënt da impiegà é criteri;
Ou couordinët é ou stimoulëtl’atività ëd li coumpounënt ëd la Jounta é ou në mëntint l’unità d’indirisi poulitic, finalizà a la realizasioun ëd linee prougramatiquë ëd mëndà;
Ou zvolgët atività proupoulsiva ënt li counfrount ën lh’ufisi é li servisi, impartënt diretivë é indicant oubietìou é atività nechesarië për la realizasioun ëd li programa ëd l’Ent;
Ou counvoquët é ou presiedët lou Counseulh é la Jounta, é ou n’eun stabileit lh’ërgoumënt da butà l’ourdin doou journ;
Ou nouminët, a to pruma l’oupinioun favourevoula ëd la Jounta, lou Segretari é ou piët determinasioun për lh’istitut coulegà aou relatìou raport ëd servisi, secound la dispouzisioun ëd l’ërt. 100 doou Testo Unic é ou në determinët ël funsioun:
Ou nouminët, a to pruma l’oupinioun favourevoula ëd la Jounata, li respounsabil ëd lh’ufisi é ëd li servisi, ou atribueit é ou defineit lh’ëncaric dirigensial é si ëd coulabourasioun esterna, secound ël moudalità é li criteri stëbilì da la legë é da lou Statut. Ën cas ëd vacansa ëd li post ën ourganic, për lh’ëncaric ëd diresioun, la couertura ëd li post è peut avinì a to countrat ëd dirit privà a ten determinà, ferm restant li recouiziti chamà da la legë ënt ‘oou public impiec për l’aches a la coualifica ëd dirigent.
Ou prouvedët, zla bas ëd lh’indirisi stëbilì daou Counseulh, a la noumina, dezinhasioun é a la revoca ëd li raprezentant ëd l’Unioun ënt lh’ourganizm public é privà;
Ou afidët, a to pruma l’oupinioun favourevoula ëd la Jounta, lh’ëncaric fiduchari për counsoulensi esterne, ëd co coumpreis lh’ëncaric proufesiounal, si për l’asistensi legal, a meno que l’individouasioun doou proufesiounista ou srit nhint lou rizultà ëd prouchedurë seletivë;
Ou i eu la raprezentënsi legal ëd l’Unioun, coumpreiza sëlla ën judisi, previa deliberasioun ëd la Jounta qu’è aoutorizët la litë. Ou peut atribuì la raprezentënsi ëd l’Ent aou segretari é a onhidun respounsabil doou servisi, ën bazë a n’apozit at ëd delega, rilashìa aou souget individouà, cou stimoulët é ou rezistët a la litë, adoutant a lë scop apozita determinasioun, a to la coual ou asenhët l’incarica aou patrouchinatoù ëd l’Ent;
Ou stimulët, ou asumët é ou peut aderì a inisiativë për councloudri acord ëd prougrama a to tui’ li souget public previst la legë;
Ou stimulët, diretamënt o jutà daou Segretari, indagin é verifiquë aministrativë su l’intera atività ëd l’Unioun;
Ou i eu la facoultà ëd counferì deleguë a li coumpounënt ëd la Jounta é a li singoul Counsilhé. Ën përticoulà lou President ou peut delegà a li singoul coumpounënt ëd la Jounta o doou Counseulh lou compito ëd souvrintendri a ën determinà setour d’aministrasioun o a spechific prouget. L’atività ëd souvrintendensi è s’ traduchet ënt una ërticoulaia spechificasioun ëd lh’indirisi é ënt l’ezerchisi doou pouterë ëd countrol;
Ou i eu la facoultà d’afidà ëncaric spechific a Counsilhé, për que ou segount, për count ëd l’Unioun, determinà proublema;
Ou aoutourizët ël misioun ëd coumpounënt ëd lh’ourgan coulejal é doou Segretari;
Ou rifereit perioudicamënt aou Couseulh su l’atività ëd l’Unioun;
Ou vigilët su l’atività coumplesiva ëd l’Unioun.

Ërt. 23 – Lou Vichepresident

Lou Vichepresident ou vint elet daou Counseulh ëd l’Unioun tra li soun membri, ou deuout ërcouvri la carica ëd Sindic, vichesindic o asesoù ënt un ëd li Coumun aderent a l’Unioun é ou i ëst membro ëd la Jounta.
Lou Vichepresident ou jutët lou President é ou lou soustitueit ën cas d’asensi o impedimënt tempouraneo o permanent, mort, dimisioun, decadensi, rimousioun. Ënt ‘oou cas cou srit nechesari prouchedri a la soustitusioun doou President, lou Vichepresident ou ëncaminët ël relativë prochedurë.
Can ëd co lou Vichepresident ou i ëst ëmpedì, lou President ou vint soustituì da daou coumpounënt ëd la Jounta più vieui për età.

CAPO IV

LA JOUNTA

Ërt. – 24 Coumpouzisioun, noumina é chesasioun

La Jounta è i ëst l’ourgan ezecutìou ëd l’Unioun é è i ëst coumposta da ën numër d’asesour nhint superiour a cat, coumpreis lou Vichepresident, elet daou Counseulh ëd l’Unioun tra li soun membri. Li coumpounënt ëd la Jounta ou dëvount ëd co ërcouvrì la carica ëd sindic, vicesindic o asesoù ënt un ëd li Coumun aderent a l’Unioun
Ël dimisioun d’un o più coumpounënt ou vinhoun rasenhìa aou President për scrit é countestoualmënt coumunicaië aou Segretari ëd l’Ent.
A la soustitusioun ëd li coumpounënt dimisiounari o chesà da la carica për aoutra caouza, ou prouvedët lou Counseulh ënt la pruma seduta souchesiva.
Li membri ëd la Jounta ou quitount ël leu funsioun aou moumënt ëd la prezentasioun ëd lë dimisioun é, ën tui’ li cas, aou vinì meno ëd la carica ëd sindic, vichesindic o asesoù ënt un ëd li Coumun aderent a l’Unioun.
Ën cas ëd dimisioun, impedimënt permanet, rimousioun, decadensi o mort doou President la Jounta è decadet. La Jounta è vint meno ëd co për ël dimisioun ëd li dui ters ëd li coumpounënt. Finha a l’elesioun doou neu President, la Jounta è restet ën carica për lou coumpimënt ëd lh’at d’ourdinaria aministrasioun é ël funsioun ëd president ou vinhount gestìë daou Vichepresident.

Ërt. 25 – Coumpetensi

La Jounta è coulabouret avé lou President ënt ‘oou gouvern ëd l’Unioun për l’atouasioun doou prougrama aministratìou.
Ën përticoular la Jounta è prouvedët a:

Realizà atività proupouzitiva é d’ëmpouls ënt li counfrount doou Counseulh é a predispounri lh’at ënt li cas ëndicài da la legë é da lou Statut;
Dounà atouasioun a lë linee prougramatiquë ëd mëndà, prezentaië aou Counseulh daou President, atravers at ëd carater general a to l’indicasioun ëd priourità, mes da ëmpiegà é criteri da segouì ënt l’ezerchisi ëd lë funsioun aministrativë é gestiounal da part ëd li respounsabil ëd servisi;
È rifereit aou Counseulh su la soua atività a to frecouensi anoual o scound la deferente perioudichità da l’istes stëbilia;
È aprouvet lou regoulamënt su l’ourdinamënt ëd lh’ufisi é ëd li servisi ënt ‘oou rispet ëd li criteri general stëbilì daou Counseulh, lou regoulamënt për l’aches a lh’ëmpiec, li prouvedimënt relatìou a la determinasioun o variasioun ëd la doutasioun ourganica, ënt l’aplicasioun ëd li countrat couletìou ëd travai é a la stipoulasioun ëd li countrat dechentrà, a la determinasiounëd lh’oubietìou é ëd lë rizoursë da asenhìa a li servisi;
È aoutourizët lou President a istà ën judisi coume atour o counvenù é a aprouvà ël tranzasioun;
È aprouvët li prouget preliminar, definitìou é ezecutìou ëd travai, fournidure é servisi public;
È adoutët tui’ lh’at d’aministrasioun que da la legë o daou prezent Statut ou sount nhint diretamënt atribuìa a la coumpetënsi doou Counseulh, doou President, doou Segretari, o ëd li respounsabil ëd servizi;

Ërt. 26 – Funsiounamënt

La Jounta è i ëst presiedua daou President ëd l’unioun cou prouveit a la counvoucasioun ëd la stesa é a la determinasioun ëd l’ourdin doou journ.
La Jounta è operët a to deliberasioun coulejal.
Për la vëlidità ëd lë adounënsi è vint chamaia la prezensi ëd la majourënsi ëd li coumpounënt.
Ël deliberasioun ou sount adoutaië a majourënsi asoulua ëd li coumpounënt é ou vinhount soutouscritë daou President é daou Segretari.
Ën cas ëd parità, è pravalët lou vot doou President.
Ël sedute ou sount nhint publiquë.

TITOUL III

OURGANIZASIOUN AMINISTRATIVA

CAPO I

PRINSIPI

Ërt. 27 – Prinsipi general d’ourganizasioun

L’Unioun ou infoueurmët l’ourganizasioun ëd li soun ufisi a li segouent criteri:

Ourganizasioun doou travai nhint për li singoul at ma për prougrama é prouget realizabil é coumpatibil a to ël risoursë finënsiarië é umanë dispounibil;
Rasiounalizasioun é semplificasioun ëd lë prouchedurë ouperativë, avent atesioun për l’aplicasioun ëd neuvë tenniquë é metoudolougìë ëd travai é l’introudusioun d’adegouaië tennolougìë telematiquë é infourmatiquë;
Eficacha, efichensi é ecounomichità ëd l’asioun aministrativa.

L’ourganizasioun ëd lh’ufisi é ëd li servisi è vint disiplinaia daou regoulamënt, cou preveit:

La strutura ourganizatìa-funsiounal;
La doutasioun ourganica;
Ël moudalità d’asounsioun é chesasioun doou servisi;
Lhë strumënt é ël foueurmë ëd l’atività ëd racordi é coourdinamënt tra li respounsabil ëd la gestioun;
L’ourganizasioun doou travai për prougrama, prouget é rizultà é nhint për singoul at;
L’analizi è l’individouasioun ëd la proudoutività é ëd li caric funsiounal ëd travai é lou grad d’eficacha ëd l’atività faita da onhiduna unità d’aparà.

L’ourganizasioun struturala, direta a consegouì lhë scop istitusiounal ëd l’Ent, scound ël nourmë doou regoulamënt é a asicurà l’eficache persegouimënt ëd lh’oubietìou prougramatic stëbilì da lh’ourgan ëd gouvern, è i ëst ërticoulaia ën ufisi, é ëd lë leu atività ou i ëst respounsabil lou Segretari, ëd co apartente a aree diferentë é coulegà funsiounalmënt aou fin ëd counsegouì lh’oubietìou asenhìa.
Për seun cou i ëst nhint previst da lou Statut o da aoutra fount regoulamentar, ou s’aplicount ël normë ëd l’ourdinamënt ëd lh’Ent loucal.

CAPO IV

SERVISI

Ërt. 28 – Gestioun ëd li servisi

L’Unioun è aministrët ël funsioun é li servisi ën sintounia a to li prinsipi detà da la lege é daou prezent Statut é al coundisioun cou asicurount la mieui efichensi, ën vista doou counsegouimënt ëd la majour utilità couletìva ënt lou cadër ëd lë finalità souchal é teritourial cou coustituesount oubietìou ëd l’Unioun.
La sernia ëd la foueurma ëd gestioun për onhidun servisi è deout estri efetouaia, a to prechedent vëloutasioun coumparativa, tra ël diferentë foueurmë ëd gestioun previstë da l’ourdinamënt ëd lh’Ent loucal.
Për toutë ël foueurmë ëd gestioun ëd li servisi ou deuvount ënt tui’ li cas asicurà idonee foueurmë d’infourmasioun é toutela ëd lh’utent.
L’Unioun, relativamënt a li compiti é a lë materië atribuìë a la soua coumpetensi, è prevet ëd nourma a pìi ën caric é gestì li servisi public loucal diretamënt; ën vì subourdinaia é ënt cas echesiounal é ëd përticoulà rilevënsi tennica, ëd co ën foueurma indireta scount seun cou i ëst previst daou Titoul V doou Testo Unic.
L’Unioun ou peut nhint dizmetri l’ezerchisi d’ën servisi public loucal se ou n’eu richevù la titoularità da li Coumun, sensa lou leu preventiv é unanim counsens.

Ërt. 29 – Trësferimënt ëd servisi

L’unioun è realizët, è ezerchitët é è dounët li servisi cou li sount istà trësferì da li Coumun ënt ël manerë é ënt li ten stëbilì da ‘na counvensioun qu’è ventët stipulà a to li Coumun medezim.

Ërt. 30 – Dezinhasioun, duraia ën carica é revouca ëd raprezentant ëd l’Unioun coumpounënt d’aoutri ourgan.

Ën ezecusioun ëd lh’ëndiris detaìa daou Counseulh, lou President ou nouminët li raprezentant ëd l’Unioun ën ourgan ëd souchetà përtechipaië é d’aoutri Ent, cou relasiounount semestralmënt a la Jounta ën oucazioun ëd lë sesioun dedicaië aou bilënsi é aou rendicount ëd la gestioun é ou peuvount, ëd co su doumënda da part leu, estrì sintì su spechific argumënt.
Li raprezentant ëd l’Unioun ën souchetà ëd capital é ën aoutri Ent ou durount ën carica për ën period courispoundënt aou mëndà doou President cou l’eu nouminà, ezerchitant ël funsioun finha a la noumina ëd li souchesoù.
Li sudet raprezentant, ënt ou cas cou ouservount nhint lh’indirisi definì da l’Unioun o ou adempiount nhint a li soun douvé, ou peuvount estri revoucà a to prouvedimënt moutivà daou President, cou prouveit countestoualmënt a la soua soustitusioun.
Li stes raprezentant ou sount diquiarà decadù da l’ëncaric, da part doou President can, suchesivamënt a la noumina, ou intervinhount caouzë ëd inelegibilità o è t’istaia achertaia la mënquënsi ëd quërcun ëd li recouizì previst për la noumina.
Li raprezentant medemi ou deuvount, ëd co, estri diquiarà decadù da part doou President, can, verificaia l’ezistensi ëd caouzë d’ëncoumpatibilità a l’ëncaric, ou srit utilmënt pasà lou terminë asenhìa per rimouvri ‘ste caouzë.

TITOUL IV

FINËNSI ÉCOUNTABILITÀ

CAPO I

PRINSIPI

Ërt. 31 – Ourdinamënt finënsiari é countabil.

L’ourdinamënt finënsiari é countabil ou i ëst rizervà a la legë, aou present Statut é aou regoulamënt ëd countabilità aprouvà daou Counseulh ëd l’Unioun.

Ërt. 32 – Finënsi é pëtrimoni

L’Unioun ou i eu aoutounoumìi finënsiaria ënt l’ambit ëd lë legë ëd finënsi publica, foundaia su la chertëssi ëd risoursë proprië é ëd rizoursë trësferië scount seun cou i ëst stëbilì da li prechedent ërticoul 6, comma 6), é 7 commi 2), 3) é 4).
Ën relasioun a li servisi a quiëlla afiadaìi, l’Unioun è i ëst titoular ëd poutestà ëmpouzitiva é è istitueit, a to deliberasioun counsiliar, tribut, ëmpostë, taië, tarifë, adegouant st’ultimë, për seun cou i ëst pousibil é a to oupourtunë diferensiasioun, aou cost ëd li relatìou servisi.
Ël risoursë nechesarië aou funsiounamënt ëd l’Unioun ou sount reperìë, nhint mëc da li prouvent propri previst a li commi 1 é 2, ma ëd co atrevers ël countribusioun ëd lë Stat, da la Rejoun, da la Sità Metroupoulitana é d’aoutri Ent public atribuië ën forsi ëd legë për l’ezerchisi d’atività delegaië o trësferìë o a d’aoutrou titoul.
Ën përticoulà ou coumpetount a l’Unioun ërz’ëntraië derivantë da:

Found rejounal për la mountanhi ërt. 6 ëd la legë rejounal n. 6 doou 2014;
Found asenhìa a li sens ëd l’ërt. 8 ëd la L.R. 20.01.97, n. 13 për ërz’atività ëd difeiza é toutela ëd l’aset idrogeologic doou teritori ëd mountanhi;
Found ëd coumpensasioun ënt toutë ël manerë asenhìa a li teritori ëd l’Unioun për ërz’atività ëd manoutensioun ambiental, tutela é difeiza ëd l’aset idrogeologic doou teritori ëd mountanhi;
Taië, tarifë é countribù su li servisi afidà da li Coumun;
Trësferimënt é countribù ourdinari ëd lë Stat, dla Rejoun é ëd lh’Ent loucal;
Trësferimënt ëd lë rizoursë ëd li Coumun partechipant për l’ourdinari funsiounamënt é për l’ezerchisi ëd lë funsioun é dli servisi trësferì o, ën toutë ël manerë, counvensiounà;
Countribut erougà da l’Unioun Eouropea é da aoutri ourganizm;
Countribut rejounal é statal a titoul d’ënchentivasioun ëd lë gestioun asouchaië;
Trësferimënt da la Rejoun é da la Sità Metroupoulitana për l’ezerchisi ëd lë funsioun é servisi counferì o asenhìa;
Tësferimënt coumunitari, statal, rejounal é ëd li Coumun partechipant për speizë d’investimënt;
Renditë pëtrimounialë;
Prestasiount për count ters;
Rizorsë për investimënt;
Aoutrë ëntraië.

Ënt ‘oou cas que ël rizoursë relative aou Found Rejounal për la mountanhi, counsiderënt lou precedent pount, ou fusount tësferìë diretamënt a li Coumun aderent, li medezim ou s’ëmpenhount a trësferì ste soumë a l’Unioun.
Daou moumënt cou sount istaië trësferìë a l’Unioun ël funsioun previstë ën atouasioun ëd l’ërt. 8, comma 4, ëd la L.R: 20.01.97, n. 13, l’istesa è i ëst coumpetënt a incasà li prouvent previst daou dzëri counsiderà ërt. 8, comma 4. Sti prouvent ou vinhount druvà ënt la mizura masima counsentìa doou 10% për lou funsiounamënt ëd la strutura ëd l’Unioun për la redasioun, trëzmisioun, mounitourajou é rendicountasioun, ën councoueurs a to lh’ufisi tennic coumunal, ëd spechific intervent coulegà a la toutela é a la proudusioun ëd lë rizoursë idriquë é ëd lë relativë atività ëd sistemasioun idrogeologica doou teritori scound li prougram d’intervent ëd sistemasioun idrogeologica é manoutensioun mountana aprouvà daou Counseulh ëd l’Unioun.
Li “prougrama d’intervent ëd sistemasioun idrogeoligica é manoutensioun mountana” ou vinhount poi redat avent cura ëd:

Teritori é ëd lë souë critichità
Lë linee gouida për l’elabourasioun doou prougrama d’intervent ëd sistemasioun idrogeologica é manoutensioun mountana aprouvaië a to deliberasioun ëd la Jounta Rejounal 08.03.10, n. 1- 13451;
Lë moudalità ëd ripart ëd li found indicài a l’ërt. 8, comma 4 ëd la L.R. 20.01.97, n. 13 stëbilì da l’Aoutourità d’Ambit coumpetënt;
L’outenimënt, pruma ëd l’aprouvasioun da part doou Counseulh ëd l’Unioun, doou parere ëd li Sindic aderent a l’Unioun.

La fazë ezecutìa ëd realizasioun ëd lh’interevent previst ënt li “Prougram d’intrvent ëd sistemasioun idrogeologica é manoutensioun mountana” è i ëst afidaia a li Coumun aderent a l’Unioun a to trasferimënt a li medemi ëd li relatìou found.
Lou President ëd l’Unioun ou ërchamët li countribut statal é rejounal dispost ën favour ëd lë foueurmë asouchatìvë.
L’Unioun ou i eu ën soun propri demanio é pëtrimoni.

Ërt. 33 – Përtechipasioun finënsiaria ëd li Coumun aderent a l’Unioun.

Li Coumun aderent a l’Unioun ou asicurount lou parejou finënsiari ourdinari ëd l’Ent a to moudalità councourdaië da li precedent ërt. 7, commi 2), 3), 4) é 41.
Ënt ‘oou cas cou s’ verificasount scouilibri ëd bilënsi, li Coumun aderent ou asicurount lou parejou finënsiari ëd l’Unioun, stabilënt a to delibarasioun counsiliar la couota ëd lë rizourë finënsiarië da versà a l’Unioun atravers trasferimënt efetouà ën bazë a l’entità ëd la poupoulasioun rezident é aou grad ëd fruisioun ëd li servisi que onhidun Coumun ou realizët.
Ël moudalità é li ten ëd trasferimënt previst aou comma 1 ou sount detà daou regoulamënt ëd countabilità é ou sount dispost su la bazë ëd n’idonea chertificasioun doou President é doou respounsabil doou servisi finënsiari ëd l’Unioun.
Lou cost ëd lë funsioun ezerchitaië é ëd li servisi, ëndoua la leu erougasioun è i ëst nhint esteiza a la toutalità ëd li Coumun aderent, è deout estri adebitàia, aou netto ëd li prouvent diretamënt counes cou la fruisioun doou servisi, a li singoul Coumun benefichari për la part ëd propria coumpetënsi.
Ël tarifë ëd li servisi gestì da l’Unioun ou deuvount estri determinaië, për tui’ li Coumun përtechipant, ën maneri da guërëntì tendensialmënt la couvertura doou seunt për seunt ëd li cost diret é indiret ëd li servisi gestì. Li servisi ëd carater istitusiounal gestì diretamënt da l’Unioun cou generount nhint ëntraië sufichentë për la cuvertura ëd li realatìou cost ou sount finënsìa da li Coumun aderent scount li criteri ëndicà ënt ‘oou regoulamënt, tinënt count ëd co ëd l’efetìou utilizi ëd li servisi medezim.
Li cost diret ëd li servisi dounà da l’Unioun a Coumun nhint partechipant a l’Unioun ou sount adebità interamënt, a to ‘na prechedent apozita counvensioun, a li Coumun cou richevount li servisi. Li cost indiret për sti servisi ou deuvount ëd co estri adebità a li benefichari, que, scount criteri fourfetari, parei ‘më stëbilì ënt ‘oou regoulamënt.
La mëncaia erougasioun a l’Unioun ëd lh’ëmport douvù ën trënta dì da la fourmal riquiesta è peut coumpourtà l’aplicasioun d’interes për ërtardà pagamënt. Se a segouit ëd reiteraië soulechitasioun lou Coumun ou prouvet nhin aou pagamënt ou vint soutpost a la prochedura d’espulsioun prevista da l’ërt 11.
La couota ëd përtechipasioun finënsiaria ëd li Coumun për funsioun asouchaië, servisi, event, atouasioun ëd prougrama é për inisiativë trësferië o ënt tui’ li cas delegaië a l’Unioun è sreu ën proupoursioun a la poupoulasioun rezident é a la dimensioun doou teritoi.

CAPO II

OURDINAMËNT FINËNSIARI É COUNTABIL

Ërt. 34 – Rilënsi é prougramasioun finënsiaria

L’Unioun è diliberet lou bilënsi ëd previzioun, é relativë variasioun, ënt li termini previst për legë, a to vot favourevoul espres aoumeno da cat Counsilhé. Lou bilënsi ou i ëst couredà da ‘na relasioun previziounala é prougramatica é da ën bilënsi ëd previzioun trienal. ‘Sti documënt countabil ou soun redat ën maner da counsentì la letura për prougama, servisi é intervent për estri cousentì, ën più lou countrol finënsiari é countabil, ëd co lou countrol su la gestioun é la verifica ëd l’eficacha ëd l’asioun ëd l’Unioun.
L’Unoun è asicurët a li sitadin é a lh’ourganizm ëd përtechipasioun la counoushensi ëd li countenù sinhificatìou è carateristic doou bilënsi é ëd lh’alegà documënt ëd prougramasioun, scount ël moudalità definië ënt ‘oou regoulamënt ëd countabilità

Ërt. 35 – Rendicount

Li fat gestiounal é lou rizultà countabil ou sount rilevà é dimoustrà ënt ‘oou rendicount, cou coumprenët lou count doou bilënsi é lou count doou pëtrimoni. Lou count ecounomic ou sreu alegà aou rendicoun ën bazë a lë dispouzisioun ëd lege é ëd regoulamënt.
Lou rendicount ou vint deliberà daou Counseulh ëd l’Unioun a to lou vot favourevoul ëd la majourënsi ëd li voutant ënt lou terminë fisà da la legë.
Ël moudalità ëd redasioun doou count ecounomic, doou bilënsi é doou pëtrimoni, ma ëd co lë prochedurë për lou risanamënt finënsiari, lou countrol é la salvagouardia ëd lh’ecouilibri ëd bilënsi ou sount stëbilìë da la legë é daou regoulamënt ëd countabilità.

Ërt. 36 – Servisi ëd tezoureria

L’Unioun è i eu ën servisi ëd tezoureria afidà a n’istitut ëd credit aoutourizà a fà sta atività.
Për fëchilità l’ouperatività doou servisi, l’Unioun è peut drouvà l’istes Tezourier doou Coumun ëndoua ou è istet la sede ëd l’Unioun.
L’Unioun è peut druvà lou servisi ëd tezoureria për ountenì ëntichipasioun ëd cassa, da amourtizà ënt lou relatìou an finënsiari, për fa frount a moumentanee nechesità finënsiarië.

CAPO II

COUNTROL INTERN

ËRT. 37 – Prinsipi general ëd countrol intern

Aou fin ëd mounitourà é vëloutà cost, rendimënt é rizultà ëd l’atività faita, l’Unioun è fait ël segouent tipoulougìë ëd control:

Vigilënsi su la regoualarità countabil, finënsiaria é ecounomica ëd la gestioun relativamënt a l’acouizisioun dërz’entraië, l’efetouasioun ëd lë speizë, l’atività countratoual, l’aministrasioun ëd li bin, lh’adempimënt fiscal;
Countrol intern ëd regoularità aministrativa é countabil, për gueurëntì la legitimità, couretëssi é la courispoundensi ëd l’asioun aminisrativa a li prinsipi ëd l’ourdinamënt finënsiari é countabil;
Countrol ëd gestioun për verificà l’eficacha, l’efichensi é l’ecounoumichità ëd l’asioun aministrativa é outimizà lou raport tra cost é rizultà;
Countrol su lh’ecouilibri finënsiari për vigilà soou mëntenimënt ëd lh’ecouilibri ëd biliënsi për la gestioun ëd coumpetënsi, ëd li rezidoui é ëd cassa.
Countrol për la vëloutasioun doou persounal, l’erougasioun ëd coumpensi achesori coulegaì a lë funsioun é l’achertamënt d’eventoual respounsabilità.

Ërt. 38 – Coustitusioun ëd l’ourgan ëd revizioun ëd li count

L’ourgan ëd revizioun ëd li count ou vint nouminà daoou Counseulh ëd l’Unioun a to ël moudalità stëbilië da la legë për li revizoù ëd lh’ent loucal.
Për seun cou i ëst nhint espresamënt disiplinà daou prezent Statut, è s’ rinviet aou regoulamënt ëd countabilità, ma ëd co a lë nourmë doou Titoul VII doou Testo Unic.

Ërt. 39 – Coumpetënsi ëd l’ourgan ëd revizioun ëd li count

L’ourgan ëd revizioun ëd li count ou i eu ël segouent funsioun:

Ou coulabourët a to lou Counseulh ëd l’Unioun ënt la soua funsioun d’indirisi é ëd control, a to la Jounta, a to lou President, a to lou segretari é li funsiounari ëd l’Unioun.
È dounët pareri ën materia ëd:

Strumënt ëd prougramasioun ecounomic-finënsiaria
Prouposta ëd bilënsi ëd previzioun, verifica ëd lh’ecouilibri é vëriasioun doou bilënsi;
Moudalità ëd gestion ëd servisi é prouposte ëd coustitusioun o përtechipasioun a ourganizm estern;
Proupostë ëd ricoueurs a l’indebitamënt;
Proupostë d’utilizi ëd strumënt ëd finënsi inouvativa, ënt ‘oou rispet ëd la disiplina statal vigent ën materia,
Proupostë ëd ricounoushimënt ëd debit fora bilënsi é tranzasioun;
Proupostë ëd regoulamënt ëd countabilità, ecounomato-prouveditourà, pëtrimoni é d’aplicasioun ëd li tribut loucal.

Ou ezerchitet la vigilënsi su la regoularità countabil finënsiaria é ecounomica ëd la gestioun.
È rifereit aou Counseulh su grav iregoularità ëd gestioun.
È atestët la courispounsensi doou rendicount a lë rizultënsi ëd la gestioun, a to relasioun alegaia aou rendicount.
Ou ezerchitet onhiduna aoutra atività qu’è li vint atribuìa da li regoulamënt.

Ënt l’ezerchisi ëd lë souë funsioun, l’ourgan ëd revizioun ou peut achedri a lh’at é a li documënt coulegà a la sfera ëd lë proprië coumpetënsi é sintì li respounsabil ëd li servisi ëd l’Unioun cou i ont la respounsabilità ëd respoundri, nhint mëc lhi eventoual raprezentant ëd l’Unioun ën tuiti lh’Ent. Ou peut prezentà relasioun é doucumënt aou Counseulh ëd l’Unioun.
Ën più ërz’atività previste a li commi 1 é 2, l’ourgan ëd revizioun ou i eu ël funsioun previstë da l’ërt. 239 doou Testo Unic, é se ërchamà, ou coulaborët a to lh’urgan ëd gestioun.

TITOUL V

FOUEURMË ASOUCHATIË É ËD COULABOURASIOUN

Ërt. 40 – Raport ëd coulabourasioun

Për lou rajoungimënt ëd li soun fin istitusiounal, l’Unioun è stimoulët ërz’oportunë foueurmë ëd coulabourasioun é coperasioun avé li Coumun partechipant, avé ërz’aoutrë Unioun, li Coumun doou dëntoueurn é ërz’aoutri Ent public é privà cou travaiount soou soun teritori é, ënt li limit counsentì da la legë, a to souget public é privà aprtenent a l’Unioun Eouropea a to lë scop d’asicurà n’elevaia efichensi ëd l’asioun aministrativa é adegouà standard coualitativ ëd li servisi public cou vinhount da sitta gestì é aministrà, sia ën foueurma direta sia indireta.
A stë scop l’atività ëd l’Ent è vint ourganizaia é è vint realizaia, se nechesari é oportun, druvant tui’ lë strumënt ëd coperasioun é ëd coulabourasioun util aou persegouimënt ëd lh’oubietìou.

Ërt. 41 – Counvensioun

L’Unioun è peut stipulà, avé aoutrë Unioun, avé tui’ o part ëd li Coumun aderent é avé aoutri Ent loucal apozitë counvensioun per fà é gestì ën maneri couordinaia funsioun é servisi, a li sens ëd l’ërt. 30 doou Testo Unic.
Lou squema ëd counvensioun ou deuout estri aprouvà a to deliberasioun counsilhar pìia a majourensi asoulua ëd li coumponënt, ëdoua è ventët indicà:

Ël razoun tenniquë, ecounomiquë é d’opourtounità souchal doou ricoueurs a la counvensioun;
Li fin é la duraia ëd la counvensioun;
Ël moudalità ëd finansiamënt;
Ël moudalità ëd funsiounamënt, lh’oblig é ël guërënsië rechiprouquë, ël foueurmë ëd counsoultasiun ëd lh’Ent counvensiounà.

Ërt. 42 – Acord ëd prougrama

Për la definisioun é l’atouasioun d’operë, intervent é prougrama cou ërchamount, per la leu atouasioun, l’asioun ëntegraia é couordinaia ëd l’Unioun é d’aoutri Ent public, lou President ou stimoulët, ënt li cas previst da la legë, n’acord ëd prougrama a lë scop d’asicurà lou couordinamënt é l’integrasioun ëd lë asioun, ëd co grasië a la determinasioun ëd li ten, ëd lë manerë é ëd li finansiamënt relativ a l’opera, intervent o prouget cou lh’acord ou font riferimënt.
L’acord ou vint stipulà daou President, sintì lh’ourgan ëd l’Unioun, scount ël moudalità presiuvë daou present Statut.
L’acord ou peut prevedri idonei prouchedimënt arbitral a lou scop ëd definì toutë ël pousibilë countrouversië cou i ont a ouget spechifiquë claouzolë, ma ëd co lhë strumënt d’intervent soustitoutìou për eventoual inadempiensi ëd lh’Ent cou partechipount a l’acord.
Ëndoua l’acord ou coumportët la variasioun ëd lhë strumënt urbanistic d’un o più Coumun partechipant a l’Unioun, l’adezioun doou President a l’istes è vint soubourdinaia a l’adousioun ëd n’apozit at deliberatìou da part doou Counseulh doou Coumun ënteresà qu’è fait sta moudifica ëd lhë strumënt urbanistic.
Bele se nhint ëncoumpatibil, ou treuvount ënt onhi cas atouasioun ël dispouzisioun previstë a l’ërt. 34, comma 5 doou Testo Unic.

TITOUL VI

PËRTECHIPASIOUN POUPOULAR É ACHES

CAPO I

PRISIPI GENERAL

Ërt. 43 – Prinsipi ëd përtechipasioun é aches

L’Unioun è asicurët a tui’ li sitadin ëd l’Union medema lou dirit ëd përtechipà a la fourmasioun ëd lë souë sheltë poulitic-aministrativë é è stimulët l’aches arz’infourmasioun, a li documënt é lh’at aministratìou da sitta foueurmà o ënt tui’ li cas detenù.
Aposit regoulamënt, aprouvà daoou Counseulh, ou stabilesount foueurmë ëd përtechipasioun é d’aches ënt ‘oou rispet ëd la nourmativa ën vigour ën materia.

CAPO II

PËRTECHIPASIOUN A L’ATIVITÀ ËD L’UNIOUN

Ërt. 44 – Asouchsiounizm é përtechipasioun

Lh’ourgan ëd l’Union ou ëmpiegount, për l’aministrasioun ëd l’Ent, ëd la përtechipasioun ëd li sitadin a li couali ou sount guërëntì oportunë foueurmë për l’ezerchisi ëd sitta facoultà, a to lou scop ëd realizà più elevaië foueurmë ëd demoucrasì.
L’Unioun è valourizët ël liberë foueurmë asouchatìë ouperant soou teritori sensa scop ëd loucr é cou i ont fin souchal, favourënt la përtechipasioun ëd sittë a la vita publica loucal é è stimoulët ourganizm ëd përtechipasioun a l’aministrasioun loucal previst da la legë, ëd couoperasioun ëd sitadin é, ën maneri përticoular sëllë ëd vouloutariat souchal.
L’Unioun, ënt lou prouchedimënt relatìou a l’adousioun d’at cou raprezentount ste categourië, ma ëd co souget pourtatoù d’interes souchal coumun ënteresà a l’at da emanase, ma ëd co li couseulh coumunalë l’Unioun.
L’Unioun, ënt lë foueurmë previstë da la legë, è s’adoperët për rendri ouperatìë foueurmë ëd përtechipasioun a la vita publica loucala ëd li sitadin ëd l’Unioun é ëd li stranier regoularmënt soujournant.
Ën più lou Counseulh ëd l’Union ou peut deliberà l’istitusioun d’ourgan counsoultìou. Ël deliberë istitoutivë ëd lë counsoultë ou n’eu disiplinët lhë scop, la coumpouzisioun rispetouza doou plouralizm é ëd la raprezentativià teritouriala, la duraia é tou’ seun cou i ëst nechesari a lou soun funsiounamënt.
Onhidun eletoù ou peut fa valé ën judisi ërz’asioun é li ricoueurs cou spetount a l’Unioun.

Ërt. 45 - Istënsi, petisioun é interpel

Onhidun cou i eu interes ou peut chamà aou President ëd l’Unioun istënsi su couestioun d’interes couletìou é su prouget ëd deliberasioun ëd l’Unioun medema.
Tui’ li sitadin ou peuvount ënt tui’ li cas përtechipà a l’atività ëd l’Unioun inoultrant, ën foueurma couletiva, petisioun diretë a proumouovri intervent për la mieui toutela d’inters difus.
Tui’ li sitadin ou i ont dirit d’interpel da druvà a to ël modalità é li ten previst da la legë,
Lou regoulamënt ou disiplinët ël moudalità é li ten për l’ezam é lou ricoueurs ëd lë istënsë, ëd lë petisioun é ëd lh’interpel da druvà a to ël moudalità è li ten previst da la lege.
Lh’ourgan coumpetent për materia ou s’ prounounchount ënt noueunta dì daou richevimënt ëd lë ouservasioun é ëd lë proupostë é ou trazmetount l’at aou proupounënt, couindi a lou prum firmatari. Lou silensi ou ecouivalët a ën riget.

Ërt. 46 – Proupostë ëd deliberasioun

Li sitadin ëd li Coumun partechipant a l’Unioun ou peuvoun fourmulà proupostë d’at deliberatìou, coumpreizë ël moudifiquë aou prezent Statut, é invialë aou President.
El proupostë ou devount estri soutouscritë da aoumeno lou quinzë perchent ëd lh’iscrit ënt ël listë eletoural ëd li Coumun partechipant a l’Unioun.
Lë stesë, couredaië da li parer previst për legë, è devount estri ezaminaië da l’ourgan coumpetënt ën carantasinc dì da la data ëd prezentasioun.
Lou regoulamënt ou stabileit ël materië é ël moudalità ëd la prouposta, ël foueurmë ëd publichizasioun, ëd racolta ëd lë firmë, li termini é li souget cou i ont dirit a la risposta.

Ërt. 47 – Aches a lh’at

Aou fin d’asicurà la trasparensi é lou boun andamënt ëd l’asioun aministrativa è vint ërcunusù a onhidun cou i eu l’interes, lou dirit d’aches a lh’at ëd l’Union, ënt li limit é a to ël moudalità previuvë da la legë é daou regoulamënt.
Lë status ëd sitadin rezident ënt ‘oou teritori ëd l’Unioun ou coustitueit titoularità d’inters juridicamënt rilevant.
Ënt ‘oou rispet ëd li prinsipi stëbilì da la lege é daou prezent Satut, lou regoulamënt, da adoutase ën ses mais da l’ëntraia ën vigour ëd lou Statut, ou stabileit ël moudalità d’aches ëd li sitadin singoul o asouchìa a lh’at ëd l’Unioun é ëd li souget cou aministrount servisi public ëd l’Unioun medema, ma ëd co ël moudalità d’intervent ënt li prouchedimënt aministratiou.
Lou regoulamënt é li counsegouent prouvedimënt atouatìou ou devount ispirase aou prinsipi ëd la più agevoul përtechipasioun ëd sitadin a lou diferent moumënt ëd li prouchedimënt aministratìou.
Can que ën prouvedimënt ëd l’aministrasioun ou i ëst si da creà efet diret ënt li counfrount ëd singoul sitadin o ëd përticoulà categourië, lh’ënteresà ou deuvount richevri preventiva coumounicasioun për permetri leu d’estri ënfourmà é intervenì ënt ‘oou prouchedimënt
Lou regoulamënt ou preveit que lou funsiounari respounsabil doou prouchedimënt, ou disiplinët toutë ëlmoudalità d’intervent, ou fisët li termini ëd can lh’ënteresà ou peuvount fourmulà ël leu ouservasioun é l’aministrasioun è deuout prounounchase, ma ëd co lou souget coumpetënt a emanà lou prouvedimënt final.
Ou sount soutrat aou dirit d’aches lh’at é ël dispouzisioun legizlativë cou diquiarount rizervà o soutpost a limit ëd divoulgasioun, se esplichitamënt individouà daou regoulamënt é se diquiarà rizervà për efet ëd ‘na tempouranea é moutivaia diquiarasioun doou President, finalizaia a nhint prejudicà lou dirit ëd rizervatëssi ëd lë persounë, ëd li grouppi o d’ërz’impreizë
Lou regoulamënt ou disiplinët ëd co l’istitut ëd l’aches diferì é ou detet nourmë d’ourganizasioun për l’emisioun ëd copië.
Foravia è i ëst facoultà ëd l’aministrasioun ëd councloudri acord avé souget public é privà për determinà lou countenù discresiounal ëd li prouvedimënt da emanase.

Ërt. 48 - përtechipasioun aou prouchedimënt

L’Unioun è dounët coumunicasioun ëd l’inisi doou prouchedimënt aministratìou scount seun cou vint stëbilì da lë relativë nourmë legizlativë é regoulamentar.
Li pourtatoù d’inters, a coui è peut derivà ën prejudisi daou prouvedimënt, ou peuvount ëntervenì ënt ‘oou prouchedimënt, scount ël moudalità previstë daou relatìou prouvedimënt.
Ënt lou zvoulgimënt ëd la soua atività, l’Unioun è druvët onhi strumënt ëd semplificasioun.

Ërt. 49 – Publisità ëd lh’at é ëd lë infourmasioun

Tui’ lh’at ëd l’aministrasioun o ëd lh’aoutri ent funsiounal é dipendent da l’Unioun ou sount public aou fin ëd guërëntì la trasparensi é l’ëmparsialità ëd l’aministrasioun.
L’Infourmasioun è deout estri coureta, tempestiva é coumpleta é, për lh’at cou i ont ‘na plouralità nhint definìa ëd destinatari, è deout avè lou carater ëd generalità.
L’Unioun ou dreuvët, për rendri real sitta publisità, vië ëd coumunicasioun moudernë é adatë a permetri efetivamënt ‘na difuzioun capilar d’ërz’infourmasioun.
Li sitadin ou i ont dirit a outenì toutë ërz’infourmasioun su lë stat ëd lh’at, ëd lë prouchedurë é tou’ seun cou li rigouardët, a propouzit d’ën prouchedimënt aministratìou ënt l’ambit d’ërz’atività pourtaië avënti da l’Unioun.
La publicasioun, a to efet ëd publichità legal, d’at é prouvedimënt aministratìou è s’ treuvët soou sito ënfourmatic istitusiounal ëd l’Unioun.

TITOUL VII

POUTESTÀ NOURMATIVA

Ërt. - 50 Statut

Lou Statut ou countint ël nourmë ëd l’ourdinamënt foundamental ëd l’Unioun é a seun ou devount counfourmase tui’ lh’at ëd l’Unioun medema.
Lou prezent Statut, a li sens é për lh’efet ëd seun cou t’istà previst da l’ërt. 32, comma 2, doou Testo Unic aprouvà da li Counseulh ëd li Coumun partechipant a l’Unioun a to lou voto favourevoul ëd li dui ters ëd li Counsilhé asenhìa.
Ël moudifiquë a lou Statut ou vinhount aprouvaië, a to ël moudalità previstë daou cooma 2, daou Counseulh ëd l’Unioun, su inisiativa doou President, ëd la Jounta, o ëd li singoul Counsilhé, é soutoupostë a l’aprouvasioun ëd li couseulh ëd tui’ li Coumun partechipant, cou prouvedount a to majourënsi é la prouchedura prevista për ël moudifiquë ëd li statut Coumunal

Ërt. 51 – Regoulamënt

L’Unioun è i eu la poutestà ëd regoulamentà për la disiplina ëd la propria ourganizazioun é atività, për lou zvoulgimënt ëd lë funsioun cou li sount afidaië é për li raport, ëd co finënsiari, avé li Coumun, a li sens ëd l’ërt. 32, comma 4 doou Testo Unic.
Ën più l’Unioun è emanët regoulamënt ënt ërz’aoutrë materië a sitta dëmandaië da la legë o da lou Statut
Li regoulamënt ou vinhount adoutà a majourënsi asoulua ëd li present ënt ‘oou rispet ëd li prinsipi detà da la legë é da ël dispouzisioun doou prezent Statut.
Li regoulamënt ou vinhount publicà a l’albo pretorio ënfourmatic ëd l’Unioun countestoualmënt a la deliberasioun d’aprouvasioun é ën counfourmità a lë dispouzisioun su la publicasioun ëd sitta. Ou intrount ën vigour lou dì dopou a l’ëntërvinùa ezecoutività ëd la delibera d’aprouvasioun.
Li regoulamënt doou Counseulh o ëd la Jounta, diquiarìa urgent ën sedë d’aprouvasioun, ou intrount ën vigour lou dì dopou a la publicasioun a l’albo pretorio ëd la delibera d’aprouvasioun é doou regoulamënt medezim.
Li regoualamënt ou devount sempër, ën tui’ li cas, estri soutoupost a foueurmë ëd publichità cou permetount l’efetiva counousibilità é ou devount estri achesibil a tui’ si cou intedount counsoultali.

Ërt. 52 – Adegouamënt ëd lë fount nourmativë a legi soupravinuë

Li adeguamënt ëd lou Statut é ëd li regoulamënt ou devount estri apourtà ënt ‘oou rispet ëd li princhipi ëd la Coustitusioun é ëd lë legi ëd rifoueurmama, ën sentevint dì souchesìou da l’entraia ën vigour ëd lë neuvë dispouzisioun.
Lou mero rechepimënt da part ëd lou Statut ëd vëriasioun legislative ou i ëst nhint souget a lë prouchedurë é a lë majourënsi ërchamaië da l’ërt. 32, comma 2 doou Testo Unic.
Ou counstitouesount limitë për l’aoutounoumìi nourmativa ëd l’Unioun mëc se’ nourmë cou portount li prinsipi espresamënt individouà coumë ënderougabil.

TITOUL VIII

DISPOUZISIOUN FINAL É TRËNZITORIË

CAPO I

DISPOUZISIOUN FINAL

Ërt. 53 – Intraia ën vigour

L’intraia ën vigour doou present Statut è i ëst subourdinaia a la soutouscrisioun ëd l’at coustìtoutìou ëd l’Unioun.
Lou present Statut ou intrët ën vigour lou trentezim dì souchesìou a la soua publicasioun a li albi pretori ëd li Coumun cou coustitouesount l’Unioun.
Ou vint publicà, ëd co, unitamënt a l’at coustitutìou, soou bouletìn ufichal ëd la Rejoun Piemount é invià aou Minister ëd l’Intern për estri inserì ënt la Racolta Ufisiala ëd li Statut.

Ërt. 54 – Rinvio

Për seun cou vint disiplinà ënt lou prezent Statut, ou s’aplicount, se coumpatibil, lë nourmativë statal é rejounal vigent ën material d’ourdinamënt ëd lh’Ent loucal.

CAPO I

DISPOUZISIOUN FINAL

Ërt. 55 – At coustitoutìou

Lou Sindic doou Coumun ëd più grosë dimensioun demougrafiquë ën trëta dì da l’acouizisioun ëd lë deliberë d’aprouvasioun ëd lou Statut da part ëd tui’ li Coumun partechipant, ou prouvedët a counvoucà li Sindic ëd li rispetìou Coumun për la soutouscrisioun fourmala ëd l’at coustitoutìou ëd l’Unioun.
La stipoula ëd l’at coustitutìou ëd l’Unioun è vint realizaia da part ëd li Sindic d’onhudun Coumun partechipant ënt la sede ëd l’Unioun.
Lou rogit é la registrasioun ëd l’at coustitoutìou ënt la foueurma public-aministrativa ou sount asicurà daou Segretari doou Coumun ëd più grosë dimensioun demougrafiquë.
A to la stipoula ëd l’at coustitoutìou, l’Unioun ëd Coumun è asumënt persounalità juridica ëd dirit public é è diventët ouperatìa a tui’ lh’efet ëd legë.

Ërt. 56 – Elesioun doou prum Counseulh ëd l’Unioun

Ën trëta dì da l’ezecutività doou present Statut, li Counseulh ëd li Coumun partechipant ou s’ riounesount për elegi li coumpounënt ëd l’Unioun.

Ërt 57 – Lou segretari

Lou segretari ou vint nouminà daou President tra li Segretari coumunal iscrit a l’Albo é, ëndoua è i ëst pousibil, fra seulli cou sount ën servisi in aoumeno un ëd li Coumun partechipant
Lou segretari ou i li compiti ëd coulabourasioun é funsioun d’asistensi juridic-aministrativa ënt li counfrount ëd lh’ourgan ëd l’Ent. Souvrintendët a l’atività ëd li dirigent o dli funsiounari é ou n’eun couordinët l’atività. È butët pas ënt li counflit ëd coumpetensi cou peuvount quëpità tra lh’ufisi, ma ëd co tra li funsiounari, proupounënt ël mizurë previstë da l’ourdinamënt.
Ou ezerchitët onhi aoutra funsioun qu’è li vint dounaia da lou Statut o da li regoulamënt o daou President.

Ërt. 58 – Persounal

L’Unioun è impieguët lou persounal ën servisi ënt li Coumun partechpant.

Ërt. 59 – Servisi ëd tezourerìa

Lou servisi ëd tezoureriam, ënt ël more ëd l’espletamënt ëd la gara për l’ajoudicasioun, ou vint afidà a l’istitut cou curët lou servisi istes për lou Coumun ëndoua è i eu la sedë ëd l’Unioun.

Ërt. 60 – Ourgan ëd revizioun ecounomic-finënsiaria

A meno d’aoutra dispouzisioun ëd legë, lou Counseulh ëd l’Unioun ou eleget, a majourënsi asoulua ëd li membri, ën Revizoù ëd li count parei ‘më previst da l’ërt. 234, comma 3 doou D.L.gs. n. 267/2000 su la bazë ëd lë dispouzisioun ëd l’ërt. 16, comma 25 doou D.L. n. 138/2001, counvertì da la legë n. 148/2011.

Ërt. 61 – Regoulamënt

Ën ses meis da la coustitusioun ëd l’Unioun, lou Counseulh ëd l’Unioun è aprouvët lou regoulamënt ëd countabilità, për la disiplina ëd li countrat é për lou funsiounamënt ëd lh’Ourgan.
Ënt l’istes terminë la Jounta ëd l’Unioun è adoutët, a majourënsi asoulua ëd li coumpounënt, lou regoulamënt su l’ourdinamënt ëd lh’ufisi é ëd li servisi a to alegaia la doutasioun ourganica.
Ënt ël morë ëd l’aprouvasioun, ou s’aplicount ël nourmë detaië.

Ërt. 62 – Chentral Unica ëd coumpetensi

A li fin ëd l’ativasioun ëd la Chentral Unica ëd coumpetensi, l’Unioun è s’afidët aou persounal é a lë strouturë butaië a dispouzisioun da li Coumun aderent ën prouprousioun a l’atività da espletà per li singoul Coumun.

Alegà A)

Ën data 17 fre 2015 a to deliberasioun doou Couseulh ëd l’Unioun Mountana Alp Graië ou sount istaië trësferìë a l’Unioun medema ël segouentë funsioun geu atribuìe ënt l’At Coustitutìou:

Catast, ad echesioun ëd lë funsioun mëntenuë a lou Stat da la nourmativa vigent;
La pianificasioun urbanistica é edilisia d’ambit coumunal, ma ëd co la partechipasioun a la pianificasioun teritourial ëd livel sovracoumunal;
Atività, ën ambit coumunal, ëd pianificasioun ëd proutesioun chivil é ëd couordinamënt ëd li prum soucours.

Portal Francoprovensal Francoprouvensal

STATUT - UNIOUN MOUNTANA DLI COUMUN ALP GRAIË

Traduzione in francoprovenzale a cura di Teresa Geninatti

commenta






Registrandoti confermi di accettare la privacy policy	invia