Chaminou entè na selvo

que s'es minjà i prà

e arubou a la mio vieio caso.

 

Us e fenestres samblà

garden lou son

des coses de tuchi i journ.

 

Entè les stansies vuedes e freides,

Entè parlen mac les camoules,

les aranha an teisù

des teles per mantenirse vives,

 

après que mi ai laisà far

ai pian dal destin,

acò que m'a pousà

a anar vio da mi.

 

Ici trobou mai les persounes

qu'an aspetà que mi tournèse:

papà, mio sore....... tanti aouti,

m'encalou pa a vesinarme a lour,

 

-la boucho quiavà couma na fourteso,

i bras embarrà al lonc dei fianc,-

perqué encaro ren sgurà

da la malatìo e da la mort.

 

Ent'aqueste post luènh

es amaro la tenereso

que nous groupo encaro

belo que l'aie na sueio

que se pol ren soubràr.

 

Na beliero senso tron

me dì de toumar a'ncuo

entè m'atenden i vìou,

entè i record soun pa de grif,

 

ma n'envìt a bàtese

e a embrassar un mound

que la pueio rend dru

e lou soulei visco de speranso.