I

Chaminou per na vio foro man,

la nuech i es freido e calo 'n paou de neou,

da n'oste m'aribo 'n soun de na guitaro,

dezembre vintoquatre,

vigilio dal Natal;

de dran a na giuiero pieno d' quiar

i à 'n fiet que boouco

'n paou de coze bèle,

es mal vestì, tramolo da la freit,

me fermou, ele m' boouco e m'dì parei:

 

Rit. Mi siou Gezù Bambin dal siel,

vaou vio serchant i paoure coumo mi,

vuèi fà countent aquei qu'àn jomai ren,

portou parole eiro dezmentià:

la pas, l'amour, e 'n paou de ounestà,

mec acò salvarè l'umanità,

diou de cor a tuchi "en Natal bèl!"

Mi siou Gezù Bambin dal siel.

 

II

Fenì lou chant, lou fiet

es mec pus n'oumbro,

la frèit, la nuech,

la neou, me porto vio,

retournou vèrs mio cazo foro man,

dezembre vintoquatre,

vigilio dal Natal,

dapè de mi eiro es jo tout quiet,

vaou repensant encaro a 'quel fiet

e dran a 'n pilounet me vien la vueio,

repete aquelo aire dran sentuo.

 

Rit. Mi siou Gezù Bambin dal siel....