La coumenso per n'estiso,

'quiamoun aout, vai sabè 'nté,

pei dui estise, milo estise,

na biaiereto vai calant;

la biaiereto s'encountro

bou sent biaierete

i se dounen la man;

e fan na groso biaiero

que, viro e reviro,

vai jù 'nvèrs lou pian,

e i biaiere countente

s'embrasen ensemo

per fà lour bialot,

e i bialot i se beten d'acordi

per travaià 'nsem e fà 'n gros bial,

lou bial que saouto pr'i roche,

que sono sio danso,

fai sente sio voous

e chanto.