Ia-vit an bòt na màri e an pàri qu l 'àvioùnt an fiàt, quitì quitì, s'tchamavét Djàn Pouidt.

An dì ou l'ànt mandà a boué dal pòichess vàtchess c'ou l'avioùnt, ma mentre ou iéret ant' lou prà, iat ancaminà a piòouri. Djàn Pouiàt, q'ou s'avìt dismentià lou parapieuva, au l'at studià bìn da stchancà na fòii at lavàssi e at butàsse souta par paràsse da la piòdji. Ma na vàtchi qui mindjévet l'erba, i s'at nint arcoursouà que souta la fòii iavìt carcùn, e ant'un boucoùn iat travoundoù la foi e lou magnà. Pàri e màri q'ou lou vioùnt nint arivà, ou l'ant ancaminà a tchamàlou: " Djàn Pouiàt! Djàn Pouiàt an'téstou?". Mentre que ou tchamàvount visìn al vàtchess, ou l'ant sintù na voùss qui disìt : « Sé issi, sé an tla pànssi da vàtchi mòra ». Soùn pàri e souà màri ou savioùnt pint coùme fari, ma a'n bél moumànt, la vatchi iàt tirià an pàt, e iat saoutà fòra Djàn Pouiàt.