La viésta usuvàl i ist d'lanàtta ou d'taffetà candjànt. Lou courpàt ist atilà, moudelà da douo cousidùress qu'ou partèissount da l'assàlla e casi ou s'djouìntount a vita: e s'dìt li fiancàt la scouladùra ist a pouìnta, bourdà d'un pissàt quitì d'valenssiàn bianc, boutounà dvànt tou li courtchàt. L'màndjess usuvàl ou sount a sbouf e a li pouls ou sount bourdàiess coume a ou founs d' la viésta, t'un pissàt bianc coume la scouladùra.

Lou coutìn ist arissà su dré e séuli dvant, duvèrt s'ou fianc, lounc fina a li pé e touèurna bourdà d' pissàt o d'bindèl d'avlù. L'ouvertùra s'ou fianc i servèit per drouvà una sacòtchi da stòfa qui fait part da sè, groupà an vita da na gànssi. Lou faoudàl ou 1' co d'sèia o d'raso, ournà d'basstìness o d'pissàt. S'ou dré ou l'at un bindèl nèi, àout circa des centim, qu'ou fàit un soul e ou l'at douì lounc tchavoùn.

Lou coutìn da sout ou 1' fermà a vita da na gànssi, tou a ou founs un pissàt d' San Gal, àout vint centim e inamidà.

Sals spàless e s'bùtet un fassoulàt tou l'fràndjess, piegà a triàngoul e fermà tou d'pieguìness qu'ou partèissount da s'ou col, fermàiess tou n'éuvii da testa. Su dvànt ou s'ancroùsiount l'pouìntess e s'anfìlet an s' li fianc, ant la sèntura dou faoudàl.

La scouladura i vint fermà da na spìla d'or. I ourtchìn ou sount ouvàl, lounc e pitò vistoùs. A ou còl e s'pòrtet lou croutchifiss, sourmountà d'un soul d'I'istess metàl. Iquì e s'fàit passà un bindèl d'avlù nèi. La crouss i ist d'ardjànt par al fiess da marià e d'or par al mariàiess. Par sìtess issì lou bindél d'avlù e s'tàquet a douì bindél d'sèia o d'ràso nèi, àout circa eut centim, e lounc na trantèina, qu'ou pèndount djùs dré dals spàless: est I'mindléress.

Li tchaoussoùn ou sount d'làna o d'coutoùn coulourà. La scùffia I fàita da ou couassià e da li rèn.

Lou couassià ist fourmà d'una calòta e ou l'fàit d'tèila rèida, couatà d'un pissàt bianc, qui làsset trasparì una carta ardjentà o s'ou rous o s'i vert.

Dal part d'ou couassià i a li stess tìpou d'pissàt qu'ou vint inamidà, ondoulà e butà un a cavàl a l'aout par cat séui: e s'dit li ren. A virànt a ou couassià e s'groùpet un bindèl d'sèia àout des o douse centim e lou soul e s'pòset an s'li ren, li tchavoùn su dvànt fino a sfiourà la froùnt. La scùffia i vint fermà an testa da na spila o un pounsoùn qui fisset la couassià a ou reu di tchouvèi. Par allà an djésia al féstess gròsses, djoùri la scùffia l'fiess ou butàvount an vél d'pissàt bianc, asurà e inamidà, piegà a triàngoul: e iéret la pata.

L'mariàiess ou butàvount na couéfa d'tul a fioù. L'priouress di mouffài ou pourtàvount un vél bianc d'tul, ournà touta virànt e s'ou founs d'fiucàt lounc un dé, d'tuti i couloù. A mìnca féstà, an testa, djoùri la scùffia ou butàvount la couéfa, sempre a fioù ma più semplice. Saless qu'ou l'avioùnt lou deul, la couéfa i éret lindjìa Iindjìa, bourdà d'strìsess d'raso nèi.