Sant' Ana est la fésta di Cournàt. A la matin ou fant la proutchissioùn a li Cournàt, tou la statoua d'la Madona pourtà da cat fiess di Cournàt e cat ad sout, Tchiabertàt e Moulèttess. Da ou 1942 i a la statoua d'Sant'Ana, qu'ou l'avìt tchetà Doun Gouglielmòt. Finì la proutchissioùn e s'vàit a roùntri lou bal. Douess courèndess balà da li Priou e douess o tre balà da tuti i aouti. Pres, da doui bòt an avanti, e sbalet fina a dòpou mesanòit.

Ant ls àoutess frassioùn e sidisit mac massa a la matin dou dì dou Sant qui iéret dedicà la tchiapèla. Al Moulèttess, quérqui bòt, ou fasioùnt na merenda a Pian Djiroulàss.

Mes ost. La proutchissioùn iéret a Sant Urbàn. La Madòna iéret pourtà da cat fiess d'Barmes e cat dal frassioùn. Antri d'lou i avìt al Prioùress d'la djésia. Pres la festa iéret come sàla d'Sant'Ana. L'Prioùress d'la djésia iéret doùo fiess que a toùrno par età ou l'avioùnt l'incàric par n'an da Touissànt da tinì an ouòrdin la djésia e destinà l'fiess a pourtà la Madòna. Lour ou l'avioùnt l'incàric ad portà lou Gounfaloùn a ou Djéou Sant e a la Trinità. A mesòst ou portàvount la Madòna e iquì ou s'vistioùnt d'nouà.

8 setèmber, fésta d'la Tchinàl. Ou pourtàvount la stàtoua touèrna l' fiess d'Bàrmes.

 

7 d'outoùber, proutchissioùn dou Rousàri. Iéret a Sant Urbàn e la stàtoua iéret pourtà dal fiess più viéiess.