Për chiicun la né ciù ina nuvità l'è già ëngech chë l'ir san! Ma tanti, quand li legëran stë titulu, li së diran ën tra i1i: " Loc l'é mai nasciù? "" A Vastera ? E loc la é?". Loc la era, ën viag ina vastera, s'ër li së pensa ëngech, tuti ër san.
Armenu quili chë li an anche dëma ina pëcina raijë a Briga, ën Reaud, ën Vërdegia, ën la Ciagia, , ën l'Upga, ën Carnin o ën Viusena. S'andam ëndërè dë parigli ani, cun chiichë vastera tuti i nostri vegli li an avu a chë faa. Quand aa seira li ciavavu ër vaii ën la vastera, li sëntin chë tuti i "sei averi" eru ar sëguu.
E quand li vurin dii dë chiichren ch'era gros gros, li dijin: " Gros com ina vastera!
A Vastera ch'é nasciua adès la è ëngech in'autra cousa: l'a n'é ciù ër post ëndund i nostri vegli mëtin ar sëguu ër bëstiam ën muntagna, ma la é ina uniun dë gente chë parlu o chë li an ënvegia dë parlaa aa moda da Briga e de sarvaguardaa e "couse" chë n'an lascià i nóstri végli. Anche a vastera d'ëncoi, com quela d'ën viag, la voo metu ar sëguu de couse di nôstri paisi, chë për nue le sun përsiuse e la vurëria dëvëntaa grosa com e vastere ëndund i nostri vegli arcampavu i vaii.