E arturnerai, perché arturnàa besògna

e i passi mèi me meneràn a r'usc

sunènd encòo sciu qui risòi antìghi

ch'er mè magùn li uràn pesà andeghènd.

 

Arturnerai. R dì serà già grànd

d'in sùu luzènt a in'aria de cristàll,

sciu 'n vèrd vìv per li mèi argordi

de camìn fàiti e de suùu versàa.

 

O encòo, r serà sciu r'ura da matìn

e r li urà a negia a aspeitàa r mè muntàa.

Con ina cuvèrta ch'in se vìra en còl

per rèn sentìi, per tut asciubiàa...

 

E deré r'usc, fàita sautàa a crica,

tut r mé mùnd.

E r me dirà: «Bondì!». Com se rèn fuss,

com a chi è mai partì..

 

E la serà granda, r'ura de cur dì

ch'e arturnerai.

La serà a paze. Re rest serà finì.