E-vë cönterai a štoria d'er ciprés ch'e ai dëlong višt da figliòo en t'in canp che me pai, Ëntò de Fèlipìn, avìa a Ciapapée. Ciantà vëjìn a ina sëréjë neira, (ch'adès la è secàa) er ciprés l'è delong ciù aut e gros e in lë po veiru de front ar camin grand chë porta en Verdegia. E ai sapü che št'arbu l'avia ina štoria en gec fora d'er solit, aa fešta de Sant'Antoni de r'an pasà; ina giurnàa cauda de sùu ch'er fagia rušgiàa sciü i arbu ënsërvaighii e sëréje tempurie. E gente eru šciurtìe dàa Mèsa cantàa en la capela d'er Sant (l 734) e le seru jbargiàe a ciarlatàa burdëluse. I Priùu avin perparà en mügl de còuse bone: prati e göti li s'encin e vöidàvu en le sciaràt de grandi e pëcin per sta fešta ch'arov r'üšcë a r'Ëštà.

Poi, cian cianin tüti an piglià er camin de cà e quand e štava per ëndarmertèn cun i mei arbaji e me sun acorta che per-de-damùnt sùt ai arbu ina vintena de reaudee li seru asëtai enturn a di tourin de ciàpa cun denant ogni sorta de...cuvèi. Atiliu e Duardu li man ënvità a fërmarmè cun ili e Francì de Bigliunet, Carla e Teresa Corradi, Mario Alberti Caninèe da Briga cun Ersilia a femna ch'arangia e sciùu ae feste grande. E am cumensà cun a turta vérda, cunigl encòo caud en la pignata, e turte de trei mene; tütë aiguà da'r vin fait da ili...E sam bén com a taura in dëšcur vruntèe e in met ënsem de štorie che le s'asëmegliu froure; cuscì tra in toc de turta e un de tuma Atiliu er ma cumensà a cuntàa d'er Pai Vegl de me pai ...da Crimea e d'ina cianta che la vivia ëncòo en le me šcit de Ciapapée. R'endeman šquaji en pelegrinag e sun endaita a veiru e fasce gerbe da noštra štoria. A štént e sun arivàa en le šcit dund er Ciprés...règna.. Qund e ai aisà i ögli e sun rëštàa de baus per l'ënpunensa di sei brasi dund i ùjéli cantavu a deštèsa.

Alura en l'abandune da canpagna e ai sëntü com ina vùjë mištëriùsa...Sensasiun de couse già vište...Antighi prùfümi  ašciubiai en la càntara di argördi. Ër Ciprés de Ciapaée m'abrasava delicà, com in vegl scial de lana de ma mai Marì. E me sun asëtàa en le sei raije ašcuiténd cun i ögli ciüai er vènt giugàa en le föglie e cüntàa a sa štraurdinaria avëntüra:

"La mia storia inizia al tempo in cui i Piemontesi con a capo Carlo Alberto furono sconfitti nella battaglia di Novara e il Re abdicò a favore del figlio Vittorio Emanuele II. In quegli anni un uomo, Camillo Benso Conte di Cavour, persona di cultura e alto ingegno prende abilmente in mano il destino d'Italia..."

E m'acandac ën li mei argördi de šcora... Er sùu l'è ëncòo aut; de tant en tant er vegl grusciam šfërfùglia: i gai sércu fruiti sarvaighi en le ruvèi d'er machèe da fascia surana... "Sono stato piantato" Er vegl arbu me sëcrola: "In questa pietraia da un giovane realdese prima della sua partenza per la guerra di Crimea (1854). In Europa scoppia una grossa guerra tra Russia e Turchia; Francia e Inghilterra si alleano in favore di quest'ultima. A questo punto entra in scena il Conte Camillo che accorre in aiuto dell'Inghilterra con quindicimila uomini sotto il comando di Alfonso La Marmora." E ai ër fiàt sušpèsë. "I Piemontesi combattono brillantemente alla Cernaia presso Sebastopoli che si arrende e... la guerra finisce. Realdo, sottoposto a Casa Savoia, partecipa alla spedizione con dieci suoi giovani tra i quali Lanteri Stefano Roglio (Pai Stè) protagonista principale, proprietario di questo podere. (All'epoca nella Contea di Ciapapèe). Egli ritorna a piedi dalla Crimea (1855) con Giusè di Sciami e Lanteri Cravet Nene. Grati per lo scampato pericolo ma ancora turbati per l'immatura morte dei loro compagni, decidono di onorarli costruendo una cappella votiva alla memoria."

A Capela, a diita d'Erminiu la è quela da cianca d'Arënscea, a diita d'Atiliu la deveria esu quela d'er Pöĝ da famiglia Roglio-Felipin (Pai Ste) (Mi e i lasc gerb ma er seria bèe cunusciu com štan e couse.) Entant er sùu le šta për arcurcarse en t'in leit de nivure d'òur...

"/ tre reduci conducono una vita 'agiata' grazie ad premio vitalizio di un franco lira al giorno, una fortuna per quei tempi...A Lanteri Cravet Nene è concessa l'apertura di un tabacchino: favore riservato solo a chi ha fatto qualcosa di molto importante per la Patria e Giusè di Sciami si trasferisce definitivamente a Briga." A štoria ne finia-nu. Fors sügend a cansun de Mameli a vujë d'er vent se štégn a pouc a pouc... "...Roma capitale..." en t'in sciusc "...Unità d'Italia..." ( l870)

Er 'Pelegrin'  l'è ina rega de ciüma en l'urisunt dëlong ciù bleu; a prima štéra sè asèsa e cun carma i ani dejbrögliu er lümšcèe d'er tènp...Er magùn me ciapa! E 'veg' i campi curtivai fin sut Sciacarèe ades abandunai a e ruvèi chë, sensa cùita le muntu e le s'apendu ai bešciun en t'in špinuse šnbrogl.... L'è ura che m'acamp. Tütë chieta fora ch' ën gril da nöit ch'ër cuménsa a seiranàa...

Argirendëmè per r'ürtim jguard e m'acorgch'er me arbu l' è en bona cumpagnia!

A sima toca e štére e apèsa ar rana ciù aut, ina mësuira dë lüna la së dandana...riend.