Enti in rete L.482/99   

Erbe e piante che curano. Erbario fitoterapico delle specie autoctone

Fragola selvatica (Fragaria vesca)

Fraza

a cura di Teresa Geninatti

Fragola selvatica (Fragaria vesca)
italiano

La piënta: è i ëst ouriginaria dl’Eouropa é dl’Azia; la couma è i ëst granda é riounda, la garuschi è i ëst griza, seulha ënt ël piënte jouën é è vint rupìa é fesuraia a to lou pasà doou ten; st’arbou ou aruvet a li 30-40 meter d’aouteussi é ënt li prum an è i eu ‘na crësua rapida.

Ël foie ou sount costituië da 7-9 quitivë foië ouvalë é seguetaië, vërd scu, ou veulount lou soulei é ou patesount nhint lou fret é nhënca lou chaoud é ou sount gro rezistentë aou veunt.

Prouprietà: ël foië sëcchë, la garuschi li soun zmënt ou i ont ëd prouprietà febrifouguë é astringentë, ma ëd co toniquë, lasativë, analgeziquë é antifiamatorië. Ënt la meizina poupoular è vint druvaia coume ën ligì diouretic é ënt ‘oou cazou ëd reoumatizm é gouta. È i ëst particoularmënt indicaia ënt ‘oou tratamënt doou coulisterël, dl’iperuricemia, dla cheloulite é ëd toute ël manifestasioun doulourouze dl’articoulasioun.

Coume ès drouvët: ou s’ drouvount ël foië, la garuschi é l’ezmënt ën tizane. L’estrat seuch dla garuschi ou s’ drouvet coume antireoumatic é countra al père a li ren.

Curiouzità: tra li Chelti sti arbou ou sount counsiderà simboul ëd rinaschita, boun a fà gouarijoun miracoulouze.

franco-provenzale

La piënta: è i ëst ouriginaria dl’Eouropa; è creit bin ën post frësc é a l’oumbra. Ès prezentet a to ‘na chëmba aouta tra li 10 é li 20 cm, a to fieu bienchë a 5 petali; a to reis loungë cou vont a fouërmà ‘na neuva piënta. È souportet ën clima fret é è creit fin a 1800 meter d’aoutëssi, lou tèren ou dëout èstri particoularmënt umid, parei ‘më sèl tipic ëd li bosc.


Prouprietà: è vint drouvaia a l’intern për ël suë prouprietà diuretiquë, depourative, countra li reoumatizm, astringent, rinfrescant, dizintousicant; mentre për utilis estern è i eu prouprietà dermopourificant é astringent. La fraza è i eu ëd prouprietà anti infiamatorie é për tinì basa la presioun arteriouza. Për sën è vint druvaia, internamënt, për tratà aritmie doou queur, la gouta, la coustipasioun, ël père a li rèn é la caguëtta. Për utilis estern è i ëst bouna për li bounhoun, l’egdzema, la purificasioun ëd la pel é ërz infesioun ëd la bouchi.


Coume ès drouvët: ou sount utilizaie ël foië, ël reis é li fruit (l’esensi). Ël reis sëcche ou s’ drouvount për prountà li decot, ël foie, sempër sëcchi, për tizane. Lou decot ou i ëst boun coume diouretic, për stimoulà la fam é për depurà l’ourganizm. Lou decot ou s’ peut utilizase ëd co për aplicasioun esternë, për afte o lezioun dla bouchi. La tizana è vait bin për la caguëtta o coume diouretic. L’esensi ëd fraza ès peut butà zla pel për curà ligiëri bruzature doou soulei.


Curiouzità: è zmiët quë ël fraze ou i ont ëd co la capachità ëd tinì lou bounimoù, stimoulënt la proudousioun ëd serotonina é melatonina daou nostro corp.