COMEUNE DE MOMPANTÉR

VELÒ METROPOLITAN-NA DE TURIN

VERBAL DE DELIBERASHON DE LA DZOUINTA COMUNALA N. 20

ODZEUT: approvashon do novo codo de comportameunn di depandeunn de la Comeune de Mompantér. Adzornameunn 2021.

L’eunn doueumileventun, incoueu ventenó do mei de mars, a onze oure e treunta meneute, regolérameunn convocaia, lhe s’at reuniò la Dzouinta Comunala de laquinta ou sont meimbro:

En tse lo siédzo comunalo, ou sont preseunn lo Santicó Piera Favro, l’Assessour Braida Bruno Piera qu’ou l’entrevéno en se lieunn de l’uffisho do Segretéro Comunalo moueieunn Skype.

Ou l’eut ilià en videoconfereinse de la postashon en linhe l’Assessour Simone Leschiera.

Lo Presideunn, arlevaia la partissipashon de touit li Assessour, ou declhare validameunn costituiò l’adunanse avó la partissipashon en videoconfereinse do Segretéro dott. Marcella De Mauro.

Documento prodotto con sistema automatizzato del Comune di Mompantero. Responsabile Procedimento: GUERCIO Cinzia (D.Lgs. n. 39/93 art.3). La presente copia è destinata unicamente alla pubblicazione sull'albo pretorio on-line

Armandà:

−  l’art. 54, do D.Lgs. n. 165/2001, tal que remplahiò de l’art. 1, coma 44, de la L. n. 190/2012,

que lh’at prevù l’emanashon do caro do govert d’in codo de comportameunn di depandeunn de le peblique amministrashon afin d’assurér la calità di sarvisho, la prevenshon di fenoméno de corrushon, lo respet di devér costitushonalo de deledzeinse, lealtà, emparshalità e sarvisho esclusivo o soueunn de l’intré peblicco (coma 1);

−  la definishon do caro de tsaque peblicca amministrashon, avó prossedeura iverta a la partissipashon e avó adreita obbligatouére do son organismo endepandeunn de valutashon, d’in codo de comportameunn qu’ou l’entégre e ou spesseféie lo codo de comportameunn doquin o coma 1; a hi but, la Commishon pre la valutashon, la traspareinse e l'entegrità de les amministrashon peblique (CIVIT) lhe defeneit critéro, linhe guida e model pre de setour hanglhér on tipo d’amministrashon (coma 5);

• −  lo Decret do Presideunn de la Repeblicca do 16/04/2013, n. 62, aveunn odzeut “Regulameunn porteunn codo de comportameunn di depandeunn peblicco, emanà a norma do coma 1 de l’articlho 54 do decret ledzeslativo 30 mars 2001, n. 165”;

• −  lo codo de comportameunn di depandeunn de la Comeune de Mompantér, approvà avó deliberashon de Dzouinta Comunala n. 6 en data 30/01/2014, predisposà de héta amministrashon dessù la base de le linhe guida balhìe de la CIVIT (arò ANAC) din sa deliberashon n. 75/2013;

• −  lo premiér adzornameunn o codo de comportameunn approvà avó deliberashon de G.C. n. 7 do 29/01/2018 avó loquin:

• ou sont ihaie adottaie de meseure de tutéla do depandeunn qu’ou sinhalisse de mové at din l’Amministrashon, en lieunn avó heunn prevù de la lei legge 179/2017 e de le linhe guida Anac de lequinte a la det. 6/2015;

• ou sont ihaie endeviduaie le categorì de collaboratour, consuleunn esterno iquin aheindre l’applicashon do codo e la previzhon de spesseficca clausola de resolushon e decadeinse do rapport a enserir din li contrat d’aquisishon de le collaborashon, consuleinse, sarvisho.

• ou l’eut ihà adottà lo spesseficco devér pre li depandeunn de collaborar attivameunn avó lo Responsablo de la Prevenshon de la Corrushon e Traspareinse, din le fase d’attuashon e adzornameunn do Plan Triennalo de Prevenshon de la Corrushon.

Vue le linhe guida Anacn.177 do 19 fevrér 2020;

Atandù qu’i se reunt nessesséro de betar a dzòrt lo codo entiér de comportameunn en armonì avó le nove linhe guida de lequinte a la deliberashon ANAC n.177/2020;

Atandù que souita o spesseficco avis peblicco de prossedeura iverta a la consultashon pre l’adzornameunn do codo e de l’entiér PTPCT, doquin lo mémo ou l’eut pert entegreinta, ou sont pa perveneuve osservashon ni domande de modeficashon, tal que mioù dehresù din la relashon illustrativa do codo mémo;

Vu la piéhe dzouinta do codo de comportameunn adzornà conteneunn asseu model de declharshon comme predisposà do Responsablo de la prevenshon de la corrushon e de la traspareinse;

Documento prodotto con sistema automatizzato del Comune di Mompantero. Responsabile Procedimento: GUERCIO Cinzia (D.Lgs. n. 39/93 art.3). La presente copia è destinata unicamente alla pubblicazione sull'albo pretorio on-line

Donà at que lo squéma de codo adzornà ou l’eut ihà envià, avó nota prot. 1029 en data 23/03/2021, a l’Organismo Comunalo de Valutashon pre l’espreshon de l’adreita, i seins de l’art. 54, coma 5 do D.Lgs. 165/2001;

Vue l’adreita favorabla de l’OCV, comme pervenù avó nota prot.1066 do 25/03/2021;

Donà at que la preseinta deliberashon lhe rintre entre le competeinse de la G.C. i seins de l’art. 48 do D.Lgs n. 267/00;

Aquisiò l’adreita tecnicca favorabla randouò i seins de l’art. 49 do D.Lgs n. 267/00 do Segretéro Comunalo proposeunn lo responsablo pre la prevenshon de la corrushon e traspareinse; l’adreita de regularità contabla lhe veunt pa aquisiò en ne pa dereveunn do preseunn at dzin fré;

Vu lo T.U. Eunn Localo approvà avó D.Lgs do 18.08.2000 n. 267;
Avó votashon en favour espressaia en forma paleisa pre assens verbalo

LHE DELIBÉRE

Pre toteu le reison arportaie din la premisa o preseunn at e arclhamaie e fare-zenn pert entegreinta e sostanshala:

1. D’approvar lo novo Codo de Comportameunn di depandeunn de la Comeune de Mompantér adzornameunn 2021, tal que proposà do Responsablo de la prevenshon de la corrushon e de la traspareinse, selon lo testo qu’ou forme pert entegreinta e sostanshala de la preseinta deliberashon e qu’ou remplahe en tòt hel approvà avó deliberashon de GC 6/2014 adzornà avó deliberashon de GC 7/2018.

2. De donar at qu’avó nota aclharaia o n.1066 de prot. do 25.03.2021 lh’eut ihaia aquisiò l’adreita favorabla de l’Organismo de Valutashon pre son approvashon en mémo tein o Plan de Prevenshon pre la Corrushon pre lo treieunn 2021/2023 doquin lo Codo de Comportameunn ou n’en fet pert entegreinta.

3. De declharar la preseinta deliberashon fit adzibla i seins de lei avó ina seconda votashon en favour espressaia en forma paleisa pre levà de man.

Lesù, confirmà e souhresù.

LO PRESIDEUNN Firmà

dedzetalameunn FAVRO PIERA

LO SEGRETÉRO COMUNALO Firmà dedzetalameunn Dr.ssa Marcella De Mauro

Copì conforma a l'oredzenalo firmà dedzetalameunn, pre li usadzo consantù de la Lei.
lì, 22/04/2021 LO SEGRETÉRO COMUNALO

Documento prodotto con sistema automatizzato del Comune di Mompantero. Responsabile Procedimento: GUERCIO Cinzia (D.Lgs. n. 39/93 art.3). La presente copia è destinata unicamente alla pubblicazione sull'albo pretorio on-line