franco-provenzale

VERBAL ËD DELIBERASIOUN

ËD LA JUNTA COUMUNAL N. 10

OUGET:

Ourdinënsi doou Cap doou Dipartimënt ëd la proutesioun chivil n. 658 doou 30/03/2020. Adousioun ëd mëzurë urgent ëd soulidarietà alimentar. Istrusioun a lh’ufisi.-

L'an duimilaevint a li trai doou meis d’avril a rz’ eurë 11:45 ën via telematica é ën aoudiocounferensi, è s’eu riunìa la Junta Coumunal ënt ël përsounë ëd li Znhour: 

  

Conhoum é Noum

Carica

Pr.

As.

GARBANO Mauro

President

Prezent

MOLETTO Paolo

Viche Sindic

Prezent

GENINATTI Lorenzo

Assessoùr

Prezent

Toutal Prezent    3, Asent    0

Ou asistët a l’adounënsi lou Segretari Coumunal BOSSA Dott. Matteo, cou fait la redasioun doou present verbal.

Daou moumënt que ou i ëst legal lou numër ëd lh’ëntervinù, lou Znhour GARBANO Mauro, ënt la soua quëlità ëd President, ou asumët la presidensi é ou diquiarët douerta la seduta për la tratasioun ëd l’ouget dzeuri ëndicà. 

Viuva l’Ordinënsi doou Cap doou Dipartimënt ëd la proutesioun chivil n. 30/03/2020 recant “oulterioù intervent urgent ëd proutesioun chivil ën relasioun a l’emergensi relativa aou risquio sënitari coulegà a l’ënsourgensi ëd patoulougìë derivant da agent viral trazmisibil”.

Piìa at que: 

1) a stou Coumun ou sount istaië asenhìë ël segoutë soumë:

  • Couota a) € 2.402,00 
  • Couota b) € 393,00 
  • Toutal countribut spetant € 2.795,00 

2) Stë soumë ou sount istaië ouget ëd n’apozita deliberasioun urgent ëd vëriasioun ëd bilancho adoutaia ën data oudierna a to lou n. 9 é ou vont destinaië ën maneri urgent é tempestivë, parei ‘me dispost da l’ërt. 1 ëd la soudeta ourdinënsi: “a mëzurë urgent ëd soulidarità alimentar”.

3) Lh’ufisi coumunal ou i ont piìa countat avè lh’ouperatoù coumerchal prezent soou teritori Coumunal aou fin ëd definì ël moudalità për achetà li boun dë speiza soutouscrit daou Sindic a segouit ou dounerount a li sitëdin li bin ëd pruma nechesità fazënt poi fatura a l’aministrasioun coumunala. L’elenc ëd lh’ouperatoù coumerchal cou i ont aderì a la soulidarietà alimentar ou i ëst publica soou sito istitusiounal doou Coumun d’Ala. 

4) Tui’ li sitëdin cou creiount d’avé titoul ën bazë a seun cou t’istà dispost da l’ër 2, comma 6 ëd l’ourdinënsi, qu’è dispount:

L’Ufisi ëd li servisi souchal ëd onhi Coumun ou individouont la platea ëd li benefichari é lou relatìou countribut tra li nouclei familiar più espost a lh’efet ecounomic derivà da l’emergensi epidemioulogica da virous Covid-19 é tra si cou sount ën stat ëd nechesità, për soudisfà li bëzounh più urgent é esensial a to priouritò për si cou sount nhint asenhatari ëd soustenh public.

ou deuvount fa apozita istënsi a to aouchertificasioun/diquiarasioun sustitutiva su la soua coundisioun ecounomica é souchal; 

Viù “l’avis public për la distribusioun ëd rizoueursë urgentë ëd soulidarietà alimentar, a segouit ëd l’emergensi sënitaria [ALEGÀ 1], coumprensìou ëd lë squema d’istënsi për estri achetà a sittë mëzurë;

Viù li pareri favourevoul ën ourdin a la regoularità aministrativa é countabil, esprimua daou respounsabil dla pouzisioun ourganizativa ëd l’area aministrativa é countabil, a li sens ëd l’ërt. 49 doou decret legizlatìou 18 oust 2000 n. 267; 

A to vout unanimë

OU DELIBERËT

1) d’achertà la segouent entraia disposta a to l’Ourdinënsi daou Cap doou Dipartimënt ëd la proutesioun chivil n. 658 del 30/03/2020 é adegouatamënt countabilizaia a to apozita vëriasioun ëd bilancho adoutaia ën data d’ëncui a to verbal ëd G.C.  n.14: 

  • Couota a) € 2.402,00 
  • Couota b) € 393,00 
  • Toutal countribut spetant € 2.795,00 

2) d’aoutourizà lou respounsabil doou servisi finënsiari a ëmpenhì për seun cou  t’ista previst da l’ouridnënsi ën ouget l’ëntieuri souma qu’è t’istaia achertaia l’intraia ënt li pount precedent é ëd prouvedri a la soua speiza atravers ël segouentë istrusioun:

Lh’Ufisi Coumunal ën coulabourasioun avè li servisi souchal, a segouit ëd n’apozita istënsi é rapida istrutoria ou dounount a ‘l famìë cou n’ont lou titoul ëd boun dë speiza mensil fin a li 30/04/2020, o fin a can ël soumë trësferìë ou srount dispounibil secoundou sta tabela:

  •   € 80,00 për ël famìë a to ën soul coumpounent
  • € 120,00 për ël famìë fin a 2 coumpounent 
  • € 160,00 për ël famìë fin a 3 coumpounent 
  • € 200,00 për ël famìë ëd 4 coumpounent o più

Lh’import doou pount prechedent ou poueuriont avé ëd vëriasioun cou dipendount daou numër é da la tipoulougìa ëd l’ërquiestë aruvaië ënt ‘oou fraten.

Ël famìë ou peuvount spëndri sti boun meuc për chëtà proudot alimentar o gener ëd pruma nechessità, ënt lh’ezerchisi coumerchal cou i ont aderì a l’ërquiesta ëd lh’ufisi coumunal, publicà soou sito istitusiounal doou Coumun d’Ala.

Tui’ li meis sti ezerchisi coumerchal ou font a caric doou Coumun ‘na fatura eletronica coumoulativa a to lou dettai ëd lë choze chëtaië a to onhi boun;

Ënt la gestioun ëd lë rizoueursë è vint poi dounaia priourità a li nouclei ëd famìë nhint asenhatarië ëd soustenh public (Rdc, Rei, Naspi, ëndenità ëd moubilità, casa ëntegrasioun gouadanh, aoutrë foueurmë ëd soustenh previstë a livel loucal o rejounal)

3) Tui’ li sitëdin cou pensount d’avé titoul ën bazë seun cou t’istà dispost da l’ërt 2 comma 6 ëd l’ouridnënsi ou deuvount prezentà apozita istënsi a to aoutochertificasioun/diquiarasioun soustitutiva su la soua coundisioun ecounomica é souchal; l’ufisi ou fait poi ‘na rapida istrutoria fazent poi lou prouvedimënt final d’empenh su la bazë ëd lë linee gouida ën fazë d’emanasioun ëd lh’ourgan souperiour;

4) Ou t’istà aprouvà “L’avis public për la distribusioun ëd rizoueursë urgent ëd soulidarietà alimentar, a segouit ëd l’emergensi sënitaria[ALEGÀ 1], COUMPRENSÍOU ëd lë squema d’istënsi për estri achetà a stë mëzurë é, apeina la prezent deliberasioun è sreu ezecoutìa, li servisi souchal coumunal ou sount aoutourizà a la soua emanasioun é a achetà ël souë relativë istënsë;  

5) Ëd diquiarà ëd co, a to separaia é ounanimë voutasioun favourevoula espresa ën foueurma palezë é për aousìa ëd meun, ezit achertà é prouclamà daou Sindic President, lou prezent prouvedimënt imediatamënt ezegouibil a li sens doou 4° coma ëd l’ërticoul 134 doou Decret Legizlatìou 18/08/2000, n. 267. 

Viù, ou s’ dounët PARERE favourevoul ën ourdin a la Regoularità countabil a li sens ëd l’ërt. 49 doou D.Lgs. 267 doou 18 oust 2000. 

Data: 03-04-2020

Lou Respounsabil doou Servisi

F.to  Ezio SARDANAPOLI

Lezù, confermà é soutouscrit

LOU PRESIDENT

Firmà digitalmënt

Lou Segretari Coumunal

Firmà digitalmënt

Mauro GARBANO

Dott. Matteo BOSSA

CHERTIFICÀ ËD PUBLICASIOUN

La prezent deliberasioun è vint publicaia a l’Albo Pretorio doou Coumun për 15 dì counsecoutiou parei ‘më prescrit da l’ërt 124, coma 1, doou D. Lgs. n. 267/2000.

A to decourensi daou

Ala, lì,           

 Lou Respounsabil ëd lë Publicasioun

F.to  Rosaria IMPAGNATIELLO

Copia counfoueurmë a l’ouriginal për utilizi aministratìou.

Ala, lì,           

Lou Respounsabil ëd lë Publicasioun

 Rosaria IMPAGNATIELLO

È t’istaia meundaia ën elenc a to lou proutoucol n. ën data a li Capigrouppo counsilhar (ërt. 125 doou D. Lgs. n. 267/2000)

DIQUIARASIOUN D’EZECUTIVITÀ

LA PREZENT DELIBERASIOUN È I ËST DIVENTAIA EZECUTIVA LOU DÍ 03-04-2020

  • θ ërt. 134, coma 4, për diquiarasioun d’imediata ezegouibilità.

Ala, lì           

Lou Respounsabil ëd lë Publicasioun

F.to  Rosaria IMPAGNATIELLO