COUMUN ËD TRAVË

SITÀ METROPOULITANA ËD TURIN 

 VERBAL ËD DELIBERASIOUN

ËD LA JUNTA COUMUNAL N. 21

OUGET: VËRIASIOUN DOOU BILËNSI ËD PREVIZIOUN 2019/2020 A LI SENS ËD L’ËRT. 1 COMMA 3 ËD L’OPC N 658 DOOU 29/03/2020 PËR L’ATOUASIOUN ËD LË MËZURË URGENTË ËD SOULIDARIETÀ ALIMENTAR NECHESARIË PËR LH’EFET ËD L’ EMERGENSI EPIDEMIOULOGICA DA CORONA VIROUS. 

L'an duimilaevint a li trëntun doou meis ëd mars a ërz’eure 13.00.

Ërchamà lou Decret Sindacal n. 1 doou 31/03/2020 cou dishiplinët lou funsiounameunt ëd la Junta Coumunal ën moudalità telematica.

Ënt ‘na sala doou Palas Coumunalm atravers coulegameunt telematic ën remoto, è s’eu rinìa la Junta Coumunal, a to preventiva ouservasioun ëd toutë ël fourmalità prescritë da la vigent legë.

A l’apel ou rizultount:

È partechipër a l’adunënsi lou sout scrit Segretari Coumunal BLENCIO Doutourëssi Nicoletta, qu’è fait la redasioun doou present verbal.

Daou moumënt cou i ëst legal lou numër ëd lh’intervinù, lou Znh. CAGLIERO Mario -Sindic, ou piët la presidensi é ou diquiarët duerta la seduta për la tratasioun ëd l’ouget dzeuri ëndicà. 

LA JUNTA COUMUNAL

Viuva la deliberasioun doou Counseulh ëd li Ministri doou 31.01.2020 eundoua ou t’istà diquiarìa lë stat d’emergensi soou teritori nësiounal për lou risquio sënitari coulegà a l’ënsourgensi ëd pëtoulougìë derivant da agent viral trëzmisibil;

Viù lou decret legë doou 23 frè 2020 n. 6, counvertì ën legë a li 5 ëd mars 2020 n. 13, a to “mëzure urgent ën materia ëd countenimeunt é gestioun ëd l’emergensi epidemioulogìca da COVID-19”;

Viù li Decret legë:

-2 ëd mars 2020 n.9

-8 ëd mars 2020 n. 11

-17 mars 2020 n 18

- 25 ëd mars 2020 n 19

Viù li decret doou President doou Counseulh ëd li Ministri n. 4, 8, 9, 11 è 22 ëd mars 2020, d’atouasioun doou nouminà decret legë doou 23 frè 2020 n. 6, counvertì a to la legë 5 mars 2020 n.13;

Dounà at quë a to ourdinënsi n.658 doou 29 mars 2020, lou Capo doou Dipartimënt ëd la Proutesioun Chivil ou i eu ravizà la nechesità ëd sustinì li Coumun ënteresà da l’emergensi epidemioulogica atravers n’increment doou found ëd soulidarietà coumunal, destinaneunlou a lë scopo d’adoutà mëzurë urgentë ëd countrast a l’emergensi alimentar;

Riscountrà quë ël nouminaië rizoueursë a fëvour doou coumun ëd Travë ou amountount a € 3.110,90 é rilevaia la nechesità ëd prouvedri urgentemeunt a l’acouizisioun ëd boun dë speiza a favour ëd nouclei fëmiliar quë a caouza ëd la crizi nësiounal epidemioulogica ou s’ treuvoun ën sitouasioun d’emergensi alimentar, parei ‘më prouspetà da la nouminaia ourdinënsi doou Capo dipartimeunt ëd la Proutesioun Chivil n. 658 doou 29 mars 2020;

Counsiderà quë për euncaminà ël prouchedurë dë speiza ou rizuletët nechesari aproutà aou bilënsi ëd previzioun ël nechesarië vëriasioun ënt la part intrada é ënt la part speiza;

Dounà at quë lou Coumun ëd Travë ou i eu euncoù nhint aprouvà lou bilënsi ëd previzioun finënsiari për lou trienio 2020/2022 daou moumeunt cou i ëst nhint pousibil counvoucà lou Counseulh a caouza ëd la coundisioun d’emergensi epidemioulogica é l’ëmpousibilità a fa la seduta doou Counseulh Coumunal , daou moumeunt quë lou Coumun ëd Travë ou i eu nhint lhë strumeunt ënfourmatic nechesari;

Dounà ëd co at quë:

La Junta Coumunal a to soua propria deliberasioun n. 8 doou 14/02/2020 ou i eu aprouvà lë squema ëd bilënsi ëd previzioun për l’eserchisi 2020;

Ën data 17/02/2020 lë squema ëd bilënsi ou t’istà depouzità për la vizioun a li Counsilhé Coumunal;

Për seun ënt ël morë d’aprouvasioun doou bilënsi è s’ prouchedët a to l’ezerchisi prouvizori ëd l’ërt.163 doou TUEL, druant l’aoutourizasioun për seun counchesa da l’ërt. 107 doou DLgs. 18/2020 cou i eu prourougà li termini d’aprouvasioun doou bilënsi aou 31 ëd mai 2020;

Ërtinù ëd douè apourtà ël vëriasioun aou bilënsi 2019/2021, ezerchisi 2020, cou coustitueit lou bilënsi gestiounal ën l’ezerchisi prouvizori, parei ‘më  ërpourtà ënt l’alegà prouspet A);

Viù l’ërt. 1, comma 3 ëd l’ërchamaia ourdineunsi ëd proutesioun chivil, cou dispount “ën cazou d’ezerchisi prouvizori, për druvà ël rizoueursë doou comma 1 ou sount aoutourizaië vëriasioun aou bilënsi a to delibera ëd Junta”;

Ërtinù ëd co quë la dispouzisioun emergensial ën deroga a l’ourdinari aset ëd coumpetensi ën material ëd vëriasioun ëd bilënsi, è atribueit për l’utilizasioun ëd lë rizoueursë ën ezam a l’ourganizm ezecutìou coulejal ‘na spechal coumpetensi a vërià lou bileunsi ëd previzioun aou par. 8.4 doou prinsipi countabil aplicà a la coumpetensi finënsiaria 4/2 për “ërz’aoutri intervent ëd greunda urgensi” diferent da li travai, a seullë ëd l’ërt. 175 comma 5 bis doou TUEL;

Pìa at quë a li sens ëd l’ërt. 175 comma 4 doou D.Lgs 267/2000 é smi la Junta Coumunal ou peut adoutà vëriasioun ëd bilënsi, salvo rëtifica, a peina ëd decadensi, da part ëd l’ourganzim counsiliar entro li sesanta dì segouent é coumouncouë entro li 31 ëd gëzembër ëd l’an ën coueurs sé a talë data ou i ëst euncoù nhinsquëdù lou geù nouminà terminë;

Rilevà cou t’istà predispost, ëd co, lou prouspet previst ënt l’alegà n. 8/1 ëd l’ërt. 10, comma 4 doou D.Lgs 23.06.2011, n 118 é smi alegà a la present vëriasioun ëd bilënsi, ërpourtant li dati d’enters doou Tezourié;

Viù lou D.Lgs 18.08.2000 n. 267 é smi;

Viù lou vigent Regoulameunt ëd Countabilità;

Acouizì a lh’at l’atestasioun su la regoularità tennica é countabil doou Respounsabil doou Servisi a li sens ëd l’ërt. 49 doou D.Lgs 18.8.200 n. 267;

A unanimità ëd vout favourevoul dounà ënd foeueurma palezë

OU DELIBERËT

d’apourtà aou bilënsi ëd previzioun gestiounal 2019/2020, a valerë su lhë stënsiameunt ëd previzioun ëd la part intrada é ëd la part speiza ëd l’ezerchisi 2020, ël vëriasioun ën terminiëd coumpetensi, aoutourizant da l’ourdinëndi doou Capo ëd la Proutesioun Chivil n. 658 doou 29.03.2020, coumë da alegà a la prezent për fanë part integrant é soustënsial ;

ëd dounà at quë ël vëriasioun apourtaië ou moudificount nhint lou parejou doou bilënsi é tui’ lh’ecouilibri é vincoul stëbilì për legë;

ëd diquiarì la prezent deliberasioun imediatameunt ezegouibil a li sens ëd l’ërt. 12, comma 2, ëd la L.R. 44/1991 për dounà atouasioun a lë mëzurë urgentë ëd soulidarietà alimentar;

Ëd soutoupounri lou prezent prouvedimeunt a ratifica Counsilhar a li sens ëd l’ërt. 42, comma 4, doou D.Lgs. 18.08.2000 n. 267 é smi;

Ën più a to suchesiva voutasioun  unanimë é favourevoul, dunaia ën foueurma palezë, ën counfourmità al linee gouida ëd la deliberasioun n. 26 doou 17.03.2020, ou deliberët ëd diquiarì lou prezent at imediatameunt ezegouibil a li sens ëd l’ërt. 134, comma 4, doou Decret Legizlatìou 18/08/2000, n. 267 é smi.

Lezù, confermà é soutouscrit