COUMUN ËD LEMIË

SITÀ METROPOULITANA ËD TURIN 

 VERBAL ËD DELIBERASIOUN

ËD LA JUNTA COUMUNAL N. 18

OUGET: COUNCHESIOUN COUNTRIBUT A L’ASOUCHASIOUN NËSIOUNAL ËLPIN SESIOUN ËD TURIN - GROUPPO LEMIË

L'an duimilaevint a li trai doou meis ëd mars a rz’eure catorzë é caranta minutë ën la solita steunsia ëd lë adouneunsë, a to preventiva ouservasioun ëd toutë ël fourmalità prescritë da la vigent nourmativa, ou sount istà për euncui counvouncà li coumpouneunt ëd ‘sta Junta Coumunal ënt ël përsounë ëd li Znhour:

A to l’intervent é l’opera doou Segretari Coumunal DI MONTE Petrantonio, cou fait la redasioun doou present verbal.

Daou moumënt cou i ëst legal lou numër ëd lh’intervinù, LISA Giacomo, ou piët la presidensi é ou diquiarët duerta la seduta për la tratasioun ëd l’ouget dzeuri ëndicà. 

OUGET: COUNCHESIOUN COUNTRIBUT A L’ASOUCHASIOUN NËSIOUNAL ËLPIN SESIOUN ËD TURIN - GROUPPO LEMIË

LA JUNTA COUMUNAL

PREMES:

quë da ten ënt l’Asouchasioun Nësiounal Ëlpin sesioun ëd Turino u t’istà coustituì lou Grouppo ëd Lemië;

quë sitta Asouchasioun ou raprezentët ën pount ëd riferimeunt për l’emergensi, për dounà vita a inisiatìvë ëd soulidarietà chivil é ëd proutesioun chivil, ën oucazioun ëd grosë é quitivë quëlëmità, ënt ‘oou përtechipà a mënifestasioun publiquë, butà eunsèmbiou fount da destinà a istitut o enti d’asistensi é istitusion loucal;

VIUVA la doucumentasioun prezentaia da la nouminaia Asouchasioun, cou veut outinì ën countribut ecounomic a soustënh ëd lë speizë derivant da l’atività faita soou teritori coumunal;

VIÙ lou regoulameunt për la counchesioun ëd souvensioun, countribut, susidi é ajut finënsiari é për l’atribusioun ëd vëntajou ecounomic aprouvà a to deliberasioun doou Counseulh Coumunal n.11/92 é ën përticoular l’ërt. 12 cou dit “Lh’ëntervent ëd couëlsiasi natura cou coumportount l’atribusioun ëd benefisi fineunsiari e/o vëntajoun ecounomic ou dëvount estri ënfourmà aou prinsipi ëd lë zvilup ecounomic é souchal ëd la coumunità aministraia é ëd la vëlourizasioun doou teritori”;

RITENÙ, ën counsiderasioun ëd seun cou t’istà fin eisì raprezentà, d’achetà l’istënsi dzëri ërchamaia daou moumeunt qu’è i ëst coumpatibil a to ël finalità é li recouiziti ëndicà ënt ‘oou regoulameunt coumunal dzëri nouminà, douneunt a lou Grouppo Ëlpin ëd Lemië ën countribut ecounomic ëd 800,00 eouro;

RITENÙ quë lou prouvedimeunt ou rientrët nhint ënt li limiti é ënt li divieti introudot da l’ërt. 6, comma 9° doou D.L. 78/2010, coumë counvertì ën legë 122/2010 për seun cou riguardët ërzë speizë për spounsourizasioun da part ëd lë publiquë aministrasioun.

VIÙ lou bilënsi ëd previzioun për lou courent ezerchisi finënsiari é rilevà quë ou sount istaië previstë oupourtunë rizoueursë da destinà a la counchesioun doou countribut ëd coui la prezent deliberasioun;

 ACOUIZÍ li parerë favourevoul ën ourdin a la regoularità tennica, espres daou respounsabil ëd la pouzisioun ourganizativa ëd l’area aministrativa, a li sens ëd l’ërt. 49, prum comma, doou decret legizlatìou 18 oust 2000, n.267.

A L’UNANIMITÀ ëd vout favourevoul espres ën foueurma palezë, ezit acertà é prouclamà daoou Sindic President;

OU DELIBERËT

D’ËRCHAMA é aprouvà seun cou t’istà espost ënt la part narativa coume part ëntegrant é soustënsial doou prezent prouvedimeunt;

D’ACHETÀ la riquiësta ëd countribut ecounomic prezentaia da l’Asouchasioun Ëlpin Grouppo ëd Lemië për sustinì part ëd lë speizë derivant da lë zvoulgimeunt d’atività ën favour ëd la poupoulasioun é doou teritori ëd Lemië, aoutourizant la counchesioun ëd ‘na souvensioun d’eouro 800,00cou sront licouidà a la fin ëd lë atività, su prezentasioun doou documeuntà rendicount, parei ‘më previst ënt ‘oou regoulameunt coumunt nouminà ën premëssi;

ËD DOUNÀ AT quë lou Respounsabil doou servisi finënsiari ou prouvedë a la councreta erougasioun doou countribur ën argoumeunt é arz’aoutri adempimeunt counsegouent aou prezent at ënt ‘oou rispet ëd li compiti gestiounal a lou medem atribuì ex. ërt. 107 doou decret legizlatìou 267/2000

SUCHESIVAMEUNT, a to separaia é unanimë voutasioun favourevoul, dounaia ën foueurma palezë për aousìa ëd meun, ezit achertà é prouclamà daou Sindic President

OU DELIBERËT

ËD DIQUIARÍ  la prezent DELIBERASIOUN imediatameunt ezegouibil a li sens ëd l’ërt. 134, comma 4, doou D.Lgs., 18 oust 2000, n. 267 é ss. mm. ii.

Lezù, confermà é soutouscrit

È i ëst copia counfoueurm a l’ouriginal, ën carta semplichë, për utilis aministratìou.

A li,………….