COUMUN ËD LEMIË

SITÀ METROPOULITANA ËD TURIN 

 VERBAL ËD DELIBERASIOUN

ËD LA JUNTA COUMUNAL N. 17

OUGET: COUNCHESIOUN DOOU “PATROCINIO GRATUITO” PËR LA MËNIFESTASIOUN «VALLIADI» - ËRZ’OULIPIADI ËD LË AOUTË VALADË ËD LEUN

L'an duimilaevint a li trai doou meis ëd mars a rz’eure catorzë é caranta minutë ën la solita steunsia ëd lë adouneunsë, a to preventiva ouservasioun ëd toutë ël fourmalità prescritë da la vigent nourmativa, ou sount istà për euncui counvouncà li coumpouneunt ëd ‘sta Junta Coumunal ënt ël përsounë ëd li Znhour:

A to l’intervent é l’opera doou Segretari Coumunal DI MONTE Petrantonio, cou fait la redasioun doou present verbal.

Daou moumënt cou i ëst legal lou numër ëd lh’intervinù, LISA Giacomo, ou piët la presidensi é ou diquiarët duerta la seduta për la tratasioun ëd l’ouget dzeuri ëndicà. 

OUGET: COUNCHESIOUN DOOU “PATROCINIO GRATUITO” PËR LA MËNIFESTASIOUN «VALLIADI» - ËRZ’OULIMPIADI ËD LË AOUTË VALADË ËD LEUN

LA JUNTA COUMUNAL

Viùva l’ërquiesta aveunsaia da la Znhoura Graneri Francesca, ën couelità ëd President doou Coumità Ourganizatoù ëd lë «Oulimpiadi ëd lë Valadë ëd Leun», për outinì lou “patrocinio gratuito”a to l’utilis ëd la marca coumunal, për l’ourganizasioù ëd ‘na serië d’ativià spourtivë cou s’ tinhount ënt ërzë struturë soou teritori é quë veiount garegì lh’atlet raprezentant onhun la soua Pro Loco o teritori;

Rilevà quë st’event spourtìou chamà «Valliadi» ou veit garegì 12 scadrë d’atlet ën 17 dishsiplinë. Ërz’atività ou s’tinhount ënt ‘oou teritori ëd lë aoutë Valadë ëd Leun ëndoua ou s’ treuvount li 12 coumun cou font part ëd l’Istitut Coumprensìou loucal. Lh’oubietìou princhipal ëd ‘sta manifestasioun ou sount ëd creà mouvimeunt ënt ‘oou teritori counsiderà, sfrutà é fa counhuistri ërzë struturë prezent a si cou vinhount da fora, fà ‘na retë ëd lìam tra asouchasioun é coumun për ‘na fecounda prougetoualità coundiviza é proumouvri lou teritori, ël trëdisioun, li apizajou, li proudot tipic, la storia é la bleussi ëd li post;

Dounà at quë ënt lh’an 2018 é 2019, lou Coumun ëd Lemië ou i eu dounà lou “patrocinio gratuito” për ël relativë mënifestasioun;

Ritenù, ëd co për l’an 2020, d’achetà la geu nouminaia isteunsi, për la counchesioun ëd “patrocinio gratuito”, ën courelasioun doou vëlour spourtìou/naturalistic ëd l’inisiativa;

Dounà at quë për la prezent deliberasioun ou t’istà nhint rilasìa lou parerë ëd regoularità countabil ex. ërt. 49 doou decret legizlatìou 18 oust 2000, 267 é s.m.i, daou moumeunt quë la medema ou coumportët nhin rifles diret o indiret su la sitouasioun ecounomic-finënsiaria o soou pëtrimoni ëd l’Entë;

Viù lou parerë favourevoul ën ourdin a la regoularità tennica, espres daou respounsabil ëd la pouzisioun ourganizativa ëd l’area aministrativa, a li sens ëd l’ërt. 49, prum comma, doou decret legizlatìou 18 oust 2000, n.267.

A L’UNANIMITÀ ëd vout favourevoul espres ën foueurma palezë, ezit acertà é prouclamà daoou Sindic President;

OU DELIBERËT

Ëd dounà at quë ël premëssë ou coustitouesount part ëntegrant é soustënsial doou prezent prouvedimeunt;

D’ACOURDÀ, për seun ëndicà ën premëssi, aou Coumità Ourganizatoù ëd lë Oulimpiadi ëd lë Valadë ënt la përsouna ëd lou soun President znhoura GRANERI Francesca, lou “patrocinio gratuito” a to l’utilis dla marca coumunal, për l’ourganizasioun ëd la mënifestasion chamaia «Valliadi», coumë mieui spechificà ën narativa ;

ËD DIQUIARÍ lou prezent at imediatameunt ezegouibil, a to souchesiva voutasioun unanimë favourevoul, a li sens ëd l’ërt. 134, doou D.Lgs, 267/2000

Lezù, confermà é soutouscrit

È i ëst copia counfoueurm a l’ouriginal, ën carta semplichë, për utilis aministratìou.

A li,………….