COUMUN ËD GROUSCAVAL

SITÀ METROPOULITANA ËD TURIN 

 VERBAL ËD DELIBERASIOUN

DOU COUNSEULH COUMUNAL N. 8

OUGET: RELASIOUN DOOU SINDIC SU LA SITOUASIOUN DOOU COUNTAG COVID 19 ËNT ‘OOU COUMUN ËD GROUSCAVAL É PROUVEDIMEUNT ADOUTÀ É DISCUSIOUN A PROUPOZIT.

L'an duimilaevint a li quinzë doou meis d’avril a rz’eure vintun é des minutë ën video counferensi, ou t’istà counvouncà daou Sindic a to ël prescritë foueurmë ëd legë, ën sesioun Straourdinaria é ën seduta seraia aou public ëd pruma counvoucasioun, lou Counseulh Coumunal ënt ël përsounë ëd li Znhour:

A to l’intervent é l’opera doou Segretari Coumunal CATELLA Dott.si Laura Donata.

qu’è fait la redasioun doou present verbal.

Daou moumënt cou i ëst legal lou numër ëd lh’intervinù, lou Znhour Giacomelli Giuseppe, ënt la soua couëlità ëd Sindic, ou piët la presidensi é ou diquiarët duerta la seduta për la tratasioun ëd l’ouget dzeuri ëndicà. 

OUGET: RELASIOUN DOOU SINDIC SU LA SITOUASIOUN DOOU COUNTAG COVID 19 ËNT ‘OOU COUMUN ËD GROUSCAVAL É PROUVEDIMEUNT ADOUTÀ É DISCUSIOUN A PROUPOZIT.

Lou Sindic ou ilustrët li prouvedimeunt cou sount istà adoutà a proupozit ëd l’emergensi Covid 19 relatìva ou risquio sënitari coulegà al’ënsourgensi ëd patoulougìë derivant da agent viral trëzmisibil:

A li 29 frè 2020 è s’eu tinua una pruma riunioun a Leun eunsebiou a li Sindic ëd la dzona, Assesour Proutesioun Chivil për la duertura doou C.O.M. (Chentro Ouperatìou Mist): can cou vint coumunicà ën cazou ëd pouzitività li Coumun ou deuvount duertà lou C.O.C. (Chentro Operatìou Coumunal) ;

A li 19 ëd mars 2020 lou Coumun ou i eu richevù l’ourdineunsi ëd coumunicasioun d’ën cazou ëd pouzitività ënt ‘oou Coumun d’Ala é për seun ou t’istà duërtà lou C.O.C. a to ouridënsi sindacal n.3 doou 19 mars 2020;

A li 22 mars 2020 ou s’eu savù ëd la seraia për ferië ëd l’unica boutega dla carn doou teritori, couindi li sitëdin ou sount istà aoutourizà ad alà ënt ‘oou Coumun ëd Chëlëbert për chëtà la carn;

A li 28 ëd mars 2020 ou s’eu savù, ën foueurma ufichouzadoou countac doou mëzlé;

A li 28 ëd mars2020 ou sount istaië faitë diversë telefounà për avè counferma ëd la noutisia, ën maneri da poué prouchedri a la riquiesta ëd sënificasioun doou loucal é a la coumunicasioun a li sitëdin : telefounà aou Servisi d’Igiene, a l’Ouspidal ëd Siriai, aou Coumun ëd Siriai.

A li 28 ëd mars 2020 daou moumeunt cou sount aruvàië ël counfermë, ou t’istà countatà diretameunt lë Znhour M.G., cou i eu counfermà lou countag;

A li 28 ëd mars la feumela ëd lë Znhour M é lë Znhour Lorenzo Albry (daou moumeunt cou i ëst lou prouprietari doou loucal), për chamà ëd prouchedri a la sënificasioun doou loucal medem;

Daou 28 ëd mars 2020 è t’istaia ativaia la proucedura ëd counsultasioun dati su la piataforma “Rejoun Piemount-Covid 19” për avè lou countro ëd li souget pozitìou eventoualmeunt prezent soou teritori Coumunal;

A li 3 d’avril 2020 ou t’istà fait ën decret sindacal për l’erougasioun ëd boun dë speiza për lou mingì é për gener ëd pruma nechesità, ën segouit a l’esenhasioun ëd countribut statal pari, për lou Coumun ëd Grouscaval, a € 1.107,02;

A li 3 d’avril 2020 è t’istaia faita la pruma distribusioun ëd mësquërinë a toutë ël famìë rezident é prezent ënt ‘oou Coumun –mësquërinë chëtaië da la dita Ballesiou ëd Turin, cou i eu guëreuntì ‘na fournidura imediata;

A li 3 d’avril 2020 è t’istaia gestìa n’emergensi relativa a la prezensi soou teritori ëd dui souget cou i avont nhint lou titoul për istà, dopou li countrol sou sount istà alountanà;

A li 7 d’avril 2020 ou sount istaië dounaië n. 550 mësquërinë chëtaië da l’Unioun Mountana Alp Graië;

A li 11 d’avril 2020 è t’istaia faita ‘na scounda distribusioun ëd mësquërinë al famìë: 50 ou sount istaië dounaië a l’Asouchasioun «Lou Sautaroc». Ënt la medema oucazioun ou sount istà dounà li boun dë speiza për gener alimentar. A proupozit ëd li boun dë speiza ou sount aruvaië 4 doumeundë, për ën toutal ëd 8 persounë. Për l’erougasioun ou sount istà counsiderà li coumpounent ëd li nouclei familia: eouro 100,00 për 1 coumpounent, eouro 200,00 për 2 coumpounent, eouro 250,00 për 3 coumpounent.

Ëd li 1.170,02 eouro richevù da lë Statou sount geu stà distribuì € 750,00. Li restant 350,02 ou restount a dispouzisioun për aoutre riquiestë o, ën asensi ëd sittë, ou srount ridistribuì tra si cou n’ont dirit.

Ou vinhount efetouà li countrol a to ël telecamerë ëd videosourvelhënsi për lh’aches, ëd co d’ëd noit é countro l coutidieun soou teritori da part ëd la Poulisia Loucal é ëd li Quërëbinié.

Ënt li dì 11-12 é 13 avril 2020, për ël festë ës Pasquë, ë segouit a li decret aoutourizatìou ëd li Sindic ëd Grouscaval é Serë, li dui agent ëd Poulisia Loucal ou i ont efetouà post ëd bloco é countrol ën valada, për ëmpedì aches nhint aoutourizà a tutela ëd la salutë publica.

A li 11 d’avril 2020 ën coulabourasioun avé lou Sindic ëd Serë é l’Unioun Mountana Alp Graië é l’adezioun ëd tenti quitì é medi Coumun ëd la dzona (oltrë Siriai è Borgaro) ou sount istaië prenoutaië n. 5000 mësquërinë. Sittë ou srount dounaië, l’unic coust da sustinì ou i ëst sel doou trasport. Daou moumeunt cou s’eu aruvà a la chifra ëd chirca 670.000 mësquërinë chamaië, lou coust ou sreuirizori (querqui chetezim).

Për lou Coumun ëd Grouscaval lou coust ëd 750 mësquërinë ou sreu  pagà da l’Unioun Mountana, lou resto daou Coumun.

Lou Viche Sindic Znhoura Cerutti Dafarra Maria Cristina è coumuniquët quë ou srount  rimëndaië toutë ël mënifestasioun ën prougrama për l’istà, për evità asembrameunt, daou moumeunt cou doun moutìou d’agregasioun.

Lou Capogrouppo ëd minoureunsi Znh. Santo Fabio ou ritint ëd meuntinì ‘na linea ferea ëd rispet ëd li decret cou limitount la moubilità ëd lë përsioune fin aou li 3 ëd mai 2020.

Pr seun ou t’istà fait lou prezent verbal.

È i ëst copia counfoueurm a l’ouriginal, ën carta semplichë, për utilis aministratìou.

A li,………….