franco-provenzale

  COUMUN ËD COUASEUL

SITÀ METROPOULITANA ËD TURIN TO

 VERBAL ËD DELIBERASIOUN

ËD LA JUNTA COUMUNAL N. 48

OUGET: VËRIASIOUN AOU PIEUN EZECOUTÍOU ËD GESTIOUN (PEG) 2020/2022 A SEGOUIT ËD VËRIËSIOUN ËD BILËNSI N. 8 PÍIA DAOU COUNSEULH COUMUNAL.

L'an duimilaevint a li catorzë doou meis ëd nouembër a rz’eure des é treuntasinc minutë ën via telematica é ën aoudiocounferensi, è s’eu riunìa la Junta Coumunal ënt ël përsounë ëd li Znhour:

Conhoum é Noum

Prezent

BONINO Guido - Sindic

BANCHE COLIN Franco - Assessoùr

Just.

MUSSO arch. Franco- Assessoùr

Toutal Prezent:

2

Toutal Asent:

1

 

Ou asistët a l’adounënsi lou Segretari Coumunal BOSSA Dott. Matteo, cou fait la redasioun doou present verbal.

Lou President, Sindic BONINO Guido, ërcounhësùa legal l’adounënsi, ou diquiarët duerta la seduta.

OUGET: Vëriasioun aou pieun ezecoutíou ëd gestioun (PEG) 2020/2022 a segouit ëd vëriësioun ëd bilënsi n. 8 píia daou Counseulh Coumunal.

LA JUNTA COUMUNAL

PREMES quë daou 01.01.2015 è t’intraia ën vigour la neuva countabilità ërmounizaia doou D.Lgs. 23 junh 2011 n. 118, ëntegrà é moudificà daou D.Lgs, 10 oust 2014 n. 126 ;

ËRCHAMÀ l’ërt. 11 doou D.Lgs 118/2011, parei ‘më moudificà é ëntegrà daou D.Lgs. 126/2014, é ën përticoular lou comma 14 cou prevët quë a përtì daou 2016, lh’Enti ëd l’ërt. 2 ou daotount lhë squemi ëd bilënsi previst daou comma 1 cou i ont vëlour juridic a tui’ lh’efet, ëd co ën riferimeunt a la funsioun aoutorizatoria.

VIUVÉ:

La deliberasioun n. 42 doou 14/12/2019 ëndoua lou Counseulh Coumunal ou aprouvavët lou Documeunt Unic ëd Prougramasioun Semplificà ;

La deliberasioun ëd Counseulh Coumunal n. 43 doou 14/12/2019 ëndoua ou s’aprouvavët lou bilënsi për lou triennio 2019/2021 é realtìou alegà é souchesivë moudefiquë é integrasioun;

VIUVA la soua prechedent deliberasioun n. 70 doou 14/12/2019 – ezecoutìa – qu’è aprouvavët lou Pieun Ezecoutìou ëd Gestioun për lou triennio 2020/2022 é souchesivë moudifiquë é integrasioun;

PÍIA AT quë a li sens ëd l’ërt. 175 comma 5/bis 5/ter doou D.Lgs. 267/2000, parei ‘më moudificà daoou DLgs. 118/11, scount ël moudifiquë pourtaië daou D.Lgs. 126 doou 10.08.2000 ou spetount a la Junta Coumunal:

«5 bis. L’ourganizm ezecoutìou a to prouvedimeunt aministratìou ou aprouvët ël vëriasioun doou pieun ezecoutìou ëd gestioun, salvo seullë doou comma 5 couater é ël segouentë vëriësioun doou bilënsi ëd previzioun cou i ont nhint natura discresiounal, cou s’counfigourount coumë semplichement aplicativë ëd lë dechizioun doou Counseulh, për onhidun ëd lh’ezerchisi counsiderà ënt ‘oou bilënsi:

Vëriasioun rigouardant l’utilis ëd la couota vincoulaia é acantounaia doou rizultà d’aministrasioun ënt ‘oou coueurs ëd l’ezerchisi prouvizori counsistent ënt la sola reiscrisioun d’ecounoumië dë speiza derivant da stënsiameunt ëd bilënsi ëd l’ezerchisi prechedent courispoundent a intraië vincoulaië, scount ël moudalità previvë da l’ërt. 187, comma 3-couincouies;

Vëriasioun coumpensativë tra ël doutasioun ëd lë misioun é ëd li prougram rigouardant l’utilis ëd rizoueursë coumunitarië é vincoulaië, ënt ‘oou rispet ëd lë finalità ëd la speiza definìa ënt ‘oou prouvedimeunt d’asenhasioun ëd lë rizoueursë o can quë ël vëriasioun ou sount nechesarië për l’atouasioun d’intervent previst da ënteizë istitusiounal ëd prougrama o da aoutri strumeunt ëd prougramasioun engousiaia, geu deliberà daou Counseulh;

Vëriasioun coumpensativë tra ël doutasioun ëd lë misioun é ëd li prougrama limitatameunt arzë speizë për lou persounal, counsegouent a prouvedimeunt ëd trësferimeunt doou persounal a l’intern ëd l’Entë ;

Vëriasioun rigouardant lou found pluriennal vincoulà ëd l’ërt. 3, comma 5 doou decret legizlatìou 23 junh2011, n. 118 efetouà entro li termini d’aprouvasioun doou rendicount ën deroga aou comma 3. (8)

5-ter. A to lou regoulameunt ëd countabilità è s’ disiplinount ël moudalità ëd coumunicasioun aou Counseulh ëd lë vëriasioun doou bilënsi doou comma 5-bis.

Ateis quë l’ërt. 175:

-c.5.couicouies é lou 9 ou dësounount quë: ël vëriasioun aou bilënsi ëd previzioun dispostë a to prouvedimeunt aministratìou, ënt li cazou previst daou prezent devret, é ël vëriasioun doou pieun ezecoutìou ëd gestioun ou peuvount nhint estri dispostë a to l’istes prouvedimeunt aministratìou.

-c.9 ël vëriasiouno aou pieun ezecoutìou ëd gestioun ëd l’ërt. 169 ou sount ëd coumpetensi ëd l’ourganizm ezecoutìou, salvo seullë previvë daou comma 5 couater, é ou peuvount estri douataië entro lou 15 geuzembër d’onhi an».

Ërchamaia la deliberasioun doou Counseulh Coumunal n. 23 doou 07/11/20020 ëndoua è t’istaia apourtaia l’outava vëriasioun aou bilënsi ëd previzioun 2020/2022 cou i eu ëd counsegouensi apourtà ël moudifiquë a li quëpitoul ëd PEG rizultant a l’alegà A)

RITENÙ couindi oupourtun vërià lou pieun ezecoutìou ëd gestioun ëd la deliberasioun ëd la Junta Coumunaln. 70 doou 14/12/2019 për lou trienio 2020/2022 ën segouit al vëriasioun ëndicaië ën premeussi, asenhant countestoualmeunt a li respounsabil d’Area ël neuvë rizoeueursë finënsiarië rizultant;

VIÙ lh’ërt. 169 é 175, comma 9 doou d.lgs n. 267/2000;

VIÙ lou vigent regoulameunt ëd countabilità; 

VIÙ parerë favourevoul a la regoularità tennica-aministrativa é countabil, espres da li respounsabil ëd la pouzisioun ourganizativa ëd l’area aministrativa é ëd l’area countabil, a li sens ëd l’ërt. 49 doou decret legizlatìou 18 oust 2000, n. 267;

A to voutasioun unanimë:

OU DELIBERËT

Për tui’ li moutìou ërchamà ënt la premëssi,

Ëd dounà at quë tou’ seun cou t’istà espost ën premëssi qu’è aisì è s’intent integralmeunt ërchamà é trëscrit;

Ëd vërià për ël moutivasioun espostë ënt la premëssilou pieun ëd gestioun (PEG) për lou triennio 2020/2022 a segouit ëd lë vëriasioun elencaië ën premëssi asenhant countempuraneameunt  a li respounsabil d’area ël neuvë rizoueursë finënsiariëëd coumpetensi é ëd casiarizultant é alegaië a la prezent deliberasioun (alegà a);

Ëd trëzmëttri copia doou prezent prouvendimeunt a li respounsabil d’area;

Ëd diquiarì, ëd co, a to separaia é unanimë voutasioun favourevoul dounaia ën foueurma paleze é për aousìa ëd meun, ezit achertà é prouclamà doou Sindic-President, lou prezent prouvedimeunt imediatameunt ezegouibil a li sens soou 4° comma ëd l’ërt. 134 doou Decret Legizlatìou 18/08/2000, n. 267

Lezù, counfermà é soutouscrit

LOU SINDIC                                                                                LOU SEGRETARI COUMUNAL

Firmà Digitalmeunt                                                                                  Firmà Digitalmeunt

f.to BONINO Guido                                                                          f.to Dr. Matteo BOSSA

Copia counfoueurm a l’ouriginal për utilis counsentì da la legë    

   

LOU SEGRETARI COUMUNAL

Firmà Digitalmeunt

f.to Dr. Matteo BOSSA