franco-provenzale

  COUMUN D’USEUI

SITÀ METROPOULITANA ËD TURIN 

 VERBAL ËD DELIBERASIOUN

ËD LA JUNTA COUMUNAL N. 31

 

OUGET: APROUVASIOUN COUNVENSIOUN PËR L’ATIVASIOUN ËD N’IMPIANT ËD COUMPOUSTAJOU COULETÍOU A TO LOU CISA ËD SIRIAI. 

L'an duimilaevint a li trai doou meis ëd mars a rz’eure quinzë é trënta minutë, ën la solita steunsia ëd lë riunioun.

A to preventiva ouservasioun ëd lë fourmalità prescritë da la vigent Legë Coumunal é Prouvinchal, ou sount istà për euncui counvouncà li coumpouneunt ëd ‘sta Junta Coumunal.

Ou sount prezent li Znhour:

Conhoum é Noum

Prezent

 GROSSO PIER MARIO- Sindic

VARALLI ALBERTO- Vichë Sindic

BONA GIUSEPPE – Assesour

Toutal Prezent:

3

Toutal Asent:

0

 

A to l’intervent é l’opera ëd lë Znh. DI MONTE Petrantonio, SEGRETARI COUMUNAL 

Lë Znh. GROSSO PIER MARIO, ën la soua quëlità ëd Sindic, ërcounhësù legal lou numër ëd lh’intervinù, ou piët la presidensi é ou diquiarët duerta la seduta për la tratasioun ëd l’ouget dzeuri ëndicà. 

OUGET: APROUVASIOUN COUNVENSIOUN PËR L’ATIVASIOUN ËD N’IMPIANT ËD COUMPOUSTAJOU COULETÍOU A TO LOU CISA ËD SIRIAI. 

LA JUNTA COUMUNAL

PREMES quë:

Lou Coumun d’Useui ou aministrët ën ecounoumìi la tarifa su l’ëmnis (TARI)

Lou Coumun d’Useui a to nota doou 03.03.2020 prot. 512 ou i eu dounà la soua adezioun a la realizasioun ëd l’impiant ëd coumpoustajou couletìou da instalà su area ëd dispounibilità coumunal ën Piasi Cesare Ferro Milone ;

Quë l’aoutocoumpoustajou ou deuout estri lou più pousibil ëncouragìa tra li sitëdin daou moumeunt cou përmëtët ëd pourtà via aou sistema public ëd racolta, trësport é tratameunt ‘na grosa frasioun mercheologica d’ëmnis urbana a to counsegouent benefisi ëmbiental daou moumeunt quë la frasioun ourganica ëd l’ëmnis è costitueit ën couëntitatìou voloumetric soustënsial, ënt l’opurdin doou 35-40% ëd l’ëmnis solida urbana é è i ëst ëd co la frasioun più proublematica da zmëltì é ënt eustou moumeunt ou sount nhint dispounibil piatafourmë ënt ël vizinënsë ;

Viù lë squema ëd counvensioun predispost daoou Counsorsi CISA ëd Siriai cou dishiplinët li raport é lh’ëmpenh vichendevoul tra lh’Enti ënteresà, fourmà da trai ërticoul, alegà a la prezent për faneun part ëntegrant é soustënsial;

Ërtinua la prezent counvensioun meritevoul d’aprouvasioun ën toutë ël souë part;

Acouizí lou parerë favourevoul espres daou respounsabil doou servisi finënsiari, ën ourdin a la regoularità tennica é countabil, a li sens ëd l’ërt. 49, doou decret legizlatìou n.267/2000;

Proucedù a voutasioun dounaia ën foueurma palezë për aousìa ëd meun a to lou segouent ezit achertà é prouclamà daou Sindic President

OU DELIBERËT

D’aprouvà lë squema ëd counvensioun për l’ativasioun ëd n’empiant ëd coumpoustajou couletìou për l’outent doou Coumun d’Useui su area ëd dispounibilità coumunal ën Piasi Cesare Ferro Milone, avé lou CISA ëd Siriai, fourmà da trai ërticoul, ënt ‘oou testo alegà a la prezent për faneunt part integrant é soustënsial;

Ëd dounà meundà aou Sindic, ën la couëlità ëd raprezentant ëd l’Aministrasioun Coumunal, ëd prouvedri a la stipula ëd la counvensioun eisì trataia;

Ëd dounà at quë ënt ‘oou bilënsi 2020/2022 ou sount istaië previouvë oupourtounë rizoueursë për frountegì ërzë speizë derivant da l’ativasioun doou prouget;

Ëd meundà copia ëd la prezent aou CISA për li souchesìou prouvedimeunt ëd coumpetensi;

Ëd diquiarì la prezent, tinù count ëd l’ourgensi, a to souchesiva voutasioun unanimë favourevoul imediatameunt ezegouibil a li sens ëd l’ërt. 134, comma 4, doou Decret Legizlatìou n. 267/2000.

Lezù, confermà é soutouscrit

 

È i ëst copia counfoueurm a l’ouriginal, ën carta semplichë, për utilis aministratìou

Useui, li 02/04/2020

LOU RESPOUNSABIL

ËD L’AREA AMINISTRATIVA

F.to OLIVA Silvia