Sian ista à la Santo Estello a Cano, lou journ de Pandecousto. E sian urous de i estre ana. Ero la Santo Estello dòu centcinquantenari de Mistral.

   1830, lou grand Frederi a agu l'astru de néisse l'an que Louis-Felipe rei mountavo sus soun siege, à Paris, e inauguravo lou moumen d'or de la bourguesìo francéso. E  li paisan dè Franço devenien mai que mai li darriè.

   Mistral -dòu prefouns miejour de l'Estat francés fai l'encountrari: fai reino Miréio, uno paisano de mas, senço poumpamen, ni dòutrino. Mai n'en parleren encaro!

   La Santo Estello d'aquest an - passa à Cano dòu 24 au 27 de mai - Estello dòu centenari - a vourgu rapresenta lou resumi de tout acò- Vintesies group coustuma de li mai belli coulour, sesiho de cultura e de musico au Palais dòu Festenau, danço sus lou planestéu; uno grando tournuro de refleicioun emai de art per quatre journ.

   Li gent de Coumboscuro li an pourta la presenci de la man cisaupenco de la mountagno. Al noum d'uno identità prouvençalo, que s'enauro dessoubre li crestén de li mountagno e de li barriero estatalo.