Diamenjo, lou 12 d'avoust, festo de San Laurens al Préit (val Mairo) en aut de Chanuéies, abou la bahio, justament dicho "de San Laurens".

   Dins l'après-mesjourn lou viei "abà", coumandant de la bahio, a counsegna lou chapel al nou aba; que lou rempiaço per un an; après sara, per un autre an, lou moument d'un autre abà.

Ero per parar lou Préit de li Ugounots, que despi lou 1500 davalàven dal col Maurin chabal la val Mairo, qu'ero ancianament neissuho la bahio, troupo arma de de jouhes estreches dentourn dal pais e de la gleiso, soubretout dins li journs de pericle ou de festo.

E justament sus li baihos:

es rèn poussible de far renéisse la bello baiho de Sambùc? Après de siècles de vido, s'es tenguho lou derriher viage a Turin, per li festo de "Italia'61"- Fai de peno de saupre qu'uno causo talament mountanhardo vai fenir li siei journs dins li neblos d'uno vilo de la plano- perquè pol rèn leva encaro la testo?- Se n'en parla lou 12 a Mourrihoun, d'acò, per la festo de San Laurens, qu'es ista verament uno bello festo, pleno d'amista- que n'en penso lou mounde de Sambuc?