Li paissans e agricoultours e alevadours de val d'Esturo deven saupre que èiro soun dins un chamin senço sahido, ounte resto qu'uno triho imediato da far: ou far li valisos, abandounar terro, meisoun, pais, valado e s'en parte per un autre destin, ou aprène lou mestìer dal «banhìn », se metre un pichot pichot paréi de braiétos e moustrar a nouhar à li turistos que - passant quarquis ans - venarèn visitar la nouvello val d'Esturo e se banhouliàr dins lis aigos roumantìcos dal lac.
Segùr: l'a dich Aldo Viglione, President de la Réjoun Piemount, lou sieis de belìer a li journalistos recampa à Couni: en val d' Esturo lou lac se fasarè; se fasarè lou barrage de Mouiòlo, se sountourarèn uèch quiloumetres de valado sout de l'aigo, se coustrenharèn li pichots paisans à
«La Regione é favorevole alla diga, incentiva gli studi. Le opposizioni in pochi poprietari di terreni da invadere sono comprensibili, ma non possono fermarci ». Es a dire que li mountanhards de val d'Esturo cuènten gaire, se pol ié sacrificar, li gents de la plano que ourèn l'aigo del lac, soun ben mai enteressantos.
Coumprenén bén lou besoun d'aigo de la plano, ma nous vèn da pensàr que prou de persounos fan prou de vouts; gaire de persounos fan gaire de vouts: lou rasounament es precis e clar.
E alouro, brave mounde de val d'Esturo, encha trihar vostre destin: far la valiso e parte souléts, dran que l'aigo dal lac vous mounte sus li fouganhos, à estènhe la derrièro flamo de vostre destìn? e saludàr vostro tèrro, emé la pèno dins lou cor, coumo li dùi « promessi sposi » dal Manzoni: « Adièu, mountanhos s'enaussantos dis aigos!... »?; ou bèn, se sià decida de restar, saràs brau de far un cours acelera de banhìn d'aigo douço à servici gracious de li touristos banhoulìers à la modo: acò dins l'esperanço de vous ganhàr, coumo banhìns, uno plaço, un emplèg public, emé tant de estipèndi lou 27 dal més: tal qual li ussihers, li bidèls, li passo cartos de touto la buroucracìo dal mounde.
Segur, soun de bonos plaços, que van à councours. E alouro, brave mounde de val d'Esturo, courage, perdè rèn vostre temp: ana vous cercàr un bèl toupin d'aigo founso e coumença jo èiro a far vostres esercitaciouns de nouhage. E s'avè pancaro (en causo de l'estajoun) de turistos da salvàr de l'aigo, fasè visto de salvàr vostre chat. Parìer sarè lest à ganhàr lou councours-banhìn quouro venarè lou moument.
commenta