Soutouro la soumbrour

fa vinco grando des nuch,

e la bourino entemeno

l'orle estrench dal journ.

L'oumbro fai la vihàdo

a lou quiàr, que calo

coumo per murir.

S'estegn lou fùouq sarvage

sai buòsq e pastural

e lou souèmi frèid

enroùo la mountagno.

Me ent'al soumbre de la nuch

toumbarè la néu esclento

ent' ès valoun, a coungriàr

la semenço oulvro de lou quiar.

L'ùhi dal journ calignarè, deman,

lou grandir pàise de sa courso chardo.

E l'avivàr dal temp blagard

signarè la marco

ufanouso dal soulèi.