-Nous arubo lou numre 1-2 de «A R C»-periodico delle regioni dell'arco alpino-edita da l'Associazione Culturale «Arco Alpino» Cividale del Friuli; direitour Gustavo Buratti.

   Porto anan emé sensibleta e enteligenço un discours de coulegament di regioun de tout l'arc alpenc, da l'oucident prouvençal e piemountés à l'ourient fourlàn e slouvenc. Sa finalita es soubretout la defenço de l'ome e de sa liberta dai coundiciounament de l'utilitarisme e de l'alienacioun.

   Dins aquest numre remarquén: «Il Babau», de Cla Rert, «Il contrabbandiere della Pèiro», de Tavio Cosio, e «Situazione giuridica delle minoranze» de Tavo Burat.

 

-Un nouvèl numre de «Lou Soulestrelh»-journal d'iniciativo per l'autounomio di valades òucitanes- es sahi emé un remarcable article redaciounal «Disfacimento e rifacimento della stato». Encaro: «Il costume di Frassino» di G.P. De Bousquìer e «Il toponimo nelle valli valdesi» di O.Coisson.

   Es, per la part redaciounalo, uno quiaro countribucioun al just entendiment dal moument eletoural, en visto de l'autonomio alpenco.

 

-Nous arubo pountualament lou bouletin parroquiàl de Chasteldelfin, emé la bono rubrìco «Nouveles de la vilo». Ié troubè, sus lon derrihe, «Da Torrette: un ricordo d'altri tempi», esmouguent record dal mariage de sieis coubies de nòvi, tuchi d'eilamoun. Uno raro fotò de l'epòco ilustro la noto.

 

-«OSTANA, LU NOSTRE BEL PAIS»- numre unic edita da la Pro-Oustano- ilustro la val Po e fai bèn lou paréi emé «Lu porto vesse » de Ouncin. Eleganto publicacioun e bon prougramo, que fai piaço tamben à l'estudi de la civilisacioun loucalo. Ié remarquén pouesies e proses en lengo oustanenco, un courajous entervent de Giacomo Lombardo (I derrìè issu), uno precisacioun dal sèndi Giuseppe Do sus «Ostana e la Comunità Montana» e un'autro de D. Luigi Destre sus l'estorio de la Parroquio; encaro uno escourregudo statistico sul la poupoulacioun, presentacioun di ruha, usances etc. - Coumpliment an-aquéli qu'an agu l'iniciativo. Ma n'aute bot sarè rèn poussible de vèire paréisse pouesies, proses e noum di post en oustanènc, dins uno grafìo prouvençalo mai countroula? es a dire, mai aramba an-aquelo fissa da la «Coumeissioun per la lengo» de l'Escolo dòu Po?

-« LOU QUIOUQUIER DE STROP » (ou bèn: « d'Estròp »?) - notiziario degli amici di Stroppo (v. Mairo)-douno de rensinhaments sus l'ativita de l'assouciacioun e fai mai de plaço 'al tourisme. Ma ié lesén un article, bèn ourienta, de Lino Ravetto sus « Folklore, attrazione per turisti... o altro ancora? ».

-« LA VOUS DLA FAMIJA VALOURIANA »-Valloriate- Aquesto es uno vous un pau novo per touto la val d'Esturo. Ié se cuèi uno sensibleta etnìco al sìou primìe but. Aurelio Monaco retrobo la lengo de soun pais e en valauriàn escriou la presentacioun: « Parlén un pau 'ntra nousautri ».

   Ma - nous escusarèn i amis de Valaurio- perchè « valouriana »? E perqué aquel «famija »? Sariho rèn miéi d'escrive mai simplament e mai rigourousament « famiha valouriana »? - Courage!

 

-«L'ESCOLA QUE PIAS A N'EITI » (ou bèn  «à nèiti »?) -giornali della cl.V delle elementari di Vernante, ins. Vitt. Caraglio.

   Aquest journalét cicloustila es segur uno sourprèso. Es sus de fatigues coumo aquesto que i pichot mountanhard aprénen a voulè ben à soun pais, à sa lengo e al sìou patrimòni de coulturo.

   A l'animatour, ins. Vittorio Caraglio (que ié publìco tambèn de soues jòlies pouesìes) i nostri coumpliments e... anan! La carrèro es bono.

 

- « TACULOT » - Scuola elementare di Angrogna (v. Pelis) - ins. Jean-Louis Sappé.

   Journàl cicloustila, que mostro grando curo e grando afecioun vers li proublemo precis de la valado de Angrogna - Empertout i riferiments soun doucumenta e la recerco poussa al founs. I escoulans ié soun abitua a counsideràr li questiouns foundamentales per la vido dal pais: soubretout l'agricoulturo e l'elevage en cououperativo di besties. La vido d'uno valado ven d'iqui, de la maniero que i siéi jouhes aprénen à la counoùisse. Es mai que just ço qu'escrìou lou magistre J.L. Sappé: « L'argomento qui trattato... è l'esempio di un tentativo di alternativa ai contenuti tradizionali di studio, da Scevola a Teodolinda, dai Babilonesi agli Ostrogoti, che sono così lontani dall'esperienza dei ragazzi....»,