La SANTO ESTELLO - la foundamentalo festo dòu pople prouvençau e dòu miejour - se tendra aquest an à ARLE / ARLES lou dimenche 2 de jun 1974 / domenica 2 giugno 1974, journ de Pandecousto e aura uno empourtanço particoulari, perdequè ié se celebrara lou centenari de JÒUSE D'ARBAUD, lou grand e jamai proun amira cantaire de la Camargo servajo emai de si pastre.

   Li manifestacioun coumençaran emé uno charradisso de M.Andrèu Chamson, de l'Academio de Franco e majourau dòu Felibrige, sus lou pouèto dòu Lausiè d'Arle. I aura tambèn uno grando festo is Arèno, emé li gardiàn e li manadiè.

   Touto l'annado 1974 sara counsacrado à la celebracioun dòu centenari de Jousè D'Arbaud, qu'es seguramen un di mai grand eisemple de la pouesìo prouvençalo emai de la pouesìo universalo.