Quouro al soump d'un pastural drubert

gachou lou souléi bas dounar lou roso

e l'ori à la mountagno scalabruno,

i-a un pau de mi que sus i crest d'arnauço

e se desperd dedins d'un soufle d'aire,

que ane serço fin per l'univers.

Alouro chanto de vido cuberto

la tèro de la coùmbo; se desvéio

ente l'erbo, la péiro e lou brouncìe.

La vòous de l'aire, pus quiaro e pino

coumo uno mascho chavo à la bricaio

'mé de paraulo de chançoun 'stangìa

que squaize me paréis de arcounoùisse.

Alouro tout se 'sperd 'nte la soumbrour,

qu'arubbo coumo réino de la nuch.