Avihou de terro

i me l'an pia,

avihou 'na caso

i me l'an pia,

avihou n'animo

i me l'an decò pia.

Avuro daluégn d'ilamoun,

quouro la sero

m'estrégn la goulo

e grimes de rabio

pougnoun mi uéi,

voularihou bramàr

à lou mounde

qu'es pa just ço que m'an fach;

voularihou que tuchi

fouguéssoun en jai,

voularihou mi dran

èsse jaiouso;

ma quouro la sero

m'estrégn la goulo

véu murir ma gent ilamoun

e mi pui rèn,pui rèn

èsse jaiouso.