Lou Councours «LA ROCHO» de Pouesio e Desenh, alesti à La Rocho (val Mairo) en couincidenço abou la voto patrounalo de la Sacro Famiho, dal 19 d'avoust 1973 a agu, count tengu de la moudestio esfourça de tuchi i coumençament, un resultà ren esperable.

   La garo counsentiho la partecipacioun abou de versificacioun pouetìques en prouvençau e italian e a cuechi mai que vint coumpouniment de pouesìo e de desenh.

   Acò es testimounianço de l'enteressi souleva entra la poupoulacioun de La Rocho per l'iniciativo, que se cuénto de eslarja, l'an venént, à toutes li coumunes prouvençales de la val Mairo.

   Aquesto obro es counsecra, bèn entendu, en primo e soubretout ai joùine e ai mai que joùine de l'escolo oubligatorio, que n'en saren li proutagounisto avivadour. Ma aquel resulta sarè poussible e avarè uno significacioun counstrutivo e councreto soulament se li parent, li magistre e lis ensegnant d'escolo se faran poussaire de bono vuèio e sensibilisatour de coulturo loucalo e de fiertà sincerament mountagnardo e terrodaurenco.