DAPE'LOU FUEQ,

SOULET, AQUESTO SERO,

DAPE' LOU FUEQ

NAVISA E REPENSA

QUOURO FORO 'NTE LA NUECH

CHARAMAIAVO E MIO GENT

SE BAROUNAVO A SCOUDASSE

IÇI,DRAN LOU FOURNEL

BEN DAPE' LOU FUEQ,

MIOU PAIRE TOUT SOUT VÓOUS

NOUS CHANTAVO NA CHANCOUN

VIEIO DE GUERO OU

DE N'ESTORIO DI LOUP,

LA QUILAVO 'N VIEI ROUET,

LA VIRAVO 'N FUS TOUT BIANQ,

MI, MINA, COUJA SE NA BANCHO

CHAOUDO CHAOUDO BOUCAVOU

ESMARAVIA DUI MOUNDAI ESQUIOUPATA

SE LA BRASO ROUSSO ROUSSO

E FISSAVOU ENCHANTA

LA CHEINO NIERO NIERO,

I MIE SUEGN DE MINA

VOULAVEN 'BOU I VALOSCHE;

EIRO VÉOU 'NTE LA FIAMO

LOU PASSA DE LA MIO VIDO,

DE MIO GENT,DE MIO TERO

NA VÓOUS QUE VIEN DE LUEGN

SEMEO BRAMA DINS LOU FOURNEL:

"LAISSO PA DESTISSA

AQUEST FUEQ DE TIE RECORD,

DE TIE REIRE, DE TIO LENGO!".
.....ME'SENTOU TOUCHA

DE NA MAN DÓOUSSO DÓOUSSO,  

DAPE' LOU FUEQ

SIOU PUS SOULET AQUESTO SERO,

ME SEMEO VEIRE N'OUMBRO,

L'OUMBRO DE MIO MAIRE.