Couro la nuech me laisso pa durmì,

boucont de lai di vedre 'nté la piaço,

véou de figure niere

sbiavé d'un turubì de brissoulìe.

Tuchi 'n réou, senço vueio de parla,

un charounta de pé sus la mourdanho

enchaniné dal fré,

fià que se mesquien soubre 'nt uno tubo

din la feble lumiero di lampioun,

oubrié de mountanho,

cach a speta que la couriero passe

charja 'quihi vostri sonh coupa da i maire,

vosti silenci d'Indios, vostre forse,

vosti pourmoun coulounisa da i dusou

d'un mounde qu'es pa vost.

Tout de vousautri en vers i goule ouberte

di fabrìque dla piano

ent' uno calo-mounto senço fin;

me vosti cor issì a speta i retourn,

grimpa ai guindal, ai fount, ai piasse vuide

d'aquisti paiset

coundana a avé pus degune speranse.