PER LA PASTOURALO "VALQUIAUSO"

25 de desembre- Din lou cours de la Messo de Dinial la troupo de COUMBOSCURO a mai jua "VALQUIAUSO", la pastouralo presenta lou primìe bot i-a tres an e publica d'enderrierament per lou Centre de Dialéctologie Générale de l'Université de Louvain (Belgio). Avén remarca tra mes la gent de nosto valado, boun numre d'auti vengu de luégn e decò lou President de l'Aministracioun Prouvinçalo.

 

29 desembre- L'ideo prouvençalo es bèn vivo decò dins i post que "Coumboscuro" i-èro jamai ista. A San Micel de Pras avén remarca uno guiéiso autant bello qu'aquelo d'Elvo e a nosto arrivado sus i meisoun de la piaço èro escrich "Benvengu ai fraire de Coumbosouro!","Vivo l'escolo de Sancto Lucìo!". Prou de frairanço din la gent e lou Préire (gramacis, don Gallian!) e de Joùe bèn decida à dounàsse da far per nosto Prouvenço. Gramacis an-aqui "franq prouvençau"- Ernesto Cesena e Osvaldo Einaudi-que nous an manda de bon travai per lou journal.

 

I de genìe 1969- Dins nosto guiéiso la secoundo edicioun de "VALQUIAUSO" es ista lou souvét de l'annado nouvello ai fraire prouvençau de toute i valade e à i amis piemountés di "Brandé", que la Messo a vist recuei en bon numre, un pau per chasco valado. Avén péi fach freiranço e vihado de pouesio e de chant abou lour dins l'ateihe de scoulturo! L'annado pouiho ren coumençàr miéi d'acò

 

5 de genìe- Sién urous d'èstre ana (d'aprés l'envitacioun de l'abat Don Pellegrino) lou primìe bot à Senbùq (val d'Esturo), ente nous sién trouba en famiho dins la pichoto chapello, en tra de gent que escoutavo bou atencioun. Uro attendén i joùe de Senbuq bou lou jòlli coustume de la Baiho (qu'esméo fort an-aquel de Chasteldelfin) per lou 9me Rescountre Piemount-Prouvenço que aquest an se déu passar à Vinai (Sturo).

 

6 de genìe- A la Rocho de Drounle pa soulament la gent parlo prouvençau, me decò lou préire forço bèn: e ensèm à Don Ghio, Jors de Sandro, Roubèrt Isoardi, que se doùnen à la pouesio e paréissen à tuchi i rescountre patoisants. I-èro de mounde lou journ di Réi din la jòlio guiéiso de la Rocho Soutano e de foro tanto auro de espiritalità mountagnardo!

 

10 de genìe - Sién aruba à Pralounq de sero, me amoun quarcun dis escoulan nous attendìo per nous accoumpagnàr à la guiéiso de la Ruvièro, que ne gardén lou bon recort abou aquel de touto la gente poupoulacioun d'amoun. Que bravi fraire! I soun verament uni e fiér, a Ruvièro i-a encaro en cor que pìco.

I pichot ruvierénq an tengu bèn da ment la pastouralo e quarqui journ après nous an manda na grosso velopo de jòlie litre, toute lindament dissegna e nous i nou sén vist on tren de recitàr.

 

17 de genìe - Sent'Antòne jalo l'ome. Me à Chasteldelfin sen pa jala e nous sién trouba dins la guiéiso al mès de la gent d'amoun e d'aqui vengu da Blins (emé lou brave Don Ruffa) e da Pountchanàl. Es ista n'aute pais nouvél que i-avén

Brave Battistin Gallion de Blins, per i voste chançoun e rigoulade an-acò dal Sendi, que nous aviho tengu taulo embandiho; gramacis, Sendi Dao o "osco" ai magistre felibre de Blins, que encouràgen decò la lengo prouvençalo dins i escole.

   Gramacis, enfin ai préire qu'avén deranja e que vòlen bèn à nosto lengo. Osco à touto la gent de nosto mountagno prouvençalo!