(per 1ou 221 anniversari da le batailho, passa lou 18/7/1747, da1 temp de le 3° Guerro de Sucessioun, sus lou crest en tra Cluzon e val Suso, douminant Fenetrella e Exilles)

 

Dei siecle dezeutieme vers le meità,

quand enfuriavo la guèro de Sucessioun

dei trone d'Austrio e plusieura nacioun

se batìan per emposà lour Rei preferâ,

la Franço a tentà d'envahi lou Piemount.

 

D'occupâ l'Assietto su lou cret e Exilles a sa gaucho,

Fentrèlla s'la dreito e descendre aval, a Turin

èro entencioun dei gouvernament parisien

que se creiho, abou sa pouderouso armado

s-'obrî facìlo la vìo vers noutro valado.

 

Lou marqués de Bellisle abou trentun batailhoun

passo la frountiero que nous separo de Briançoun

e s'es avança su la Gran Côto e lâ pousicioun

que fan frount a l'Assietto e ai Gran Seren,

ounte se trobavo la troupo dei coumte Caqueran.

 

Lou general piemountè, que de batailhoun

n'aviho meké treize e pa pi de canoun

da opposâ a quelli de li noumbrêu envasour

poiho meké countiâ su la valour e li fusie

de si entrepìde saudà e bravi officìe.

 

Li Francé da l' marechal D'Arnault bien entrenà

ver la "trincéo a tenailho" se soun elangà,

ma li grenadìe dei count Sansebastian 

an sabu de lou nemis fougòu arrestâ l'eilan

e abou de perda sanglanta l'an repoussà.

 

Lou marqués de Bellisle que de la Gran Côto

ousservavo la batailho furiouro e acarnado

e li s eifors inutile de si valourous coumbatent,

arrapo un drapéu e s'elanço dint la mesclado

a la têto d'un group d'omme coumò el empacient.

 

Arribo a la "trincéo de la tenailho" tant desputà,

planto su lou bord soun ensigno de guèro

ma tout subit un colbe de sabre e uno fusielà

lou abattan a tèrro mourtalament blessà:

a pol pa pi fa d'are que encourajâ.si saudà.

 

Lou mème sort è touchà a la colono

dei general Villemur vers lou Gran Seren.

Aprés agué patì un massacra en plen

e teint abou soun sang l'aigo dei Valoun,

que quel journ da li mourt a prê soun noun.

 

Lou cadabre de Bellisle, da li Francé reclamà

abou l'ounour militar es ità counsegnà;

e lou journ aprê de la batailho gagnà

lou Réí a Turin es ità enfourmà

e siéis fanioun francé soun ità presentà

coumo trouféu de guèrro a Sa Maestà.