Recourdén bou joio e noustalgìo la bello journado de Sancto Lucìo, lou primìe de setembre, que se passo lou noste rumiage de tuchi i'an. De matina avén chanta i laude prouvençale ai doue messe e lesu i antifoùne, lou gradual, l'epistoulo,l'Evangèli din nosto lengo. Tout lou journ sus la

piaço es ista en frebùi de veiture e de gent e nousiauti de Coumboscuro, en coustume, avén coumpagna la nosto Sancto à la proucessioun.

   La vesprado dal sero es ista l'urouso counclusioun d'aquelo journado.

Sus la piaço alluma s'es abourna en gran troupéu de gent, vengu fin de la piano e-coumo se dì-se fesse piougu, i estisse sarìen ren toucha en terro, talament èren estréch. Lou group di Blavet de Saint Sauveur-sur Tinée, que abou nousiauti deviho rese la vesprado, èro ilai, à pourtanou

i dous chant de l'aute cousta de i'Aup. Coumo èren jòlie aquele dance que fasìen i chatoune abou i siéi coustume!

"Lou passeroùn", la "Mazurka" de Charloun ...E que ome piasént, aquel abat

Reboul, que i coumpagnavo. Bramavo ai pus luégn:"E vous, amoun, coumprené acò disén?". "Oui", i respoundìen tuchi en uno.-

   Nousiauti de Coumboscuro avén jua la pèço:"Lou chapel ai quiò", de Sergio Arneodo, que a ben fach rire lou mounde. Sarìo ista gran coso, se aquel sero tuchi i fraire de lengo féssen ista abou nousiauti, per far de noste pichot rumiage na festo patoisanto encaro pus grando. ARVEIRE,  FRAIRE, A L'AN  QUE VEN!