Din l'auto Val Varacho troubén un de i'usempi pus touchant de la bono consideracioun dal patoua decò coumo enstrument d'utilisacioun pratico.

Lou preire d'amoun -lou brave don Ruffa- publico uno part de soun linde boulletìn "TRA NOI DI BELLINO" en patoua, sout la dicioun "Parlén à nosto modo".

   E veramente don Ruffa -fi grinous d'aquele aute coumbe varachéngue e ataca dal prefouns dal cor à nosto gent mountagnardo- sa parlàr "à nosto modo"! Emé l'amo que parlo à l'amo di siéi fraire de lengo e de fede esparpaia de sai e d'lai de la barriero alpino e ne coumprén i necessita e sa donnaie la parolo que fai de bèn e que counsola.

   "TRA NOI DI BELLINO" es usempi de courage e de fede di la causo de nosto lengo prouvençalo e di noste tradicioun: qu'es coumo dir, din l'avenir de nosto gent e la counscienço que eli déu aver de sa mesuro, per se salvar coumo coumunita persounalo e libro.

   Al boulletin de Blins -qu'es un liame councret de nouvelle e de ransignament en tra i gent de la mountagno- souvetén urous travai e dounén noste salut grinous.