Draio de mountagno, arùbes de luégn

per pourta-nou luégn de la coumbo

travers d'i tousche e d'i coustàs,

e lou present, lou passa e l'avenìr

ent l'anàr dal temp tu nou fas véire.

Chapuéi chapuéi, envér la seho,

arjoùgnes i rua, i tech e i chasàl,

réo d'i réire, que milo pia an marca

e l'aigo d'i piève desfài.

Reveire i pra suèli me ménes:

pa de gent, me i meisoun ent'i n'ero.

E mi, quouro lou souléi

anaré ent'i roche, quèrre la nuéch,

oumbro de la nuéch, mountaréi 'bou tu

envér la seho, à troubàr i'estelle.