Lou Councours de pouesìo dialetale "Brut e Bon" - aruba à sa V° edicioun - al s'es mai tengu urousament à Foussàn, per voulenta de la "Pro Fossano" e lou admirable travai de l'amis Carlo Morra. I'an douna lou prémi lou 22 de mai, al cous de na reussido serade ente l'ancien chastel di Prenci d'Acaja. Per la secioun patoisanto (prouvençal e franco-prouvençal) i "pichot pouéto" de Sancto Lucìo an gagna lou primìe, lou secount, lou ters prémi, lou quart ex-aequo abou Barbo Toni Boudrìe. Coumo voulén pa pausàr na questioun de coumparesoun ou de classifico, qu'es sempre relativo, creién bèn de recourdar que prou de gent e decó la jurìo an recounouiçu quarque valour genìco ente la pouesìo de Sancto Lucìo. Remercién tuchi aqui que nous an douna - à l'oucasioun- soun encourajament e sa simpatìo.