M'arcouàrdou coun l'esbui quouro é tira

coun la pistolo 'd pà,

na Colt à routacioun

qu'avàien prés en caso d'estroma,

per fàr lou tir-à-sègn à Ribacioun.

   Me frére, na tolo su dla testo, bèn dispost e countent

al savìo prou que s'al boujavo nent

i'e fadìou pa la festo;

ma dui centìm pu bass èro la fin

e quié me trasfourmavou ent'en sassìn

   Bouneur que la pistolo, meso frusto,

tenìo la miro justo

dounavo assuranço d'en bon tir:

parei, preso la miro, é fet partìr

lou coulp drait al bersaliou e l'é centra:

la Providenço nous aviho juta.