L'aire tébi s'embrunìss justo uro

e sus i pra i'a na bello frescuro.

I fournéll mànden de tubo e de fuéq, 

bràmen si fraisse i'oussél de la nuéch.

I chan, soilét pr'i champ, ùlen de pòu,

smeio qu'i sénten quarcoso de nòu

de grant qu'es ente nosto pensìe:

de nòve, segùr: bòne ou marrìe?

Coumo saré qu'is depéren à japar?...

Vénou foro de l'ùis à escoutar,

ma lour soun jò luégn, sal mourrét di Véro...

Que i'a de nòu per l'aire, estoussero?