A caso sempe neq e charja 'd fout,

fadàien nent d'artout,

ma apeno pa surtìo

's ne scapaien jo vìo

magaro dechaussa,

bres e ouàto esjanca,

à coumbinàr d'esfardes coun i'amiss

e cimentàr la gent 'nt'al pais.

Lou pu souvéns se sviassàien ent i pra

par coùare ma 'd dana

fin à sentìersse ciouq

ò viroulàr par far-nou na tripa

d'arsioules,'d panabouq

e'd fruito de stajoun:

e arzigàr na fiamengo indigestioun.

Aprés, na couarço al Gess

o al Rìou qu'fadìho l'istéss,

e alé, par fàrsse vaire courajouss,

coumbinàien quaicòs 'd pericoulouss,

parei ma anar sal pount mes patanu,

slargàr i brass e fàs l'erbou fourchugambe,

da s'en pilastr  qu'al fuss pa tròp pounchu

e sbefiàr l'aigo zout, fraido e courento

que aquelo miro i'èro pu vioulento.

Se pa l'ouguess savu,

siq al nou fadìo fàr l'erbou fourchu!