Sìou retourna a ma granjo, ma n'enamoura que tourno a veire sa bèlo, apres ben d'absenço. À ma granjo sìou estacha de na chéino: chéino et recort, et miserio e d'afecioun, que deguno flamo pol esbrisàr. Per fàsse na granjo mi réire an trebula, an travaia, pourtant péiro sus péiro. Fin de fam an pati per lissàme na méiro. La grinour à mi réire me delassa lou cor, ma ment retourno ai premìer an de ma infantio, m'esméo de rotournàr en brass à ma maire e spartìr na chicho de sucre abou sorre e fraire. À ma granjo ai apprés noste bel patois. Me recordou quant ma maire me disìo: "Vai à jouàr, ma ìsto gaire; i'agnel ven far minjàr: à nosto granjo qui travaio, manjo. As sept an, deves jo ganàr lou pan".

   Lou pu gran piasér qu'ai agu es quant ai sabu que lou pouéto Mistral a chama fraire i nosti paire e nous, apres à lour, sén "manteneire" d'aquel Ounour!

   Ici mi uéi se gounfloun al beicàr la naturo en reveil ente la belo counco d'Elvo e sentou la musìco de nost aire fin, que me di: "Isto ici e rejouìssete!"

 

(Recitato a Monterosso Grana il 30-8-1964 nella seduta culturale del IV Incontro Piemonte-Provenza)