Que musìco douço, d'outourn

dal temp que l'aire

ramaço i fuéie d'entourn!

N'armonìo legèro

que chanto à la luno,

quiéto e malincourouso

ma lou mar que se cuno,

péi pus forto, pus rabiouso

esquasi ma lou fuéq ent'la bruèro.

Se i'entourtouro sus l'ièro,

se i rabouléo si cubert,

i-a pas sus la terro

pu alegre councert

d'oublidanço,

de pas, d'esperanço.

Aprés lou silenci

e mai aquelo musìco legèro,

douço enca pus de na prièro

ent'aquest'ouro d'outourn.