Mando lou gal na nòto d'alegrìo

par salutàr lou nàisse dal souléi. .

L'oumbro esvanìss: la nuét e jo funìo    

é s'e mai visto na journa paréi!

 

 Ribbe e coustoun se soun vesti da festo

par fàr pu quiàro e belo la journa;

al fiour d'i pra, 'nt al tiràr su la testo,

i chuchou encàr s'estisse dla rouza.

 

I viéi da l'ùiss se gòdou la frescuro

é jùtou meq i polou à l'àuto gent;

vache e chabri se rendou à la pasturo

é la valado e touto en mouviment.

 

Chanto lou gal é la soùo vouss coumando

qu'i réste dgun coun la pigricio à col.

Lou pan e scars é la misério grando:

qui fé mai d'nént al manjo quouro al pòl.