Na vinco i'èro na fremo que avìo jo agu prou de pichuét, ma quouro arubaven à en tal age, senço que degun sabésse la resoun, i murìen. Aque sto maire èro propi despera e, coumo n'avìo mai n'aute, uro i'e fasìo propi atencioun.

   En journ que éro per parte, ana fàr lou fèn ai pra seq, ente ciavo sìou ome, a sentu sa bello-maire que disìo al fiét, ente la cuno:"Uro tu sìes san o degourdi, ma se degun taiaré l'oumbro que d'ici à en pau viro se la toùo cuno, estousero sarés mort!".

   La pauro maire dal pichot a sentu e, touto despera, courre cuentalou a sìou ome. Quiel ven, vé l'oumbro se la cuno e la taio bou lou dai. Aprés i soun ana cercàr la bello-maire e l'an trouba ent'al sìou liéch, taia en dui. Ero quiéi que massavo i pichot, perque i s'èro engaja abou lou diàu.