I'es vengùo la primiero charamaiàdo,

magno bianco a cubert Coumboscuro;

la néu, aquesto bianco destendùo, uro

tant 'ma paréis i'a couata ent'ma valado.

 

I'es  morto la vito en foro di rùa:

maq pu, d'en tant en tant, na pia

que se crouséo s'i lime e s'i mourrét,

vol di-nou que sén pa'ncaro soulét.

 

Degun sal lounq dal journ la trasso:

souléto la vourp, de'nuéch, pian pian

'nte tuchi i cantoun viroundo e passo,

s'en vai areire, per iquiòuto, e anan.

 

Uro la pensou arpausa sus en briq lusènt

en tren de beicàr la luno:

fermo, groupigna d'en freit pougnént,

tramolo afama e l'aire la cuno.

 

Sa vito, destaca parei de la nosto,

me fai sumiàr, en mount luégn de la gent

e quoro la luno, laissant journ, calo a pounent,

mìou  pensie vai per sa draio, s'la costo.