Sempre béicaréi aquest larq ourizount

'nte noste véire se pert, noste pensìe

fount coumo lou ciel à la terro.

De dareire dal counfin tùben i nebie,

s'àusso e desparéiss lou souléi.

Ourizount luén, qu'í saré i lai dareire?

D'aute valade? de gran tousche niere,

ente s'arpàusen souléi, luno, estéle?

I saré d'aute roche, mountagne guiassa,

laq ente esepéchen lou souléi e la luno

e lou ciel de fuéq, à l'ouro dal tramount...

Oh, me piài beicàr l'ourizount de nu nuéch,

véire trihar i'estele tout lou lounq

d'aquest mount enchanta que me fai vive!