Coustàn dar Jup, bou frr e cacanoùn,

nino la tèro e cuno lou souléi,

s'en liéch de fiour e s'en cuçìn de péiro;

"Choudane" chanto, bou la vòous de cuço

cacarého;  i minàa i  l'han mandà

e griggnen: i fai goi vèirie grignàa;

"Pirét", en vantihànt, bou 'n tourtaròt

pouschetto i pèire ai chantèl de la dràio

(éle manìs deschamberlìn e arpe);

trés viéi que chàmmen, mal trechì, desmèers,

trés réi per Nossegnouri e siò Var Laccho

e sié minàa. .I chan i jàppen  pa

e bou i jaline, i chabbre, i vacche e i féhe

i bòouquen. I boucàven. Soun jò mòort

i daréire arpuhèl di sarvanót,

i trés crestian di crést, e van de nouéch.